اوکراین اردوسی، روسیه نینگ بلگورود ولایتی گه هجوملرینی باشلهگن. ده مسکو کوندهلیگی بوگون (۶-سنبله، سهشنبه) ترقهتگن گزارشیده اوکراین اردوسی روسیه نینگ بلگورود ولایتی گه حربی هجوملرینی باشلهگنیدن خبر بیرگن.
سرپرست حکومت ایچکی ایشلر وزیرلیگی مسئوللری، اوشبو وزیرلیک نینگ بیر ییللیک یوتوقلرینی پایلهشیش برنامهده، پولیس کوچلرینی مسلکی توزهتیش و امنیتی کوچلر اۉرتهسیده هماهنگلیک اورنهتیش بیلن، اۉتگن ییل گه نسبتن اولکه بویلب یخشیراق امنیت تأمینلنگنینی ادعا قیلهدیلر.
اۉزبېکستان یېتکرمهلری، ۵-سنبله، دوشنبه کونی امریکا قۉشمه ایالتلری نینگ اۉزبېکستاندهگی ایلچیخانهسی دن نقل قیلیب، امریکا افغانستان نینگ حربی اوچاقلری بو مملکت ده قالیشی اوچون اۉزبېکستان دولتی بیلن کېلیشگنیدن خبر بیرگن.
ایچکی ایشلر وزیرلیگی رسمیلری، بوگون (۵-سنبله، دوشنبه) اوشبو اداره نینگ بیر ییللیک یوتوقلرینی شریک قیلیش برنامه ده، سۉنگی بیر ییلده ۲۰ مینگ ۵۱۵ کیشی عسکرلیک و ۱۵ مینگ ۶۰ کیشی ساتنمنی بستلرده استخدام بولگنینی معلوم قیلگنلر. اوشبو وزیرلیک اورین باسری محمدنبی عمری، اۉتگن بیر ییلده ۳۵ مینگ ۵۸۴ عسکر جلب و جذب بولگنینی اېتهدی.
روسیه اردوسی، اوکراین بویلب اینیقسه اوشبو مملکت پایتختی کییف نی راکته و اوچووچیسیز اوچاقلر بیلن نشانگه آلگن. ده مسکو کوندهلیگی نینگ معلوماتی اساسیده، روسیه اردوسی بوگون (۵-سنبله، دوشنبه) راکته و اوچووچیسیز اوچاقلر آرقهلی اوکراین بویلب اینیقسه مذکور مملکت پایتختیدهگی آست قورمهلرنی نشانگه آلگن.
سرپرست حکومت ترانسپورت و هوا یوللری وزیرلیگی مسئوللری، بوگون (۵-سنبله، دوشنبه) اوشبو اداره نینگ بیر ییللیک یوتوقلرینی شریک قیلیش برنامه ده، سۉنگی بیر ییلده افغانستان هوا قونالغهلریدن ۱۲ مینگ ۵۰۳ اوچیش عملگه آشیریلگن و بو اوچیشلرده بیر میلیون ۸۹۷ مینگ دن آرتیق کیشی انتقال بیریلگنینی اېتهدیلر.
تخار ولایتی محلی رسمیلری، اوشبو ولایت مرکزی تالقان شهریده سیس افلاسلنیشی گه سبب بولهدیگن موتر و موترسایکللر قتنهشیگه ایزین بیریلمسلیگینی اېتهدیلر. تخار ولایتی امنیه قوماندانلیگی نینگ امنیت آمری ذکرالله ذاکر، باغلیق مسئوللر گه شهر ایچیده سیس افلاسلنیشی گه سبب بولهدیگن موتر و موترسایکل کبی واسطهلر توختهتیلیشی و اولر گه قتنش ایزینی بیریلمسلیک بویروغینی بیرگن.
فاریاب ولایتی محلی مسئوللری، اوشبو ولایتده علیحده واقعهلرده ایکّی کیشی اولدیریلگنینی معلوم قیلهدیلر. فاریاب معلومات و مدنیت باشلیغی شمسالله محمدی نینگ ایتیشیچه، ۴-سنبله، یکشنبه کونی، اوشبو ولایت مرکزی میمنه شهری بیرینچی ناحیه حدودلریده یوز بیرگن بیرینچی واقعهده، ۴۵ یاشر بیر کیشی «کلاشینکوف» قورالی بیلن آتیب اولدیریلگن.
