امریکا جمهور باشلیغی دونالد ترامپ، افغانستان اوروشی‌ده اولیب و یره‌لنگن بریتانیا عسکرلرینی تحسین قیلگن. ترامپ‌نینگ اجتماعی ترماقلری‌ده یازیشیچه: «بریتانیا‌نینگ بویوک و نهایت جسور عسکرلری دایم امریکا بیلن بیرگه بوله‌دی؛ بو رشته هیچ قچان اوزیلمه‌یدی.»
افغانستان خوفسیزلیگی توغریسیده اۉزبېکستان جمهور باشلیغی‌نینگ تشقی سیاست ایشلری بوییچه مخصوص وکیلی و اوشبو مملکت ملی خوفسیزلیک مصلحتچیسی عبدالعزیز کاملوف‌نینگ بیاناتیدن سونگ، بیلرمانلر، ترورچیلیک و منطقه‌ده خوفسیزلیک تشویش‌لر برچه اوچون قوشمه تهدید حسابلنه‌دی و اونی قوشمه کوره‌ش و همکارلیک بیلن یینگیش کیره‌ک دیب ایشانه‌دیلر.
تورکیه تشقی ایشلر وزیری، اسرائیل‌نینگ ایران گه هجوم قیلیش اوچون فرصت ایزله‌یاتگنی‌دن خبر بیرووچی بیلگیلر موجود‌‌لیگی‌نی معلوم قیلگن.
عدن شهری‌ده یمن دولتی‌گه تیگیشلی حربی کاروان‌گه جایلشتیریلگن بمب‌نینگ پارتلشی عاقبتیده، کمیده بیش کیشی اولیب و باشقه اوچ کیشی یره‌لنگن.
اسرائیل آرقه‌لی لبنان‌نینگ جنوبی منطقه‌لری و سوریه-لبنان چیگره قتناو یوللری نشانگه آلینگنی نتیجه‌سیده، کمیده ایکی کیشی اولیب و باشقه ۱۹ کیشی یره‌لنگن.
اوکراین رسمی‌لری، روسیه راکته و دران‌لردن عبارت قوشمه هجوم بیلن اوشبو مملکت پایتختی کی‌یف شهرینی نشانگه آلگنینی معلوم قیلگنلر. رویترز ییتکرمه‌سی گه کوره، روسیه بوگون (۳۰ جدی/ ۲۰ جنوری، سه‌شنبه) بامداد پیتی کی‌یف شهرینی نشانگه آلگن. معلومات‌لر گه کوره، روسیه هجوملری عاقبتیده کی‌یف‌ده برق و سوو کیسیلگن و اوشبو شهر یشاوچیلرینی تورلی قیینچیلیک بیلن روپه‌ره بولگن.
سوریه اردوسی، بو مملکت شمال‌شرقی‌ده جایلشگن الشدادی شهری‌ده‌گی قماقخانه‌دن داعش گروهی اعضالری‌دن قطاری‌نینگ قاچگنی‌دن خبر بیرگن؛ لیکن قاچگن کیشیلر سانی‌نی معلوم قیلمه‌گن.
کابل امنیه قوماندانلیگی سوزلاوچیسی خالد زدران، کابل شهرنو حدودلریده اویوشتیریلگن پارتلشده ۷ کیشی اولگن و بیرقطار کیشی یره‌لنگنینی بیلدیردی.
اوکراین حربی کوچلر باشلیغی‌نینگ اعلام قیلیشیچه، روسیه ۲۰۲۲-ییل فبروری آیی‌ده بو مملکت‌گه حربی هجومی‌نی باشله‌گنی‌دن بویان، قریب بیر میلیون ۲۲۵ مینگ ۵۹۰ عسکری‌نی قولدن بیرگن.
سوریه اردوسی و دمکراتیک کوچلری آره‌سیده ستراتژیک شهرلر همده نفت ساحه‌لری اوچون توقنشوولر کوچه‌یب باره‌یاتگن بیر پیتده، امریکا بو مملکت اردوسی‌دن سوریه شمالی‌ده کُرد کوچلری نظارتی آستیده بولگن منطقه‌لرگه ایلگری باریش‌نینگ توخته‌تیشلرینی سوره‌گن.
نوار غزه ده آتیش کیسین ایکینچی باسقیچ‌گه اوتگنی بیرحالده، بو منطقه بویلب اسرائیل هجوملری دوام قیلیب و اوتگن بیر کیچه‌وکوندوز‌ده کمیده ۱۵ فلسطین‌لیک قربان بولگن.
سوریه اردوسی، حلب شهری شرقی‌ده جایلشگن دیرحافر منطقه‌سیده کُرد‌لر رهبرلیگی‌ده سوریه دمکراتیک کوچلری‌گه قرشی کینگ کولمی حربی عملیات‌نی باشله‌گن.
فاریاب ولایتی محلی رسمی‌لری، اوشبو ولایت قیصار تومنیده راکت اوقی پارتلشی عاقبتیده ایکی باله قربان بولیب و بیر عیال شامل بیر باله یره‌لنگنیدن خبر بیردیلر.
اوکراین جمهور باشلیغی ولودیمیر زلنسکی‌نینگ اعلام قیلیشیچه، مملکتی‌‌نینگ بیر قطار بولیم‌لری روسیه آرقه‌لی راکته و پهپاد بیلن نشانگه آلینگن.
بیرلشگن ملتلر تشکیلاتی‌ده ایران دایمی نماینده‌سی امیرسعید ایروانی، ایران گه قرشی امریکا جمهور باشلیغی دونالد ترامپ تهدیدلری آشگنی‌دن تنقید‌لب، بیرلشگن ملتلر تشکیلاتی باش کاتبی، خوفسیزلیک کینگشی و برچه اعضا مملکتلردن، اوشبو بیانات و تهدیدلرنینگ قاره‌لشلرینی ایسته‌گن.
ایران تشقی ایشلر وزیری سیدعباس عراقچی‌نینگ اعلام قیلیشیچه، امریکا ایران گه قرشی حربی حرکت‌‌نی «سینب کورگنی» صورت‌ده، تهران‌نینگ اوروشگه بوتونلی شکلده تیارگرلیگی بار. عراقچی، بو بیانات‌نی «الجزیره عرب» بیلن اوتکزگن مخصوص صحبتلری‌ده و امریکا جمهور باشلیغی دونالد ترامپ‌نینگ سونگی تهدیدلری…
