«آیبیک عثمانوف» اۉزبېکستان نینگ افغانستاندهگی ایلچیسی صفتیده اېتیب تعیینلگن. اۉزبېکستان «کون اوز» یېتکرمهسی، بوگون (۷-عقرب، دوشنبه) ترقهتگن گزارشیده، آیبیک عثمانوف اۉزبېکستان نینگ افغانستاندهگی ایلچیسی صفتیده اېتیب تعیینلنگنیدن خبر بیرگن.
اۉزبېکستان مرکزی سیلاو کمیتهسی، اوشبو مملکت پارلمان و محلی کینگش سیلاولری نینگ دستلبکی نتیجهسینی بوگون (۷-عقرب- ۲۸-اکتوبر، دوشنبه) اعلان قیلدی. اۉزبېکستان سیلاو کمیته باشلیغی زینالدین نظام خوجهیوف نینگ معلوم قیلیشیچه، اۉتگن کونی بولیب اۉتگن پارلمان و محلی سیلاو کینگشی ده ۱۹ میلیون ۹۴۴ مینگدن آرتیق سیلاوچیدن ۱۵ میلیون ۲۷ مینگ ۵۲۹ کیشی یعنی ۷۴.۷۲ فایزی آواز بیرگن.
سعودی عربستان و عمان، اسرائیل نینگ ایران گه هجومینی قارهلهگنلر. اسرائیل بوگون (۵-عقرب، شنبه،) ایران گه هجوم قیلگنیدن سۉنگ، سعودی عربستان تشقی ایشلر وزیرلیگی بیر بیانیه ترقهتیب اسرائیل نینگ ایران حربی مرکزلری گه هجومینی خلقارا قاعدهلر گه قرشی دیب و بونی قاره لهگن.
اسرائیل اردوسی، ایران نینگ اسرائیل گه راکته هجوملری گه جواب، اوشبو مملکت نینگ حربی مرکزلرینی نشانگه آلگنیدن خبر بیرگن. خلقارا یېتکرمهلر، اسرائیل اردوسی بوگون ( ۵-عقرب، شنبه) بامداد پیتی ۱۰۰ دن آرتیق جنگری اوچاق و اوچووچیسیز اوچاقلر بیلن ایران نینگ تورلی حدودلریده بو مملکت نینگ بیرقطار حربی مرکزلرینی نشانگه آلگنینی اېتگنلر.
اسرائیل، حزبالله لبنان نینگ راکته هجوملری عاقبتیده ۱۰ عسکری هلاک بولیب و باشقه ۲۴ عسکری یرهلنگنیدن خبر بیرگن. اسرائیل اردوسی، بوگون (۴-عقرب، جمعه) بامداد پیتی بیش عسکری، لبنان جنوبی حدودلریده حزبالله نینگ راکته هجومیده هلاک بولیب و ۲۴ عسکری یرهلنگنینی معلوم قیلگن. معلوماتلر اساسیده، اسرائیللیک یرهلنگن تورت عسکر نینگ احوالی آغیر دیر.
غزه ساغلیقنی سقلش رسمیلری، اسرائیل اردوسی نینگ خانیونس ده هجومی عاقبتیده ۱۴ باله شامل ۳۳ کشی قربان بولگنینی معلوم قیلگنلر. الجزیره یېتکرمهسی بوگون (۴-عقرب، جمعه) بو کیشیلر اسرائیل اردوسی نینگ خانیونس ده هجومی عاقبتیده قربان بولگنلرینی اېتگن.
فاریاب معارف ریاستی مسئوللری، اوشبو ولایت نینگ ۱۲ تومنیده ۱۹ مکتب نینگ قیته قوریش ایشی باشلنگنینی معلوم قیلگنلر. فاریاب معارف باشلیغی محمدطاهر جواد گه کوره، اۉتگن اوروشلر طفیلی بوزیلگن اۉرته و لیسه مکتبلری شامل ۱۹ مکتب نینگ قیته قوریش ایشی باشلنگن. اوشبو مکتبلر قیته قوریلیشی بیلن فاریاب ولایتیده ۱۰ مینگ دن کوپراق اوقووچی گه تعلیم زمینهسی یرهتیلیشینی معلوم قیلهدی، فاریاب معارف باشلیغی محمدطاهر جواد.
اسلام امیرلیگی باش وزیری نینگ اداری اورین باسری عبدالسلام حنفی، اۉزبېکستان مسلمانلر اداره باشلیغی و همراه هیئتی بیلن اوچرهشگن. ارگ، ۳-عقرب، پنجشنبه کونی ایکس صحیفهسیده بیر بیانیه ترقهتیب، اسلام امیرلیگی باش وزیری نینگ اداری اورین باسری عبدالسلام حنفی، اۉزبېکستان مسلمانلر اداره باشلیغی نورالدین خالق نظر و همراه هیئتی بیلن اوچرهشگنیدن خبر بیرگن.
