ایچکی ایشلر وزیرلیگی نینگ خوفسیزلیک ایشلری بوییچه اورین باسری محمدابراهیم صدر باشچیلیگیده بولگن اوشبو هیئت اعضالرینی مدافعه، ایچکی ایشلر، چیگره، قوم و قبیلهلر وزیرلیکلری همده استخبارات عمومی ریاستی وکیللری تشکیل بیرهدی. اسلام امیرلیگی، مذکور واقعه انیقلنگنیدن سۉنگ، قرار آلیشینی معلوم قیلگن.
ایکینچیلیک، سوغاریش و چاروهچیلیک وزیرلیگی مسئوللری نینگ ایتیشلریچه، بو کورگزمه ده ایکینچیلیک، باغدارچیلیک، چاروهچیلیک، ایکینچیلیک اوسکونهلری، طبی اوسیملیک، سوغاریش اوسکونهلری، قویاش دن برق ایشلب چیقریش اوسکونهلر و قول صناعتی کورگزمه گه قوییلگن.
چین، افغانستان شامل ۴۰ مملکت نینگ اوشبو مملکت گه سوداگرلیک توارلری باجخانه تعرفهسینی معاف قیلگن. چین ده افغانستان ایلچیخانهسی، ۲۴-میزان، سهشنبه کونی ایکس صحیفهسیده بیر بیانیه ترقهتیب، چین تشقی ایشلر وزیرلیگی نینگ آسیا بولیمی باشلیغی لیو جین سونگ بو موضوع نی اوشبو مملکت ده اسلام امیرلیگی ایلچیسی بلال کریمی بیلن اوچرهشووده بیان قیلگنینی یازگن.
اسرائیل اردوسی، بوگون (۲۵-میزان، چهارشنبه) بامداد پیتی حزبالله لبنان اسرائیل گه ۵۰ موشک آتگنیدن خبر بیرگن. خلقارا یېتکرمهلر نینگ معلوماتی اساسیده، حزبالله لبنان بو راکتهلر نینگ کوپینچهسینی اسرائیل نینگ «صفد شهری» تامان آتگن. اوشبو هجوملر نینگ احتمالی تلفاتی و زیانلری همده یوق اېتیلیشی حقیده حاضرگه قدر ایضاح کېریتیلمهگن. اسرائیل و حزبالله لبنان اۉرتهسیدهگی سۉنگی توقنشوولر، منطقه ده برچه تامانلمه اوروش باشلنیش گه دایر خواطرلرنی آشیرگن.
سرپرست حکومت ایچکی ایشلر وزیرلیگی، نیمروز ولایتی پل ابریشم بندریده ایکّی کیلو گرام «آلتین» نینگ ایران گه قاچاق قیلینیشی اونگی آلینگنینی معلوم قیلهدی. ایچکی ایشلر وزیرلیگی گه کوره، بوگون (۲۴-میزان، سهشنبه) ایکس صحیفهسیده بیر بیانیه ترقهتیب، نیمروز ولایتی پل ابریشم بندریده بیر کیلو ۸۶۶ گرام آلتین نینگ قاچاق قیلینیشی اونگی آلینگن.
اۉرته شرق اینیقسه اسرائیل و ایران آرهسیده کېسکینلیک اوج آلگچ، آسترالیا تشقی ایشلر وزیرلیگی اوشبو مملکت یشاوچیلریدن اسرائیل نی ترک اېتیشلرینی اېستهگن. آسترالیا تشقی ایشلر وزیری پتی وانگ ۲۳-میزان، دوشنبه کونی ایکس صحیفهسیده بیر بیانیه ترقهتیب، بو مملکت یشاوچیلریدن اسرائیل نی تیزلیک بیلن ترک اېتیشلرینی سورهگن.
خلقارا یېتکرمهلر نینگ معلوماتی اساسیده، اسرائیل اردوسی نینگ سوریه پایتختی دمشققه راکته هجوملری عاقبتیده ییتّی کیشی قربان بولیب و باشقه ۱۱ کیشی یرهلنگن. معلوماتلر گه کوره، اسرائیل اردوسی نینگ بو هجوملریده بالهلر و عیاللر قربان بولیشی گه قۉشیمچه منطقه دهگی یشاوچیلر گه کوپینچه مالی نقصان یېتکیزگن.
