اسلام امیرلیگی تشقی ایشلر وزیرلیگی، بیرلشگن عرب امیرلیگی تورمهخانهلریدن ۱۰۸ نفر افغانستانلیک آزاد ایتیلگنینی معلوم قیلدی.
اوشبو وزیرلیک، بوگون (۱۶ دلو / ۵ فبروری، پنجشنبه) ایکس صحیفهسیده بیر بیانیه ترقهتیب بو حقده خبر بیردی.
بیانیه گه کوره، اسلام امیرلیگینینگ بیرلشگن عرب امیرلیگیدهگی ییریک ایلچیخانهسینینگ اوزلوکسیز سعی-حرکتلری نتیجهسی و اوشبو مملکت ملی کونی مناسبتی بیلن اوشبو کیشیلر آزاد ایتیلگن.
قماقخانهلردن آزاد ایتیلگنلرنینگ بیر قسمی افغانستان گه ییتیب کیلگن و قالگنلرینینگ قیتیش جریانی ایسه تیگیشلی حقوقی ترتیب تعامللر یکونلنگچ، یقین کیلهجکده قیتیشی قید ایتیلگن، تشقی ایشلر وزیرلیگی بیانیهسیده.
مملکت تشقی ایشلر وزیرلیگی بیانیهسیده، اوشبو کیشیلر نیچه ییل حبس گه ایکنلیگی و نیمه سبب حبس گه آلینگنلیکلری حقیده هیچ نرسه دییلمهگن.
افغانستاننینگ قوشنی مملکتلری اینیقسه ایران و پاکستاندن هر کونی مینگلب افغانستانلیک مهاجر مجبوری شکلده قیتریلماقده ایکن، بو کیشیلر بیرلشگن عرب امیرلیگی تورمهخانهلریدن آزاد ایتیلگن.
