خلقارا ییتکرمهلرنینگ گزارش بیریشیچه، اوتگن ۲۴ ساعت ایچیده اسرائیل اردوسینینگ ییر و هوا هجولریده، کمیده ۱۱۶ فلسطینلیک قربان بولگن. الجزیره ترماغینینگ بوگون (۲۹-سرطان، یکشنبه)، گزارش بیریشیچه، اسرائیل آرقهلی غزهنینگ وقفهسیز بمباردمان بولیشی حاضرگچه دوام ایتماقده.
انچه ییلدن بیری عایلهسی بیلن فرانسهده یشب کېلهیاتگن یازووچی و ژورنالیست سیاره رحمانی، فرانسه مهاجرلر پارلمانی گه یول تاپگن. سیاره رحمانینینگ ایری قیس رحمانی ۲۸-سرطان، شنبهدن یکشنبه گه اوتر کیچه فیسبوک صحیفهسیده بو حقیده خبر بیرگن. اونینگ یازیشیچه، سیاره رحمانی اوشبو مملکتده اۉتکزیلگن مهاجرلر پارلمانی سیلاویده اینگ کۉپ ایشانچ آوازنی قۉلگه کېریتگن.
سرپرست حکومت اقتصاد وزیرلیگی مسئوللری، اوتگن بیر ییلده افغانستان مقیاسیده ۳۷.۸ میلیون افغانیلیک ۲۰۱ لایحه، مهاجرلر و قیتگنلر وزیرلیگی همکارلیگی بیلن عملگه آشیریلگنیدن خبر بیرهدیلر. اقتصاد وزیرلیگی مسلکی معینی عبدالطیف نظری، بوگون (۲۸-سرطان، شنبه) «امارت ادارهلرینینگ بیر ییللیک یوتوقلرینی» شریک قیلیش دستوریده، بو لایحهلر ایچکی وتشقی موسسهلر تامانیدن عملگه آشیریلگنینی معلوم قیلگن.
روسیه، اوتگن کیچه ۳۰۰ دران و ۳۰ دن آرتیق راکته بیلن اوکرایننینگ نیچه شهریگه هجوم اویوشتیرگن.
اسلام امیرلیگی ساغلیقنی سقلش وزیرلیگی سرپرستی نورجلال جلالی، بریتانیا ایلچیخانهسی کارداری و افغانستان اوچون اوشبو مملکت ینگی وکیلی بیلن اوچرهشووده، افغانستانده ساغلیق تیزیمی یخشیلنیشی، طبی خادملرنینگ ظرفیتی آشیریلیشی، سرطان کسللری دوالنیشی و آنهلر همده بالهلرنینگ سلامتلیگی اوچون بو مملکت ساغلیق سکتورینی قۉللب-قوتلشینی سورهگن.
اسلام امیرلیگی امر معروف و نهی منکر وزیرلیگی سۉزلاوچیسی سیفالاسلام خیبر گه کوره، کابل شهرنوده هېچ بیر قیز «حجابسیزلیک» عیبی بیلن حبس گه آلینمهگن. امر معروف و نهی منکر وزیرلیگی سۉزلاوچیسی، بوگون (۲۸-سرطان، شنبه) سلاموطندار بیلن اۉتکزگن صحبتیده، افغانستان بویلب هېچ بیر عیال «حجابسیزلیک» یا که کیینیشلری گه عاید مسئلهلر عیبی بیلن قولگه آلینیب و زندانی قیلینمهگنینی معلوم قیلگن.
روسیه جمهورلیک ریاستی سرایی (کرملین) سۉزلاوچیسی دیمتری پسکوف، بو مملکت غربنینگ تحریملری بیلن اورگنیب قالگنینی معلوم قیلگن. دیمتری پسکوف، ۲۷-سرطان، جمعه کونی مسکوده مطبوعاتی ییغیلیشده، روسیه گه قرشی اروپا مملکتلرینینگ ینگی تحریملری بارهسیده ایتیشیچه، اوشبو مملکت غربنینگ تحریملری بیلن اورگنیب قالگن.
امریکا قۉشمه ایالتلری لاسآنجلسده پولیس تعلیمی مرکزیده یوز بیرگن پارتلش عاقبتیده اوچ پولیس هلاک بولگن
سرپرست حکومت تشقی ایشلر وزیرلیگی سوزلاوچیسی عبدالقهار بلخینینگ ایتیشیچه، جرمنی حکومتی بیلن باتفصیل صحبتلردن کیین، اوشبو مملکتدن افغانستانلیک ۸۱ مهاجر چیقریلگن.
اوکراین جمهور باشلیغی ولودیمیر زلنسکی، ۳۹ یاشر یولیا سویریدنکو نی اوشبو مملکت باش وزیری صفتیده تعیینلگن. سویریدنکو، اوتگن کون (۲۶-سرطان، پنجشنبه)، اوکراین پارلمانی آرقهلی صلاحیتی تصدیقلنگنیدن سونگ، ۲۰۲۰-ییلدن بیری باشوزیر صفتیده ایشلهگن دنیس شمیخالنینگ اورنینی ایگهلهگن.
الجزیرهنینگ گزارش بیریشیچه، ۲۶-سرطان، پنجشنبه کونیدن حاضرگچه، اسرائیل آرقهلی غزه گه اویوشتیریلگن هجوملر نتیجهسیده، کمیده ۵۶ فلسطینلیک قربان بولگن.
سرپرست حکومت تشقی ایشلر وزیرلیگینینگ اعلام قیلیشیچه، افغان-ترانس لایحهسینی عملگه آشیریش امکانیتلرینی اورگهنیش بوییچه کیلیشوونامه، اسلام امیرلیگی فواید عامه وزیرلیگی، اوزبیکستاننینگ ترانسپورت وزیرلیگی و پاکستاننینگ تیمیر یولی وزیرلیگی آرهسیده امضالنگن.
خلقارا و پاکستان ییتکرمهلرینینگ گزارش بیریشیچه، سپتمبر آییده امریکا جمهور باشلیغی دونالد ترامپنینگ پاکستان گه سفر قیلیشی ممکن.
سوریه انسان حقلرینی کوزهتووچی تشکیلات گه کوره، اسرائیلنینگ سوریه گه هوا و دران آرقهلی هجوملری عاقبتیده چمهسی ۲۵۰ کیشی هلاک بولگن.
اسلام امیرلیگی رهبری هبتالله آخوند زاده نینگ بویروغی اساسیده، بیرقطار کیشیلر ینگی لوازملرده اېتیب تعییلنگن. اسلام امیرلیگی سۉزلاوچیسی ذبیحالله مجاهد، ۲۵-سرطان، چهارشنبه کونی ایکس صحیفهسیده بیر بیانیه ترقهتیب بو حقده خبر بیرگن.
اسلام امیرلیگی، اسرائیلنینگ سوریه گه اویوشتیرگن هجومینی قارهلب و اونی مستقل بیر مملکتنینگ حاکمیتینی بوزیش اتهگن. ارگ، ۲۵-سرطان، چارشنبهدن پنجشنبه گه اوتر کیچه، ایکس صحیفهسیده بیر بیانیه ترقهتیب، بو کبی هجوملر نهفقط مستقل بیر مملکت حاکمیتینی بوزیش بلکه، منطقهده بیقرارلیکنی کېنگهیتیریش مقصدیده سیستماتیک بیر جنایت دیر.
