سرپرست حکومت معلومات و مدنیت وزیرلیگی ۲۳-سنبله، جمعه کونی ایکس صحیفهسیده بیر بیانیه ترقهتیب، بو وزیرلیک سرپرستی خیرالله خیرخواه، روسیه نینگ سنتپترزبورگ شهریده «فرهنگلر اتحادی» ییغیلیشی یانیده، قۉشنی اۉزبېکستان مدنیت وزیری آزاد بیک نظر بیکاوف بیلن اوچرهشیب، ایکّی مملکت نینگ مذهبی، تاریخی و فرهنگی مناسبتی حقیده بحث اېتگنینی یازگن.
ایران جمهور باشلیغی مسعود پزشکیان عراققه قیلگن سفری دایرهسیده بو مملکت رسمیلری بیلن ۱۴ شرطنامه امضالهگن. تورکیه آناتولی آژانسی گه کوره، ایران جمهور باشلیغی مسعود پزشکیان، عراق پایتختی بغداد گه رسمی سفری دایرهسیده، مذکور مملکت جمهور باشلیغی عبداللطیف رشید بیلن اوچرهشووده، ایکی مملکت نینگ مناسبتلری مستحکملنیشی گه قۉشیمچه، فلسطین نینگ غزه شهریدهگی «قیرغین» گه چېک قوییلیشی اوستیگه تأکید اېتگنلر.
تورکمنستان گازینی افغانستان آرقهلی پاکستان و هندوستان گه انتقال بیرووچی تاپی لایحهسی عملی ایشی، بوگون (۲۱-سنبله، چهارشنبه) افغانستانده رسمی طرزده باشلندی. تاپی لایحهسی ایشی باشلنیش مناسبتی بیلن یولگه قوییلگن احتفالده، افغانستان و تورکمنستان رسمیلری، منطقه ده بو کبی بویوک لایحهلر عملگه آشیریلیش اهمیتی گه اوستیگه تأکید اېتگنلر.
بلخ ولایتی قاچقینلر باشلیغی اسدالله وفا گه کوره، قالین ایشلب چیقریش و پروسس قیلیش اوشبو مرکز مذکور ولایت نینگ قالینبافان شهرچهسیده قوریلگن، بو مرکز ۲۰-سنبله، سهشنبه کونی عصر پیتی، قاچینلر وزیرلیگی نینگ معینی عبدالرحمان راشد حضوری بیلن آچیلیب و فایدهلنیشگه تاپشیریلگن.
اسلام امیرلیگی باش وزیری محمدحسن آخوند، تاپی و باشقه ترقیاتی لایحهلر آچیلیش مراسمیده اشتراک اېتیش مقصدیده هرات گه یېتیب بارگن. ارگ، بوگون (۲۱-سنبله، چهارشنبه) ایکس صحیفهسیده بیر بیانیه ترقهتیب، اسلام امیرلیگی باش وزیری یوقاری مرتبهلی هیئت باشچیلیگیده هرات گه یېتیب بارگنینی یازگن.
اسلام امیرلیگی سۉزلاوچیسی نینگ اورین باسری حمدالله فطرت گه کوره، افغانستانده انسان حقلری و خاتین-قیزلر نینگ حقوقی گه دایر بیرلشگن ملتلر تشکیلاتی انسان حقلری ییغیلیشدهگی بیاناتلر بیر تامانلمه و سرپرست حکومت تامانیدن قبول قیلینمهیدی.
بدخشان ولایتی مقامی مطبوعات ادارهسی، اوشبو ولایت نینگ تشکیلاتیده «پامیر» ده ینگی اولسواللیک تشکیل بولیشیدن خبر بیرگن. مذکور اداره ترقهتگن بیانیهسیده، ۱۹-سنبله، دوشنبه کونی ایش ادارهسی وکیلی نورالحق جریر باشچیلیگیده تورلی ادارهلردن تشکیل بولگن هیئت، اوشبو ولایت نینگ پامیر منطقهسیگه سفر قیلگنینی اېتگن. بیانیه اساسیده، مذکور هیئت پامیرلردهگی قیینچیلیک و بو ییرده ینگی اولسواللیک تشکیل بولیشینی تیکشیرگنلر.
قندوز ولایتی محلی مسئوللری، اوشبو ولایتده یېتیم بالهلر اوچون «دولت مهربانلیک اوی» فعالیت گه باشلهگنینی معلوم قیلگنلر. قندوز ایش و اجتماعی ایشلر باشلیغی احمدشاه حقانی، اوشبو دولت مهربانلیک اوی یېتیم قیز و اوغیل بالهلر اوچون علیحده بنا گه ایگه بولیب و فعالیت گه باشلهگنینی اېتگن.
