گوترش یقین شرقده اوروش یکونلنیشینی سورهدی
بیرلشگن ملتلر تشکیلاتی باشکاتبی آنتونیو گوترش، یقین شرقده توقنشوولر دوامیدن خواطر بیلدیریب و اونینگ یکونلنیشیگه تاکید قیلگن.
بیرلشگن ملتلر تشکیلاتی باشکاتبی آنتونیو گوترش، یقین شرقده توقنشوولر دوامیدن خواطر بیلدیریب و اونینگ یکونلنیشیگه تاکید قیلگن.
اسلام امیرلیگی عملدارلری، پاکستاننینگ کابل شهریده ۲۰۰۰ بسترلیک معتادلرنی دوالش کسلخانهسیگه هجومیده، اولگنلر سانی ۴۰۸ کیشی گه آشگنینی اعلان قیلدیلر. واقعه طفیلی یرهلنگنلر سانی ۲۶۵ کیشی گه ییتگن و قیدیرو عملیاتی همان دوام ایتماقده. بوندن آلدین، اسلام امیرلیگی سوزلاوچیسینینگ اورین باسری حمدالله فطرت، اوشبو هجومده ۴۰۰ کیشی اولیب و ۲۵۰ کیشی یرهلنگنینی ایتگن ایدی.
اسرائیل ساغلیقنی سقلش وزیرلیگینینگ اعلام قیلیشیچه، ایران بیلن اوروش باشلنگنیدن حاضرگچه بو مملکتنینگ اوچ مینگ ۵۳۰ یشاوچیسی یرهلنگن.
بیرلشگن ملتلر تشکیلاتی انسان حقلری مخصوص گزارشگری ریچارد بنت، پاکستان و اسلام امیرلیگیدن توقنشوولر کوچهیشینینگ آلدی آلینیشینی سورهگن.
عراق پایتختی بغداد شهریده امریکا ایلچیخانهسیگه راکته و دران هجوملری اویوشتیریلگن.
ایران بیلن امریکا و اسرائیل اورتهسیده ۱۸ کوندن بیری اوروش دوام ایتماقده ایکن، اوزبیکستان اوشبو مملکتده راکته و هوا هجوملر عاقبتیده جبرلنگنلر گه آزیق-آوقت و طبی واسطهلردن عبارت انسان پرورلیک یاردم یوبارگن.
خوفسیزلیک کینگشی بیر قطعنامهنی تصویب قیلیش بیلن، افغانستان ده بیرلشگن ملتلر تشکیلاتینینگ اورینباسرلیک هیئت (یوناما) ماموریتینی اوچ آیگچه اوزهیتیرگن.
پاکستان جنگری اوچاقلرینینگ کابل گه هجومی عاقبتیده ۴۰۰ کیشی شهید بولدی. اسلام امیرلیگی سوزلاوچیسینینگ اورین باسری حمدالله فطرت ایکس صحیفهسیده بیر بیانیه ترقهتیب، پاکستان جنگری اوچاقلری ۲۵ حوت/۱۶ مارچ، دوشنبهدن سهشنبه گه اوتر کیچه ساعت ۹:۰۰ اطرافیده ۲۰۰۰ بسترلیک «امید» آتلی معتادلرنی دوالش مرکزینی بمباردمان قیلگنینی بیلدیردی.
افغانستان سابق جمهور باشلیغی حامد کرزی، بو کیچه (۲۵ حوت/۱۶ مارچ) پاکستان حربی کوچلرینینگ پایتخت کابل شهریده یشش اویلر و ملکی جایلرنی نشانگه آلگنینی قارهلهدی.
افغانستان برق ییتکزیش شرکت (برشنا)، تورکمنستاندن هرات گه کیلتیریلگن برق، بیر هفتهدن سونگ بوگون، ۲۵ حوت/۱۶ مارچ، دوشنبه) وقتینچهلیک اولنگنینی بیلدیردی.
ایران سپاه پاسداران، قیزیل دینگیزده امریکانینگ اینگ بویوک اوچاق و حربی اوسکونه تشووچی اوچاغی نشانگه آلینیشی حقیده آگاهلنتیردی.
اسلام امیرلیگی رهبری شیخ هبتالله آخوندزاده، بو حکومت دنیا بیلن اسلام قاعدهلریگه اساسلنگن «یخشی و فایدهلی» علاقه قوریشنی خواهلشینی بیلدیردی. ارگ، بوگون (۲۵ حوت/۱۶ مارچ، دوشنبه) اسلام امیرلیگی رهبرینینگ رمضان بیرهمی مناسبتی بیلن بولگن قوتلاو پیامینی ترقهتدی – اونده اقتصادیات، امنیت، سیاست، تعلیم و دینی مسئلهلر گه اشاره قیلینگن.
اسلام امیرلیگی باش وزیرینینگ اداری اورین باسری عبدالسلام حنفی گه کوره، اگر کیمدیر افغانستاننینگ ملی حاکمیتینی بوزسه، خلق و تیزیمنی حمایه قیلیش برچه گه لازم دیر. حنفی، ۲۴ حوت/۱۵ مارچ، یکشنبه کیچه ارگده افطارلیک ضیافتیده، اسلام امیرلیگی هیچ بیر مملکت بیلن اوروش قیلیش یا کی قیینچیلیک تاپیشنی ایستمهیدی، قوشنی، منطقه و دنیا مملکتلری بیلن اوزارا حرمت و یخشی علاقهسی بولیشگه قیزیقیشینی بیلدیرگن.
پاکستان کوچلری آرقهلی خوست ولایتینینگ اوچ تومنیگه اویوشتیریلگن هجوملر عاقبتیده، کمیده اوچ کیشی «شهید» بولیب و باشقه سکیز کیشی یرهلنگن.
آقسرایده صنعی هوش/ذکاوت بوییچه دونالد ترامپنینگ مصلحتچیسی دیوید ساکس، امریکا ایران بیلن اروشده غلبه قازانیشینی اعلان قیلیب و اوروشدن چیقیشینی سورهگن. ساکس جنابلری، ایران بیلن امریکا و اسرائیل اورتهسیده اوروش چوزیلیشیدن خواطر بیلدیریب و بو وضعیت دوام ایتگن تقدیرده، اسرائیل یوق بولیب کیتیشی حقیده آگاهلنتیرگن.
اسرائیل آرقهلی نوار غزهنینگ بیر قطار بولیملریگه اویوشتیریلگن اینگ ینگی هجوملر نتیجهسیده، ایکی باله و حاملهدار بیر عیال شامل کمیده ۱۳ فلسطینلیک قربان بولیب و باشقه اونلب کیشی یرهلنگن.