امریکا غزه ده تینچ‌لیک اوچون بیر ریجه‌نی تقدیم ایتدی

اورته شرق‌ده امریکا جمهور باشلیغی مخصوص نماینده‌سی استیف ویتکاف‌نینگ ایتیشیچه، امریکا بیرلشگن ملتلر تشکیلاتی‌نینگ اوشبو هفته‌ جریانیده‌گی ییغیلیشلری‌ده، اورته شرق‌ده تینچ‌لیک اوچون ۲۱ ماده‌لیک بیر ریجه‌نی تقدیم ایتگن. ویتکاف، کیله‌سی کونلرده غزه اوروشی توغریسیده بیرار یوتوققه ایریشیلیشی‌گه امید‌وارلیک بیلدیرگن.

ترامپ: روسیه-اوکراین اوروشی یقینده توگمه‌یدی

امریکا قۉشمه ایالتلری‌نینگ جمهور باشلیغی دونالد ترامپ، نیویورک‌ده بیرلشگن ملتلر تشکیلاتی‌نینگ ۸۰- عمومی مجموعه‌سی ییغیلیشی دایره‌سیده اوکراین رهبری ولودیمیر زلنسکی بیلن خبری ییغیلیش‌ده قتنشدی.

اۉزبېکستان جمهور باشلیغی: افغانستان‌ده ییریک آست قورمه لایحه‌لرنی عمگه آشیره‌میز

اۉزبېکستان جمهور باشلیغی شوکت میرضیایف، افغانستان‌نینگ وضعیتی گه اشاره قیلیب، دنیا همجمعیت اوشبو مملکت اهالیسی‌نینگ تینچ و برقرار حیات کیچیریش آرزولرینی قۉللب-قوتلش اوچون موافقلشتیریلگن سعی-حرکتلرنی عملگه آشیریشی کېره‌ک‌لیگینی تأکیدله‌دی.

اسرائیل‌نینگ غزه گه هجوملری عاقبتیده ۱۵۰ کیشی هلاک بولدی

فلسطین ساغلیق‌نی سقلش رسمی‌لری، اسرائیل‌نینگ غزه تورلی حدودلریده اویوشتیرگن هجوملری عاقبتیده چمه‌سی ۱۵۰ کیشی هلاک بولیب و باشقه ۵۴۰ کیشی یره‌لنگنینی معلوم قیله‌دیلر. خلق‌ارا یېتکرمه‌لرنینگ گزارشی گه کوره، بو کیشیلر ۱-میزان، سه‌شنبه کونی اسرائیل اردوسی‌نینگ غزه ایریم حدودلری اینیقسه شمالده اویوشتیرگن هجوملریده اولیب و یره‌لنگن.

پاکستان‌ده کیتمه-کیت پارتلش‌لر؛ چمه‌سی ۲۴ کیشی هلاک بولدی

خلق‌ارا یېتکرمه‌لر پاکستان محلی عملدارلریگه تیه‌نیب، اوشبو مملکت خیبرپشتونخواه ایالتی‌‌نینگ اوزاق حدودلریده جایلشگن منطقه‌ده پارتلش‌لر عاقبتیده، چمه‌سی ۲۴ کیشی اینیقسه عیاللر و باله‌لر هلاک بولگنی حقیده خبر بیرگن.

مملکت‌دن تشقریده‌گی یشاوچیلرگه کیم‌لیک ترقه‌تیلیش قیمتی کمه‌یدی

احصائیه و معلومات ملی اداره‌سی‌نینگ اعلام قیلیشیچه، چیت ایل‌ده‌گی افغانستان یشاوچیلری‌گه کیم‌لیک ترقه‌تیلیش قیمتی کمه‌یگن. اوشبو اداره، بوگون (۱-میزان، سه‌شنبه)، بیر بیانیه آرقه‌لی اکس صحیفه‌سیده یازیشیچه، بو اقدام چیت ایل‌ده‌گی افغانستان یشاوچیلری‌گه آسایشته‌لیک یره‌تیلیشی مقصد آلینگن.

آلتی‌ اروپا مملکتی فلسطین‌نی تن آلدی

فرانسه، آندورا، بلجیم، لوکزامبورگ، مالت و موناکو رسمی شکلده فلسطین دولتی‌نی تن آلگنلر. فرانسه جمهور باشلیغی امانوئل مکرون، بیرلشگن ملتلر تشکیلاتی‌نینگ عمومی مجمع ییغیلیشی‌ده‌گی نطقی‌ده، ایکی دولتلی ییچیم‌گه تاکیدلب و ایتیشیچه: «ایکی دولتلی ییچیم‌نی عمل‌گه آشیریش امکانیتی‌نی سقلب قالیش اوچون قولیمیزدن کیلگن برچه ایش‌نی قیلیش، زمه‌میزده‌گی مسئولیت‌ دیر. بوگون فرانسه آرقه‌لی فلسطین دولتی‌نینگ تن آلینیشی‌نی اعلام قیله‌من.»