اوزبیکستان جمهور باشلیغی شوکت میرضیایف، رسمی تکلیف بیلن پاکستان گه جونب کیتدی. اوشبو مملکت جمهورلیک ریاستی، بوگون (۱۶ دلو / ۵ فبروری، پنجشنبه) بیر بیانیه ترقهتیب بو حقده خبر بیردی. بیانیه گه کوره، میرضیایف جنابلری، پاکستان باش وزیری شهباز شریفنینگ تکلیفی گه بناً بوگون رسمی تشریف بیلن اوشبو مملکت گه جونب کیتگن.
اسلام امیرلیگی ایکینچیلیک، سووغاریش و چاروهچیلیک وزیرلیگی، قویاش ۱۴۰۴ ییل دوامیده، مملکت مقیاسیده ۱۵۸ مینگ ۲۰۵ متریک تُن «پخته» ییتیشتیریلگنینی بیلدیردی.
ایران تشقی ایشلر وزیری سیدعباس عراقچی، اوشبو مملکت و امریکا اورتهسیده هسته مذاکرهلری ایرته (۱۷ دلو / ۶ فبروری، جمعه) تورکیه اورنیده عمان پایتختی مسقطده اوتکزیلیشینی بیلدیردی. عباس عراقچی، اوتگن کون ایکس صحیفهسیده بیر بیانیه ترقهتیب بو حقده خبر بیردی. ایران تشقی ایشلر وزیری، اوز بیاناتیده، عمان عملدارلریگه «ضرور برچه شرایطلرنی یرهتیب بیرگنلری» اوچون منتدارلیک بیلدیرگن.
اسلام امیرلیگی تشقی ایشلر وزیرلیگی، بیرلشگن عرب امیرلیگی تورمهخانهلریدن ۱۰۸ نفر افغانستانلیک آزاد ایتیلگنینی معلوم قیلدی. اوشبو وزیرلیک، بوگون (۱۶ دلو / ۵ فبروری، پنجشنبه) ایکس صحیفهسیده بیر بیانیه ترقهتیب بو حقده خبر بیردی.
حقوقشناسلر گه کوره، فقه قاعدهسی «الضرر یزال» اساسیده، هر قندهی کمسیتیش تقیقلنهدی؛ بیراق ایریم وظیفهسی بولگن عیاللر سلاموطندار بیلن صحبتده، ایش جاییده کمسیتیش گه دوچ کیلهیاتگنینی ایتسهلرده، باشقهلری ایسه ایش جاییدهگی کمسیتیش سببلی مجبوراً اوز ایشلرینی ترک ایتگنینی بیلدیرهدی.
امریکا جمهور باشلیغی دونالد ترامپ، خلیج فارس ده کیسکینلیکلر کمهیشی اوچون ایران بیلن مذاکرهلرنینگ جریانده بولگنینی تصدیق قیلگن.
تورکیه ییتکرمهلرینینگ معلوماتیگه کوره، اوشبو مملکت جمهور باشلیغی سعودی عربستان ولیعهدی بیلن اوچرهشوده، تورکیه و سعودی عربستان اورتهسیدهگی اقتصادی علاقهلر مستحکملنیشی، برق، مدافعه صناعتی، منطقه همده دنیا بوییچه مسئلهلر حقیده بحث ایتگن.
تورکیه دولت رهبری رجب طیب اردوغان، تورموش اورتاغی امینه اردوغان و اوشبو مملکت تشقی ایشلر وزیری هاکان فیدان و بیرقطار ییریک رسمیلر بیلن سعودی عربستان گه جونب کیتدی.
اوکراین رسمیلری، روسیه حربی کوچلری راکته و دران بیلن اوشبو مملکتنینگ تورلی حدودلرینی نشانگه آلگنینی بیلدیردی.
اسلام امیرلیگی عالی اوقوو وزیرلیگی، افغانستان ده علمی فعالیتلر کوچلنیشی مقصد، «نبوی سنتی طبابت» فاکولتهسی آچیلیشیدن خبر بیرگن.
بلوچ آزادلیک شبهه نظامیلر، سونگی کونلرده پاکستان حکومتی اوچون ایریم قیینچیلیکلر گه سبب بولگن. پاکستانلیک طالبلر (تیتیپی) اعضالرینینگ هجوملری نسبی کمهیشی بیلن بیرگه، بلوچ آزادلیک شبهه نظامیلر، پاکستان حکومتی گه قرشی ریجهلی هجوملرنی اویوشتیرماقده.
بیرلشگن عرب امیرلیگینینگ دوبی شهریده سیاحلر و زرگرلیک ساحهسی وکیللری اوچون طلا بیلن قاپلنگن دنیادهگی ایلک کوچهنی برپا ایتیش ریجهسی محاکمه قیلینگن.
اسلام امیرلیگی ساغلیقنی سقلش وزیرلیگی، افغانستان ۱۸ ولایتیده بالهلر فلجی (پولیو) گه قرشی ایملش کمپاینی باشلنگنینی بیلدیردی. اوشبو وزیرلیک سوزلاوچیسی شرافت زمان امرخیل، بوگون (۱۳ دلو / ۲ فبروری، دوشنبه) ویدیو فایل ترقهتیب بو حقده خبر بیردی. اونگه کوره، پولیو گه قرشی ایملش کمپاینی کابل، ننگرهار، لغمان، کنر، نورستان، پکتیا، پکتیکا، خوست، غزنی، بادغیس، هرات، قندوز، فاریاب، بلخ، زابل، ارزگان، هلمند و قندهار ولایتلریده باشلنگن.
اوکراین انرژی وزیرلیگینینگ اعلام قیلیشیچه، روسیه آرقهلی بو مملکتده بیر اوتوبوسگه اویوشتیریلگن هجوم نتیجهسیده، ۱۲ کیشی اولیب و ییتی کیشی یرهلنگن.
اسلام امیرلیگی باش وزیرینینگ اقتصادی اورین باسری ملا عبدالغنی برادر و تورکمنستان باش وزیری اورین باسری و تشقی ایشلر وزیری رشید مرادوف، تاپی لایحهسی، تیمیر یول و برق مسئلهلری حقیده بحث ایتدی. اسلام امیرلیگی سوزلاوچیسی اورین باسری حمدالله فطرت، بوگون (۱۲ دلو / ۱ فبروری، یکشنبه) ایکس صحیفهسیده بیر بیانیه ترقهتیب، تامانلر هرات گه اوچرهشگنلرینی بیلدیردی.
اسلام امیرلیگی باش وزیرینینگ اقتصادی اورین باسری ملا عبدالغنی برادر، تورکمنستان تشقی ایشلر وزیری و بو مملکت باش وزیری اورین باسری رشید مرادوف بیلن ملاقات قیلیش اوچون هرات گه بارهدی. اسلام امیرلیگی باش وزیرینینگ اقتصادی اورین باسرلیگی، بوگون (۱۲ دلو / ۱ فبروری، یکشنبه) ایکس صحیفهسیده بیر بیانیه ترقهتیب بو حقده خبر بیردی.