اسلام امیرلیگی باش وزیری نینگ سیاسی اورین باسری محمد عبدالکبیر، افغانستان نینگ تشقی سیاستیده قطر نینگ رولی مهم دیر و اسلام امیرلیگی بو مملکت بیلن سیاسی، اقتصادیات، اوقیش، صناعت و سرمایه یاتقیزیش بولیملریده ایکّی تامانلمه همکارلیک قیلیش گه قیزیقیشینی معلوم قیلگن.
اسلام امیرلیگی امر معروف و نهی منکر قانونی تصدیقلنیشی، ایچکی و خلقارا کېنگ کولمده مناسبتلر بیلن روپهره بولگن. بیرلشگن ملتلر تشکیلاتی نینگ افغانستاندهگی نمایندهلیگی (یوناما) بوگون (۴-سنبله، یکشنبه) بیر بیانیه ترقهتیب، بو قانون اسلام امیرلیگی بیلن دنیا همجمعیت نینگ همکارلیگینی قیینچیلیک بیلن دوچ قیلیشیدن آگاهلنتیرگن.
حزبالله لبنان بیر بیانیه ترقهتیب، اسرائیل گه کېنگ کولمده هجوم قیلگنینی معلوم قیلگن. رویترز آژانسی گه کوره، حزبالله لبنان بوگون ایرتهلب (۴-سنبله، یکشنبه) اسرائیل نینگ لبنان گه هوا هجوملری گه جواب، بو مملکت گه قرشی کېنگ کولمده هجوم اویوشتیرگنیدن خبر بیرگن.
اوکراین اردوسی نینگ روسیه «بلگورود» منطقهسی گه اوچووچیسیز هجومی عاقبتیده بیش کیشی هلاک بولیب و باشقه کمیده ۱۲ کیشی یرهلنگن. فرانسپرس آژانسی نینگ معلوماتی اساسیده، اوکراین اردوسی ۳-سنبله، شنبه دن یکشنبه گه اوتر کیچه، روسیه «بلگورود» منطقهسی گه اوچووچیسیز اوچاق آرقهلی هجوم اویوشتیرگن.
اسرائیل اردوسی نینگ ۳-سنبله، شنبه کونی غزه جنوبی حدودلریده اۉیوشتیرگن هوا هجوملری عاقبتیده فلسطینلیک چمهسی ۳۶ کیشی قربان بولگن.
اوشبو ریاست بوگون (۳-سنبله، شنبه) ایکس صحیفهسیده بیر بیانیه ترقهتیب، پاسپورت آلیش اوچون کابل شهریده آنلاین ثبتنام قیلیش جریان باشلنگنیدن خبر بیریب، ثبتنام قیلیش جریان یکونیدن سۉنگ، طلبگارلر نینگ مراجعت قیلیش تاریخی سیستم آرقهلی تعیین بولیشینی معلوم قیلگن.
قزاقستان تشقی ایشلر وزیرلیگی ۳۱-اسد، چهارشنبه کونی ایکس صحیفهسیده بیر بیانیه ترقهتیب، محمدرحمان رحمانی افغانستان ایلچیخانهسی شارژدافیری اولهراق قزاقستانده قبول قیلینگنینی معلوم قیلگن. قزاقستان تشقی ایشلر وزیری نینگ اورین باسری علی بیک باکایوف، محمدرحمان رحمانی بیلن اوچرهشیب و اونی افغانستان ایلچیخانهسی شارژدافیری اولهراق قبول قیلگنینی اېتگن.
اوشبو وزیرلیک سۉزلاوچیسی برکتالله رسولی، ۳۱-اسد، چهارشنبه کونی ایکس صحیفهسیده بیر بیانیه ترقهتیب بو قانون امر معروف و نهی منکر وزیرلیگی نینگ ایشلرینی ترتیب گه سالیش و اوشبو وزیرلیک محتسبلری نینگ صلاحیتی تعیینلنیشی مقصدیده تیارلنگنینی اېتگن.
