بیانیه اساسیده، ایران تامانیدن «العدید» هوا قرارگاهسیگه اویوشتیریلگن هجوم، قطرنینگ هوا حریمی، ملی حاکمیتی و خلقارا قاعدهلرنی بوزگن، اېندی دوحه خلقارا قاعدهلر اساسیده، جواب قیتیریش حقینی اوزی اوچون محفوظ بیلهدی. قطر تشقی ایشلر وزیری سلطان بن سعد المریخی، ایران ایلچیسی علی صالحآبادی گه، بو هجوملر یخشی قۉشنیچیلیک و دوستانه مناسبتلر گه سلبی تأثیر قوییشینی بیلدیرگن.
ایران و اسرائیل اورتهسیده ۱۲-کون حربی توقنشووده، اسرائیل باش وزیری بنیامین نتانیاهو، امریکا قۉشمه ایالتلرینینگ جمهور باشلیغی دونالد ترامپنینگ تکلیفی بیلن، آتیش کېسین اوچون کېلیشگن. اسرائیل باش وزیری ادارهسی، بوگون (۳-سرطان، سهشنبه) بیر بیانیه ترقهتیب نتانیاهو آتیش کېسین تکلیفینی قبول قیلگن و بوتوغریده رسمی بیانیه بوگون اعلان بولیشینی بیلدیرگن.
بیانیه اساسیده، اوشبو آی ایچیده ییتی مینگ ۲۰۷ توغیلیش کارتی بویوکلر اوچون و اوچ مینگ ایککی توغیلیش کارتی بالهلر گه توزیع قیلینگن. اوشبو آیده کابل، ییتی مینگ ۱۵۲ توغیلیش کارتی توزیع قیلینیشی بیلن بیرینچی اورینده، بلخ ۵۶۳ توغیلیش کارتی توزیع قیلینیشی بیلن ایکینچی اورینده، ننگرهار ۵۶۰، خوست ۴۵۶ و هرات ۳۸۰ توغیلیش کارتی توزیع قیلینیشی بیلن کېنگی اورینلرده قرار تاپگنلر.
ایران تشقی ایشلر وزیری سیدعباس عراقچینینگ اعلام قیلیشیچه، بوگون (۳-سرطان، سهشنبه)، ایرتهلب ساعت تورتگچه اسرائیل هجوملری توختهتیلگنی صورتده، شونینگدیک تهران هم حربی جواب قیترمهیدی.
ایران و اسرائیل اورتهسیده اوروش ۱۱ کوندن بیری دوام اېتماقده اېکن، اوشبو کونده هم ایککی تامان راکته و دران بیلن بیر-بیرینینگ توپراغی گه هجوم اویوشتیردی.
جوزجان ولایتی ساغلیقنی سقلش مسئوللری، اوشبو ولایتنینگ ۲۰۰ بسترلیک کسلخانهسیگه ۵۰ مینگ دالرلیک ینگی طبی اوسکونهلر یاردم کورسهتیلگنینی معلوم قیلهدیلر.
سرپرست حکومت تشقی ایشلر وزیرلیگی سرپرستی امیرخان متقی، تورکیه تشقی ایشلر وزیری هاکان فیدان بیلن اوچرهشیب، ایکی تامانلمه علاقهلر و منطقهای مسئلهلر توغریسیده صحبت قیلگنلر.
روسیهنینگ اوکراین گه اویوشتیرگن اینگ ینگی هجوملری نتیجهسیده، بیش کیشی اولیب و باشقه اونلب کیشی یرهلنگن. اوکراین رسمیلرینینگ ایتیشیلریچه، روسیه اوتگن کیچه کییف و اونینگ اطرافیگه هجوم قیلگن.
سوریه پایتختی دمشق شهری حدودلریگه قرهشلی دویلعه منطقهسیده جایلشگن «مار الیاس» کلیساسیده اویوشتیریلگن خودکش هجوم عاقبتیده ۲۰ کیشی هلاک بولیب و باشقه ۵۲ کیشی یرهلنگن.
ایران دولت رهبری مسعود پزشکیان، امریکانینگ ایران هستهای سایتلریگه هجومینی قارهلب، بو مملکت صهیونیستی رژیمنینگ عاجزلیگینی کوریب میدان گه توشیش گه مجبور بولگنینی اېتگن.
امریکانینگ بوگون (۱-سرطان، یکشنبه) ایرتهلب تانگ پیتلری ایراننینگ فردو، نطنز و اصفهان شامل هستهای سایتلری گه هجومیدن کېین، بیرلشگن ملتلر تشکیلاتی، پاکستان، لبنان، سعودی عربستان، عمان، ونزوئلا، کوبا، کلمبیا، نیوزیلند و باشقه بعضی مملکتلر، یقین شرقده اوروش کېنگهیشیدن خواطر بیلدیریب و اوروش تامانلریدن بو کېسکینلیکنی دیپلماتیک یول بیلن حل قیلیشلرینی سورهگنلر.
خلقارا ییتکرمهلرنینگ گزارش بیریشیچه، ایران تامانیدن بوگون اسرائیلنینگ بیر قطار بولیملریگه اویوشتیریلگن هجوملر نتیجهسیده، کمیده ۲۰ کیشی یرهلنگن.
ایران تشقی ایشلر وزیری سیدعباس عراقچینینگ ایتیشیچه، امریکا ایراننینگ «تینچلیکپرور» هستهای قوریلمهلریگه هجوم قیلیش بیلن، خلقارا قانونلر، بیرلشگن ملتلر تشکیلاتی منشوری و هستهای قوراللر کوچهیشی آلدینی آلیش شرطنامهسینی بوزگن.
پاکستان تشقی ایشلر وزیری محمداسحاقدار، اسلامی همکارلیک تشکیلاتی تشقی ایشلر وزیرلرینینگ ۵۱-ییغیلیشیده، افغانستان اهالیسی گه انسان سیورلیک یاردملر دوام تاپیشینی سورهگن.
اسرائیلنینگ عاجل یاردم خذمتی، ایراننینگ بو مملکتگه اویوشتیرگن ینگی هجوملریده، اسرائیل توپراغیده کمیده ۱۰ جاینینگ نشانگه آلینگنینی معلوم قیلگن.
امریکا قۉشمه ایالتلرینینگ جمهور باشلیغی دونالد ترامپ هم، ایران هستهای اوچ مرکزیگه اویوشتیریلگن هجوم موفقیتلیک بیلن عملگه آشیریلگنینی اېتگن. اونینگ کوپهیتیریشیچه، ایران اتمی انرژی سایتلریگه بولگن عملیات امریکا حربی کوچلرینینگ تلفاتسیزلیگی بیلن توگهگن.
