افغانستان ده بیرلشگن ملتلر تشکیلاتی نینگ اورینباسرلیک هیئت دفتری یا-ده یوناما، سلاموطندار گه بیر بیانیه یوللش بیلن ایتیشیچه، بیرلشگن ملتلر تشکیلاتی نینگ اداری و مالی ایشلری بوییچه مصلحتی کمیتهسیدن بیر هیئت، یوناما ایشلری نی تیکشیریش مقصد کابل گه کیلگن.
بدخشان دهگی محلی منبعلر نینگ سلاموطندار گه ایتیشلریچه، اوشبو ولایت مرکزی فیضآباد شهری اوچینچی ناحیه حدودلریده یوز بیرگن پارتلش عاقبتیده بیر کیشی هلاک بولیب و باشقه اوچ کیشی یرهلنگنلر. منبعلر گه کوره، واقعه طفیلی اولیب و یرهلنگنلر حربی یا که تینچ اهالیلیگی همان نامعلوم؛ بیراق اولرنینگ ایتیشلریچه، سرک یانیده موتر سایکل ده ییرلشتیریلگن ماین پارتلشی ده خوفسیزلیک کوچلر نینگ بیر رنجری نشانگه آلینگن.
سرپرست حکومت ملی مدافعه وزیرلیگی، چین فقرالری گه هجوم افغانستان ده ریجهلشتیریلیب و نشانگه آلینیش ادعا نی مسئولسیزلیک و یالغان دیگن. ملی مدافعه وزیرلیگی سۉزلاوچیسی عنایتالله خوارزمی بوگون (۱۹-ثور، چهارشنبه کونی) بامداد پیتی ایکس اجتماعی ترماغی ده، اسلام امیرلیگی افغانستان گه قرهتیلگن بوندهی تنقید برماغینی حقیقتلرنی تحریف قیلیش اوچون ناکام تلاش دیب و اونی رد اېتیشینی یازگن.
افغانستان برق ییتکزیش شرکتی (برشنا) مسئوللری، بوگون (سهشنبه، ۱۸-ثور)، کابل ده یولگه قوییلگن خبری بیر ییغینده ایتیشلریچه، اوتگن ییل افغانستان گه اوزبیکستان دن ۱۰۵ میلیوندن آرتیق دالرلیک، تاجیکستان دن ۷۱ میلیوندن آرتیق دالرلیک، تورکمنستان دن ۶۴ میلیوندن آرتیق دالرلیک و ایران دن ۴۸ میلیوندن آرتیق دالرلیک برق وارد قیلگنلر.
بدخشان امنیه قوماندانلیگی مسئوللری نینگ ایتیشلریچه، اوشبو ولایت درایم و ارگو تومنلری نینگ «قرلق» و «گنده چشمه» قیشلاغلریده، کوکنار ایکینزارلری نینگ یوق قیلینیشی جریانیده محل یشاوچیلری بیلن اسلام امیرلیگی خوفسیزلیک کوچلری آرهسیده یوز بیرگن قیینچیلیکلر حل بولیب و مذکور تومنلرده وضعیت عادی حالتگه قیتگن.
ساغلیقنی سقلش وزیرلیگی سرپرستی قلندر عباد، خلقارا ساغلیقنی سقلش تشکیلاتی و یونیسفدن ساغلیق بولیمی ایشلاوچیلری ظرفیتی آشیشی، اوزاق بولیملر یشاوچیلری گه درمانی خذمتلر ییتیشتیریلیشی و بالهلر فلجلیگی کسللیگی نینگ بوتونلی شکلده اورتهدن کیتیشی اوچون افغانستان ده ساغلیق سکتوری بیلن همکارلیک قیلیشلرینی ایستهگن.
کابل ده روسیه فدراسیون ایلچیسی دیمیتری ژیرنوف نینگ ایتیشیچه، مملکتی اسلام امیرلیگی بیلن تورلی بولیملرده همکارلیک قیلیش گه تیار دیر و ایکی تامان اورتهسیدهگی مناسبتلر نی اولگیدن کوره کوپراق کینگهیتریش ایستهیدی. ارگ اوتگن یکشنبه کونی کیچ قورون اوز اکس صحیفهسیده بیر بیانیه آرقهلی یازیشیچه…
اسلام امیرلیگی تشقی ایشلر وزیرلیگی سرپرستی امیرخان متقی کابل ده تورکیه ایلچیسی جنک اونال بیلن اوچرهشیب کابل و انقره اۉرتهسیده مناسبتلر مستحکملنیشی و همکارلیگی کېنگهیشینی محاکمه قیلگن.
