اسرائیل آرقهلی نوار غزهنینگ تورلی منطقهلریگه اویوشتیریلگن ینگی هجوملر نتیجهسیده، بیش باله شامل کمیده ۱۴ فلسطینلیک قربان بولگن. الجزیره خبری ترماغینینگ گزارش بیریشیچه، مذکور هجوملر اوتگن کون کیچ قورون (۱۸-جدی/ ۸-جنوری، پنجشنبه)، یوز بیرگن.
روسیه بوگون ایرتهلب (۱۹-جدی/ ۹-جنوری، جمعه)، پهپاد و راکته بیلن اوکراینگه هجوم قیلگن. اوکراین رسمیلرینینگ ایتیشیچه، روسیهنینگ بو مملکتگه اویوشتیرگن هجومی نتیجهسیده، ۳ کیشی اولیب و کمیده ۱۶ کیشی یرهلنگن.
قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن جبری شکلده ۳ مینگ ۳۷۱ افغانستانلیکنینگ مملکت گه قیتریلگنینی معلوم قیلگن.
چیچنستان جمهوریتی رهبری رمضان قدیروف، اوکراین جمهور باشلیغی ولودیمیر زلنسکینینگ امریکا چیچنستان رهبری گه نسبتن ونزویلا ییتکچیسی نیکلاس مادورو گه اوخشش چارهلر کوریشی کیرهکلیگی حقیدهگی بیاناتیگه کیسکین مناسبت بیلدیردی.
افغانستان برق یېتکزیش شرکت (برشنا)نینگ اجرائیه باشلیغی عبدالباری عمر، بوگون (۱۸-جدی/۸-جنوری، پنجشنبه)، کابلده اوچ برق ایشلب چیقریش و انتقال بیریش لایحه آچیلگنینی بیلدیردی.
فلسطین ساغلیقنی سقلش رسمیلرینینگ اعلام قیلیشیچه، نوار غزه گه اسرائیل آرقهلی اویوشتیریلگن هجوم نتیجهسیده، ایکی کیشی قربان بولگن.
ونزویلا ایچکی ایشلر وزیری دیوسدادو کابیونینگ اعلام قیلیشیچه، اوشبو مملکت جمهور باشلیغی نیکلاس مادورونینگ قولگه آلینیشی اوچون امریکا هجومیده، کمیده ۱۰۰ کیشی اولگن.
هرات محلی مسئوللری، قویاش ۱۴۰۴-ییلنینگ بیرینچی توقیز آییده هراتنینگ ۲۲ مینگ تُن طبی اوسیملیکلری دنیا بازالریگه صادر قیلینگنیدن خبر بیردیلر. هرات حاکمی سوزلاوچیسی محمدیوسف سعیدی، بو ولایتدن ۲۴ میلیون ۲۶۸ مینگ دالرلیک طبی اوسیملیکلر چیت ایل مملکتلر جملهدن امریکا، بیرلشگن عرب امیرلیگی، روسیه و ایران اولکهلریگه صادر قیلینگنینی بیلدیردی.
شمالی اتلانتیکده سونگی کونلرده دقتنی تارتگن واقعه یوز بیرماقده؛ امریکا روسیه بیراغی آستیگه اوتگن نفت تانکرینی حبس گه آلگنینی معلوم قیلدی.
اسلام امیرلیگی تشقی ایشلر وزیری امیرخان متقی، عمان تشقی ایشلر وزیری بدر بن حمد البوسعیدی بیلن تلیفونی صحبت قیلگن.
اسلام امیرلیگی ایچکی ایشلر وزیرلیگی سوزلاوچیسی عبدالمتین قانع، تخار ولایتی چاهآب تومنیده محل یشاوچیلری و زرشویلیک شرکت مسئوللری اورتهسیدهگی توقنشووده، ۴ کیشی اولیب و ۵ کیشی یرهلنگنینی بیلدیردی.
حقوقدانلردن بیرقطارینینگ ایتیشیچه، ناگران عیاللردن بعضیلرینینگ حقوق و اوزلریگه عاید قاعدهلردن خبرسیزلیگی، اولرنی اوشبو حقوق امتیازلریدن محروم بولیشیگه آلیب کیلگنینی ایتهدیلر. اولر گه کوره، قانونده ناگران شخصلرنینگ تینگلیگی و هر قندهی کمسیتیش تقیقلنیشی تأکیدلگنیگه قرهمی، اوشبو قتلم اینیقسه عیاللر، جدی معمالر گه دوچ کیلماقده.
امریکا جمهور باشلیغی دونالد ترامپنینگ ایتیشیچه، ونزویلا یوقاری صفتلی و تحریم بولگن ۳۰ دن ۵۰ میلیون بشکه نفتنی بو مملکت گه تاپشیرهدی.
محلی منبعلر سلاموطندار بیلن صحبتده، زرشویلرنینگ زور ایتگنی، یشش اویلرنی بوزیش، ییلاولرنی یوق قیلیش و اهالینینگ ایکینچلیک ییرلری اوچون سوولرنی کیسیش، توقنشوو گه سبب بولگن عامللردن ایکنینی ایتگنلر.
سونگی کونلر ایران وضعیتی، اهالینینگ کینگ کولملی ناراضلیگی و بازاردهگی برقرارسیزلیکنی بیلدیرهدی. حکومت امنیتنینگ کنترول بولیشیگه تاکید قیلگنی بیرحالده، اعتراضچیلر سرکلرده ناراضلیک نمایشلرگه دوام بیرماقده.
اسلام امیرلیگی کانلر و پترولیم وزیرلیگی سوزلاوچیسی همایون افغان، تخار ولایتی چاهآب تومنیده کان حدودلریده «آلتین» کانینی قزیب چیقروچی شرکت و محل یشاوچیلری اورتهسیده یوز بیرگن توقنشوونی تصدیقلهدی.