حاضرگی کونده پاکستان، کېنگ کولملی ناراضیلیک و جدی ناتینچلیکلر گواهی دیر. پاکستانده بو احوال دوام اېتماقده اېکن، ۱۵-میزان، یکشنبه دن دوشنبه گه اوتر کیچه، بلوچستان آزادیبخش گروهی کراچی شهری هوا قونالغهسی یقینیده هجوم اویوشتیرگن، اوشبو هجوم طفیلی پاکستانده چینلیک ایکّی کیشی هلاک بولیب و باشقه ۱۰ دن آرتیق کیشی یرهلنگن.
الجزیره یېتکرمهسی نینگ معلوماتی اساسیده، حزبالله لبنان بوگون (۱۶-میزان) دوشنبه) اونلب راکته بیلن اسرائیل شمالیده «حیفا» شهری گه هجوم قیلگن. اسرائیل محلی یېتکرمهلری، حزبالله نینگ ایکّی راکتی حیفا شهری و باشقه بیش راکتی حیفا نینگ ۶۵ کیلومترلیگیده جایلشگن طبریه شهریده اصابت قیلگنینی اېتگنلر.
پاکستان نینگ کراچی هوا قونالغهسی یقینیده یوز بیرگن پارتلش عاقبتیده چینلیکلر شامل ایکّی کیشی هلاک بولیب و باشقه ۱۰ کیشی یرهلنگن.
امام ابوحنیفه ملی و خلقارا اوچینچی کورگزمهسی ایچکی سوداگرلر و سرمایه یاتقیزووچیلر و منطقه مملکتلر نینگ دیپلماتلری حضوری بیلن بوگون (۱۵-میزان، یکشنبه) کابلده آچیلگن و آلتی کونگچه دوام تاپیشی کوتیلهدی.
اسلام امیرلیگی تشقی ایشلر وزیرلیگی بوگون (۱۴-میزان، شنبه) ایکس صحیفهسیده بیر بیانیه ترقهتیب، اسلام امیرلیگی و روسیه تشقی ایشلر وزیرلری ایکّی تامانلمه همکارلیک مستحکملنیشی و افغانستان نینگ اقتصادی و خوفسیزلیک مسئلهلری حقیده بحث اېتگنینی یازگن.
افغانستان وضعیتی گه دایر «فرمت مسکو» آلتینچی ییغیلیشی منطقه مملکتلر اینیقسه روسیه و چین وکیللری نینگ حضوری بیلن ۱۳-میزان، جمعه کونی یولگه قوییلدی، بو ییغیلیش ده افغانستان تشقی ایشلر وزیرلیگی سرپرستی امیرخان متقی اسلام امیرلیگی نمایندهسی اولهراق قتنشگن اېدی.
اسلام امیرلیگی باش وزیری نینگ اداری اورین باسری عبدالسلام حنفی، فاریاب ولایتی دین عالملری، بویوکلری و آقسقاللری بیلن اوچرهشگن. ارگ، ۱۳-میزان، جمعه کونی ایکس صحیفهسیده بیر بیانیه ترقهتیب، اسلام امیرلیگی باش وزیری نینگ اداری اورین باسری عبدالسلام حنفی، فاریاب ولایتی دین عالملری، بویوکلری و آقسقاللری بیلن اوچرهشگنیدن خبر بیرگن.
اسرائیل اردوسی لبنان گه هوا هجوملری گه دوام بیرماقده اېکن، ایران تشقی ایشلر وزیری سیدعباس عراقچی ۱۳-میزان، جمعه کونی بیروت گه سفر قیلگن اېدی، او ییردن سوریه پایتختی دمشققه سفر قیلگن. عراقچی، اوشبو سفری دایرهسیده سوریه یوقاری مرتبهلی رسمیلری بیلن اوچرهشیب و ایکّی تامانلمه و منطقه دهگی مسئلهلرنی بحث گه آلیشی اېتیلگن.
تشقی ایشلر وزیرلیگی سۉزلاوچیسی نینگ اورین باسری ضیااحمد تکل بوگون (۱۳-میزان، جمعه) ایکس صحیفهسیده بیر بیانیه ترقهتیب یازیشیچه، متقی بو موضوع نی «فرمت مسکو» آلتینچی ییغیلیشیده بیان قیلیب و منطقه مملکتلردن داعش تامانیدن فقرالری عسکر آلینمسلیگی و اولر نینگ افغانستان و باشقه مملکتلر گه یوباریلیشی گه توسیق بولیب و بوزغونچیلیک هجوملری اوچون اسلام امیرلیگی بیلن همکارلیک قیلیشلرینی اېستهگن.