ایش و اجتماعی ایشلر وزیرلیگی مسئوللری، بوگون (یکشنبه، ۱۶-ثور)، کابل ده «خلقارا ایشچی کونی» نی نشانلگنلر. اوشبو وزیرلیک مسئوللری نینگ ایتیشلریچه، ایشسیزلیک سببلری نی تیکشیریش و افغانستان ده ایشسیزلیک قیینچیلیکلری نی حل قیلیش اوچون ییچیم یوللرنی تاپیش مقصدیده، جاری آی جریانیده مملکتده «ایش ملی کنفرانسی» نی یولگه قویهدیلر.
سرپرست حکومت تشقی ایشلر وزیرلیگی سرپرستی امیرخان متقی، کابل ده تورکیه ایلچیسی جنک اونال بیلن اوچرهشگنیده، «لاجورد یولی» دن سوداگرلیک باشلنیشی و تورکیه بیلن افغانستان ده قوشمه کورگزمهلر آچیلیشی نی ایستهگن.
اسلام امیرلیگی سوزلاوچیسی ذبیحالله مجاهد نینگ اعلام قیلیشیچه، بدخشان ده کوکنار ایکینزارلری نی یوق قیلیش جریانی و اونینگ نتیجهسیده یوزگه کیلگن قیینچیلیکلری نی تیکشیریش مقصدیده، اسلام امیرلیگی باش وزیرلیگی افغانستان اردوسی باشلیغی فصیحالدین فطرت ییتکچیلیگیده بیر هیئت نی تشکیل بیرگن.
بدخشان دهگی محلی منبعلر، اوشبو ولایت نینگ ارگو تومنیده خوفسیزلیک کوچلر بیلن محل ناراضچیلر نینگ توقنشووی عاقبتیده بیر کیشی جان بیرگنیدن خبر بیرگنلر.
هند یېتکرمهلری، اوشبو مملکت درآمد ادارهسی بمبئی شهری ده افغانستان اسلامی جمهوریتی باش قنسولی ذکیه وردک آلدیدن ۲۵ کیلو گرام آلتین نی قاچاق اېتیش عیبی بیلن مصادره قیلگن. تایمز آفاندیا کوندهلیگی گه کوره، بو واقعه توقیز کون آلدین یوز بیرگن، ذکیه وردک اوشبو مقدار آلتین نی بیرلشگن عرب امیرلیگیدن هندوستان گه قاچاق قیلیش گه قصد قیلگن اېکن.
هرات ولایتی محلی مسئوللری، اوشبو ولایتده بیرینچی مراتبه کیمیاوی کود ایشلب چیقرووچی کارخانه آچیلگنیدن خبر بیرهدیلر. هرات ایکینچیلیک، سوغاریش و چاروهچیلیک باشلیغی پیرمحمد حلیمی نینگ سلاموطندار ایتیشیچه، کیمیاوی کود ایشلب چیقرووچی کارخانه، ۱۳-ثور، پنجشنبه کونی عبدالله نورزایی اسملی بیر سوداگر تامانیدن آچیلگن.
بدخشان امنیه قوماندانلیگی مطبوعات دفتری بیر بیانیه ترقهتیب، ۱۴-ثور، جمعه کونی، اوشبو ولایت نینگ درایم تومنی «قرلق» قیشلاغیده بنگیوار مادهلر گه قرشی کورهش خوفسیزلیک کوچلری کوکنار اېکینلرینی یوق اېتیش پیتیده، دهقانلر و خوفسیزلیک کوچلر آرهسیده توقنشوو یوز بیریب و بیر کیشی هلاک بولگنینی معلوم قیلگن.
افغانستان سرپرست حکومتی ملی مدافعه وزیرلیگی پنجشنبه کیچه، ۱۳-ثور، اوز اکس صحیفهسیده مذکور وزیرلیک سرپرستی محمدیعقوب مجاهد نینگ کابل ده چین ایلچیسی جاو شینگ بیلن اوچرهشیب و صحبت قیلگنیدن خبر بیرگن.
مذکور اوچرهشوو پنجشنبه کونی مدافعه وزیرلیگی سرپرستی نینگ ایش دفتریده صورت تاپگن.
