بیرلشگن ملتلر تشکیلاتی باشکاتبی آنتونیو گوترش، غزه گه اسرائیل آرقهلی اویوشتیریلهدیگن هجوملرنینگ کوچهیشیگه قرشی عکسالعمل بیلدیریب، تیزلیک بیلن دایمی آتیشکسین برقرار بولیشینی ایستهگن. گوترشنینگ اورغولشیچه، هیچ نرسه فلسطین خلقینینگ جمعی جزالنتیریشنی آقلهی آلمهیدی.
کابل بادامباغده، بنگلهدیش شفاکارلر تیمی یاردمی بیلن افغان قیزیل آی جمعیتی مرکزی کسلخانهسیده،۱۲۰ دوداق و تنگلهی جیریق بالهنینگ تیکین طرزده دوالش جریانی باشلنگن. اوشبو نهاد مسئوللری، بو بالهلرنینگ دوالش جریانی ۲۸-ثور، یکشنبه کونی باشلنگن و تورت کونگچه دوام تاپیشینی معلوم قیلهدیلر.
فلسطین ساغلیقنی سقلش رسمیلری، اسرائیل آرقهلی غزه گه اویوشتیریلگن ینگی هجوملر نتیجهسیده، کمیده ۹۷ کیشینینگ اولیب و اونلب کیشی یرهلنگنینی معلوم قیلگن.
اسلام امیرلیگی تشقی ایشلر وزیرلیگی سرپرستی امیرخان متقی و ایران تشقی ایشلر وزیری سیدعباس عراقچی، بیر بیری بیلن اوچرهشیب و ایکی تامان ایکی تامانلمه مناسبتلر، خوفسیزلیک مسئلهلر، سوو مسئلهسی و ایران ده افغانستانلیک قاچقینلر وضعیتی حقیده صحبت قیلگنلر.
بیرلشگن ملتلر تشکیلاتی باشکاتبی آنتونیو گوترش، اسرائیل آرقهلی غزهنینگ محاصره بولگنی و انسانی بحران دوام قیلگنیگه قرشی عکسالعمل بیلدیریب، حاضرگی وضعیتنی «وحشیلیک و انسانیت گه قرشی» دیگن.
روسیه اردوسی، اوچووچیسیز اوچاق بیلن اوکراین شمالی حدودلری سومی منطقهسیده بیر اتوبوسنی نشانگه آلیب چمهسی توقیز کیشینینگ اولیمی و باشقه تورت کیشینینگ یرهلنیشی گه سبب بولگن. رویترز، بوگون (۲۷-ثور، شنبه) ترقهتگن گزارشیده بو واقعه اوتگن هفته پنجشنبه کونی روسیه بیلن چېگره حدودلرده یوز بیرگنینی معلوم قیلگن.
جوزجان ده محلی مسئوللر، اوشبو ولایت خواجه دوکوه تومنینینگ «باشکوت دشتلیلی» قیشلاغیده، ۲ کیلومتردن آرتیق سرکنینگ جغل توشش ایشی باشلنگنیدن خبر بیرگنلر.
شهر و اوی-جای قوریش وزیرلیگی، جوزجان ولایتیده بیر مینگ ۵۹۸ مهاجر عایله گه یشش نمرهلری توزیع قیلینیشیدن خبر بیرگن. شهر و اوی-جای قوریش وزیرلیگینینگ مطبوعات ادارهسی، بیر بیانیه ترقهتیب، حاضرگه قدر ۲۵ ولایتده ۳۵ شهرچه پلانی طرح و ترتیب بولگنینی معلوم قیلگن.
اسرائیل اردوسینینگ اعلام قیلیشیچه، اوتگن ۲۴ ساعتده نوار غزه بویلب کینگ کولملی هجوملر اویوشتیریب و بیر نیچه حدودنی حماس نظارتیدن چیقرگن.
فاریاب ولایتی امنیه قوماندانلیگی مسئوللری، اوشبو ولایتنینگ خواجهسبزپوش تومنیده، بیر کیشی «نبیرهسی» تامانیدن آتیب اولدیریلگنیدن خبر بیرهدیلر. فاریاب ولایتی امنیه قوماندانلیگی سۉزلاوچیسی عبدالله مرادی گه کوره، ۱۹ یاشر منهاجالدین اسملی ییگیت، خواجهسبزپوش تومنیده ۶۰ یاشر باباسینی دکانی ایچیده آتیب اولدیرگن. مرادی، عایلهوی جنجل طفیلی بو واقعه یوز بیرگنینی اېتهدی.
بدخشانده، مملکتنینگ شمال و شمالشرق ۹ ولایت رسمیلری قۉشمه ییغیلیش اۉتکزدی. ۲۶-ثور، جمعه کونی اۉتکزیلگن بو ییغیلیشده، امنیت، بنگیوار مادهلر گه قرشی کورهش و ولایتلر اورتهسیده هماهنگلیکنی مستحکملش حقیده بحث اېتیلگن. ونینگدیک بو ییغیلیشده، کانلر امنیتی تأمین اېتیلیشی، قراردادلرده تینیقلیک کېریتیلیشی، امرمعروف قانونی عملگه آشیریلیشی و باشقه مسئلهلر محاکمه قیلینگن.
اسرائیل اردوسینینگ پنجشنبهدن بیری، غزه گه هجوملری عاقبتیده چمهسی ۱۴۳ کیشی هلاک بولگن.
افغانستان برق یېتکیزیش شرکتی (برشنا)، کاسا-۱۰۰۰برق انتقال بیریش لایحهسینی تیزلشتیریش مقصدیده، قزاقستان، تاجیکستان و پاکستان برق وزیرلری بیلن نیچه شرطنامه امضالهگنیدن خبر بیرگن. اوشبو ریاست بوگون (۲۶-ثور، جمعه) ایکس صحیفهسیده بیر بیانیه ترقهتیب، بو شرطنامهلر تاجیکستانده کاسا-۱۰۰۰ لایحهسیگه تیگیشلی اوتکزیلگن ییغیلیش یکونیده امضالنگنینی معلوم قیلگن.
اۉبېکستان جمهور باشلیغینینگ افغانستان اوچون مخصوص وکیلی عصمتالله ایرگشاوف سویدن عدلیه وزیرلیگینینگ قاچقینلر ایشلری بوییچه باشلیغی صوفیا اوستمارک بیلن اوچرهشگن.
تشقی ایشلر وزیرلیگی سۉزلاوچیسینینگ اورین باسری ضیااحمد تکل، بوگون (۲۵-ثور، پنجشنبه) ایکس صحیفهسیده بیر بیانیه ترقهتیب، ایکّی تامان تلفونی علاقهده افغانستان و تورکمنستان اورتهسیدهگی همکارلیکلر کېنگهیتیریلیشی حقیده بحث اېتگنلرینی معلوم قیلگن.
افغانستان مرکزی بانکی، مملکتنینگ شمال زونیدن توپلنگن ۸۴۳ میلیون ۴۳۰ مینگ افغانی اېسکیرگن پول آلاو بیریلگنینی معلوم قیلگن.