اسلام امیرلیگی حج و اوقاف وزیرلیگی سرپرستی نورمحمد ثاقب، اۉزبېکستان مسلمانلر اداره باشلیغی و همراه هیئتی بیلن اوچرهشگن. اوشبو وزیرلیک بوگون (۳-عقرب، پنجشنبه) ایکس صحیفهسیده بیر بیانیه ترقهتیب اۉزبېکستان مسلمانلر اداره باشلیغی نورالدین خالق نظر و همراه هیئتی بیلن کابلده اوچرهشگنینی معلوم قیلگن.
افغانستان وضعیتی گه دایر بریکس تشکیلاتی رهبرلری نینگ بیانیهسیده، افغانستان گه انسان پرورلیک یاردملر دوام تاپیشی همده بو ممکتدهگی احوال حل اېتیلیب و اسلام امیرلیگی قیز اوقووچیلر گه یرهتگن چېکلاولرینی تیزلیک بیلن بیکار قیلیشی تأکید اېتیلگن.
تورکیه پایتختی انقره شهری یقینیده اوشبو مملکت نینگ هوا و پروازلر بیلن باغلیق تکنالوژی و صناعت کمپنیهسیده قانلی هجوم طفیلی، بو مملکت مدافعه وزیرلیگی عراق و سوریه شمالی حدودلریده کردستان ایشچی حزبی نینگ قرارگاهلری نشانگه آلینگنینی معلوم قیلگن.
الجزیره یېتکرمهسی، حزبالله لبنان ۲-عقرب، چهارشنبه کونی اوشبو راکتهلر بیلن اسرائیل پایتختی و بو مملکت نینگ شمالی حدودلرینی نشانگه آلگنینی اېتگن. معلوماتلر اساسیده، اۉتگن کون شام پیتی تورت راکته لبنان دن اسرائیل تامانیدن آتیلگن. اسرائیل اردوسی اوشبو هجوملرنی تصدیقلسه ده، بیراق بو راکتهلر نینگ کوپینچهسی یوق اېتیلیب و باشقه بیرقطاری بوش اهالیسی بولمهگن حدودلرده توشگنینی معلوم قیلگن.
بیرلشگ ملتلر تشکیلاتی نینگ انسان پرورلیک یاردملرینی هماهنگ قیلیش ادارهسی، اسلام امیرلیگی اوشبو اداره نینگ یاردملری گه ارهلشووی گه دایر ادعاسیدن سۉنگ، اقتصاد وزیرلیگی، بیرلشگن ملتلر تشکیلاتی نینگ انسان پرورلیک بوتون فعالیتلری مذکور تشکیلات نینگ ادارهلری و اسلام امیرلیگی حمایتی بیلن عملگه آشیریلیشینی اېتگن.
«بریکس» ییغیلیشی ۳۶ مملکت نینگ اشتراکی بیلن روسیه ده یولگه قوییلگن. خلقارا یېتکرمهلر نینگ معلوماتی اساسیده، بو ییغیلیش ۱-عقرب، سهشنبه، روسیه نینگ «کازان» شهریده اوشبو مملکت جمهور باشلیغی ولادیمیر پوتین نینگ میزبانلیگی بیلن یولگه قوییلگن.
احصائیه و معلومات ملی ادارهسی، افغانستان اوشبو ییل سنبله آیی ده بیر میلیارد ۱۲۸ میلیون دالرلیک سودا آلیش-بیریش قیلگنینی معلوم قیلگن. اوشبو اداره بوگون (۲-عقرب، چهارشنبه) ایکس صحیفهسیده بیر بیانیه ترقهتیب، افغانستان اوشبو قویاش ییل نینگ سنبله آیی ده ۱۷۳ میلیون ۹۰۰ مینگ دالر صادرات و ۹۵۴ میلیون ۱۰۰ مینگ دالر واردات قیلگنینی اېتگن.
اسلام امیرلیگی قاچقینلر وزیرلیگی، تورلی موسسهلر بیلن ایککی میلیون دن آرتیق دالرلیک همکارلیک شرطنامه امضالهگن. اوشبو وزیرلیک بوگون (۲-عقرب، چهارشنبه) ایکس صحیفهسیده بیر بیانیه ترقهتیب بو وزیرلیک ساغلیقنی سقلش ترقیات موسسهسی، عیاللر اوچون عیاللر همده اکتید ادارهسی بیلن ایککی میلیون ۴۹۸ مینگ ۶۳ دالرلیک همکارلیک شرطنامه امضالهگنیدن خبر بیرگن.