روسیه نینگ خودمختار جمهوریتلریدن چیچنستان جمهور باشلیغی رمضان قدیروف تورکیه گه تشریف بویرگن. قدیروف جنابلری ۱۹-سنبله، دوشنبه کونی شام پیتی تلگرام کانالی ده، تورکیه گه سفر قیلگنیدن خبر بیرگن. چیچنستان جمهور باشلیغی، اوشبو سفری دایرهسیده، «عثمان تشکیلاتی» تلویزیونی ایشلرینی یقیندن باریب کوزهتگنینی معلوم قیلگن.
بلخ ولایتی مقامی ترقهتگن بیانیهسیده، اسلام امیرلیگی رهبری اوشبو ولایت محلی مسئوللریدن، اسلامی تېزیم مستحکملنیشی اوچون بیرینچیدن شریعت نی اۉزلری و کېین اېسه اهالی اوستیگه تطبیق اېتیش بویروغینی بیرگنینی بیلدیرگن. شیخ هبتالله آخوندزاده، اۉز بیاناتیده اتفاق، بیردملیک و برادرلیک اوستیگه تأکیدلب و بلخ ولایتی محلی مسئوللریدن تفرقه، قومپرستلیک، تیل و سمتی قرشیلیکلر گه چېک قوییشلرینی سۉرهگن.
تخار ولایتی محلی مسئوللری، اوشبو ولایت مرکزی تالقان شهری و فرخار تومنیده ۴۰۰ مینگ دالرلیک تورت کانال نینگ قوریش ایشی باشلنگنیدن خبر بیرگنلر.
روسیه «دهمسکو» گزیتهسی ۱۸-سنبله، یکشنبه کونی ترقهتگن خبریده روسیه اردوسی اوکراین شرقیدهگی بیر شهر نی ایگللب آلگنلرینی معلوم قیلگن. دهمسکو گزیتهسی روسیه مدافعه وزیرلیگیدن نقل قیلیب یازیشیچه، اوشبو مملکت اردوسی اوکراین شرقیده بیر شهرنی ایگللب آلیش گه قوشیچه، پوکروفسک شهریدن ۲۰ کیلومتر اوزاقلیکده جایلشگن دونتسک ولایتیدهگی نورودیوکا شهرینی آزد قیلگنلر.
۱۴۰۳-ییل ۹-اسد، سرپرست حکومت تشقی ایشلر وزیرلیگی، اروپا و امریکاده افغانستان نینگ دیپلماتیک چمهسی ۱۴ نمایندهلیگی اوشبو وزیرلیک بیلن همکارلیک بولمهگنی اوچون فعالیتینی اعتبارسیز اعلام قیلگچ، بو دیپلماتیک نمایندهلیکلر تقدیرسیز بیر احوالده قالگن.
اسلام امیرلیگی تشقی ایشلر وزیرلیگی سۉزلاوچیسی نینگ اورین باسری ضیااحمد تکل، ۱۷-سنبله، شنبه کونی ایکس صحیفهسیده بیر بیانیه ترقهتیب، افغانستان اسلام امیرلیگی ادارهلری نینگ یېریک رسمیلریدن بیرقطاری، افغانستان و تورکمنستان اۉرتهسیده تاپی لایحهسی، فایبر نوری، تاپ و تیمیر یول لایحهلری ایشی باشلنیشی مقصدیده، تیارگرلیک بیرینچی ییغیلیش اۉتکزگنلریدن خبر بیرگن.
اسلام امیرلیگی سۉزلاوچیسی نینگ اورین باسری ضیااحمد تکل، ۱۵-سنبله، پنجشنبه کونی ایکس صحیفهسیده بیر بیانیه ترقهتیب، اوشبو وزیرلیک سرپرستی امیرخان متقی تورکمنستان تشقی ایشلر وزیری رشید مرادوف بیلن، هرات ولایتیده اوچرهشگنینی معلوم قیلگن.
سرپل ولایتیده اوزوم و ایکینچیلیک محصولات فیستیوالی بوگون (۱۵-سنبله، پنجشنبه) یولگه قوییلدی. اوشبو فیستیوال ده سرپل نینگ قاوون، ترووز، اوزوم، آلمه، بهی، پیاز، نخود، کونجوت و باشقه بیرقطار میوهلری کورگزمه گه قوییلگن.
