آمریکا قوشمه ایالتلری نینگ جمهور باشلیغی جوبایدن گه کوره، اوشبو مملکت نینگ حربی کوچلری ریجهلنتیریلگن بیر هجوم ده القاعده رهبری ایمن الظواهری نی افغانستان پایتختی کابل ده اولدیرگن؛ بو هجوم میلادی ۲۰۱۱_ییل ده اسامه بنلادن اولدیریلیشیدن کیین مذکور گروه گه آغیر ضربه سنلهدی.
بوگون (سهشنبه، ۱۱-اسد) کانلر و پترولیم وزیرلیگی نینگ رسمیلری کابل ده یولگه قوییلگن خبری بیر ییغیندهُ اوشبو وزیرلیک نینگ ییللیک ایشلرینی اهالی بیلن شریک قیلدی.
افغانستان پایتختی کابل ده آمریکا تامانیدن القاعده رهبری اولدیریلیشی بیلن، آمریکا قوشمه ایالتلری نینگ تشقی ایشلر وزیری آنتونی بلینکن، اسلامی امارت نی دوحه بیتیمینی بوزیش گه عیبلهگن.
سعودی عربستان نینگ رسمی آژانسی (واس) بوگون بامداد چاغی (سهشنبه، ۱۱ اسد) اوشبو مملکت تشقی ایشلر وزیرلیگی نینگ پیامینی ترقهتگن که اونده القاعده رهبری اولدیریلیشی خوش قرشیلنگن.
آمریکا جمهور باشلیغی جوبایدن، دوشنبه کون تلویزیونی بیاناتیده ایتیشیچه، القاعده رهبری ایمن الظواهری، افغانستان پایتختی کابل شهری نینگ قلبی ده اوشبو مملکت کوچلری نینگ هوا هجومی نتیجهسیده اولدیریلگن.
اسلامی امارت سرپرست حکومتی نینگ چیگره کوچلری قوشنی مملکتلر جملهدن ایران، پاکستان، تاجیکستان و ترکمنستان مملکتلری نینگ چیگره کوچلری بیلن اوتگن ۱۱ یریم آی جریانیده کمیده ۹ مرته توقنشگنلر.
بوگون اسلامی امارت اقتصاد وزیرلیگی، بیر ییللیک گزارشینی شریک قیلدی. اقتصاد وزیرلیگی مسئوللری نینگ ایتیشلریچه، ییترلیچه سرمایه یوقلیگی باعث، برچه ترقیاتی پروژهلرنی عملگه آشیریش امکانی یوق دیر، عینحالده مملکت خلقی اوچون مهم و حیاتی بولگن پروژهلر اوستون قرار بیریلگن.
افغانستان اوچون ایران دولتی نینگ مخصوص نمایندهسی حسن کاظمی قمی، بوگون (دوشنبه، ۱۰ اسد) اوز توییتری ده یازیشیچه، اوتگن کونی هیرمند منطقهسیده افغانستان و ایران چیگرهچیلری آرهسیده آتیشمه دن کیین، ایران نمایندهلری و اسلامی امارت مدافعه وزیرلیگی نینگ حضوری بیلن ییغین اوتکزیلگن.
آمریکا قوشمه ایالتلری نینگ نمایندهلر کینگشی باشلیغی نانسی پلوسی، آسیالیک تورت مملکت گه اوز سفرینی باشلهگن. خانم پلوسی دوشنبه کونی سنگاپور دن کوریش بیلن اوز سفرینی باشلهیدی.
افغانستان اوچون آمریکا ایلچیلیگی نینگ کارداری یان مککری، اوتگن (یکشنبه، ۹ اسد) اوز توییتری ده، کرن دیکر افغانستان اوچون آمریکا نینگ ینگی کارداری صفتیده تعینلنگنینی یازگن.
برچهسی بیلن، سلاموطندار جولای آیی ده کابل شهری ده یوز بیرگن تورلی واقعهلر گه دایر حکومت مسئوللری و سوزلاوچیلری دن سورهگن معلومات لریدن ۲۲ موردینی تیکشیرگن که حکومت سوزلاوچیلری ۱۶ موردی گه جواب قیتیرمهگنلر.
نیمروز ولایتی معلومات و مدنیت باشلیغی حبیبالله الهام، بوگون اوشبو ولایتده ایکی مملکت چیگرهچیلری آرهسیدهگی توقنشوونی تصدیقلب سلاموطندار گه ایتیشیچه، دستلب ایران چیگرهچیلری اسلامی امارت حربی کوچلری گه اوق آتگن و کیین ایسه، کنگ تومنی «درویشوک» منطقهسینی آغیر و یینگیل اوققه توتگنلر.
بوگون کابل ده «افغانستان ده دایمی ترقیات؛ قیینچیلیکلر و فرصتلر» عنوانیده علمی_تدقیقاتی سمینار، افغانستان اکادمی علوم ده اوتکزیلدی.
نیمروزدهگی محلی و امنیتی ایشانچلی منبعلر نینگ سلاموطندار گه ایتیشلریچه، اوشبو ولایت نینگ کنگ تومنی «درویشوک» منطقهسیده اسلامی امارت کوچلری و ایران چیگرهچیلری آرهسیده آتیشمه باشلنگن.
تاشکینت شهریده اوتکزیلگن خلقارا ییغلیشدن نیچه کون اوتگنی بیلن، شانگهای همکارلیک تشکیلاتی ییغینی افغانستان مسئلهسی خصوصیده یولگه قوییلدی. افغانستان مذکور تشکیلات نینگ کوزهتووچی اعضاسی بولسهده، بیراق بو مملکتدن کیمسه چَقیریلمهگن.
نیچه کون آلدین اسلامی امارت سرپرست حکومتی هلمند کجکی توغانی نینگ ایکینچی فازینی آچدی و اونی آچیش بیلن، ایران حکومتی هلمند دریاسیدن اوشبو مملکت حقابهسی خصوصیده خواطر بیلدیرگن.
