میلادی ۲۰۲۶-ییلده افغانستان گه انسانسیورلیک یاردملر کمهیشی و انسانی بحران توغریسیده خلقارا تشکیلاتلردن قطارینینگ خواطری بیلن بیرگه، اسلام امیرلیگی سوزلاوچیسی ذبیحالله مجاهدنینگ ایتیشیچه، افغانستان یشاوچیلری یشش وضعیتی یخشیلنیشی بوییچه حکومتنینگ بیر قطار برنامهلری بار.
احصائیه و معلومات ملی ادارهسی، اوشبو قویاش ییلده افغانستان بازارلریده آزیق-آوقت نرخ-نوالری ۴.۲ فایز آشگنینی بیلدیردی. اوشبو اداره، بوگون (۱۱-جدی/۱-جنوری، پنجشنبه) ایکس صحیفهسیده بیر بیانیه ترقهتیب بازارلرده یاغ نرخی ۱۳.۹ فایز، دان محصولاتلری نرخی ۳.۵ فایز، سبزهوات نرخی ۲۹ فایز آشگنینی معلوم قیلدی.
هرات امر معروف و نهی منکر باشلیغی عزیزالرحمان مهاجر، اوشبو ولایتده تیریک موجودلردن عکس آلیش تقیقلنگنینی بیلدیردی.
اسلام امیرلیگی ترانسپورت و هوا یوللری وزیری حمیدالله آخوندزاده، عمان ترانسپورت، مخابرات و معلوماتی تکنولوژی وزیری سعید بن حمود المعولی بیلن اوچرهشیب و صحبت قیلگن.
سلام افغانستان ییتکرمه موسسهسی (سلاموطندار رادیوسی) بوگون (۱۰-جدی/۳۱-دسمبر، چهارشنبه) کابلده اوتکزگن ییغیلیشده کابل شهری یشاوچیلرینینگ ایچیملیک سوودن فایدهلنیش گه دایر سوراو نتیجهسینی شریک قیلدی.
اسلام امیرلیگی سوزلاوچیسی ذبیحالله مجاهد، میلادی ۲۰۲۵-ییلده افغانستان مقیاسیده ۹ بویوک سوو توغانی قوریلگن یا کی قوریلماقدهلیگینی بیلدیردی.
اسلام امیرلیگی باش وزیرینینگ اداری اورین باسری عبدالسلام حنفی، کابل شهریده ترقیاتی لایحهلر ایشی توگهشی بیلن بو شهر سیماسی سیزیلرلی درجهده اوزگریشینی بیلدیردی. او، بوگون (۹-جدی/۳۰-دسمبر، سهشنبه) کابل ولایتی مقامی حاکملیگی قرشیسیده «هوایی کوپریک» قوریلیشی مناسبتی بیلن اوتکزیلگن تدبیرده بوندهی بیانات بیردی.
اسلام امیرلیگی باش وزیرینینگ اقتصادی اورین باسرلیگی، کابل شهری حاکملیگی قرشیسیده ۴۶۲ میلیون افغانی عوضیگه «هوایی کوپریک» قوریلیشی باشلنگنینی معلوم قیلدی.
اوزبیکستانده، اوزبیک علم-فن تیزیمینی چقور مدرینیزه قیلیش جریانیده میلادی ۲۰۲۶-ییل، ۱-جنوریدن فنلر اکادمیهسی ایش باشلهیدی.
سرپل الجهاد تومنی قیشلاقلری یشاوچیلریدن بعضیلری، شور سوولردن قوللنیش سببلی ایریم کسللیکلر گه چلینگنلرینی معلوم قیلیشهدی. الجهاد تومنی «آدمسنگ»، «شیخنزایی»، «قدوقچه» و باشقه حدودلر اهالیسی، قورغاقچیلیک سببلی سوو انبارلری «افلاسلنگن» و قودوقلرنینگ سووی شور بولگن دییدیلر.
قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، بیر کونده ایران و پاکستان دن ایکی مینگ ۸۲۷ افغانستانلیک مملکت گه قیتریلگن.
اسلام امیرلیگی تشقی ایشلر وزیرلیگینینگ اوچینچی سیاسی باشلیغی ذاکر جلالیگه کوره، افغانستان و امریکا علاقهسیده هیچ قندهی بیر قیینچیلیک کوریلمهیدی.
رستاق ۱۸۳ قیشلاق و قریب ۳۰۰ مینگ اهالی بیلن تخار شمالیده جایلشگن تومن؛ اونینگ قیشلاق دهگی اهالیسی تومن مرکزی کسلخانهسیگه مراجعت قیلیش اوچون ساعتلرچه کیزیش گه مجبور. رستاق اهالیسی، اوشبو تومن مرکزی کسلخانهسیده ایش سُستلیگی و اساسی شکلده طبی خذمت کورسهتیلمسلیگیدن نالیماقدهلر.
هرات معارف ریاستیده مسئوللرنینگ ایتیشلریچه، اوشبو ولایتده مذکور ریاستنینگ مرکزی ایکی بولیمی بیلن سکیزته مکتب و دینی مدرسهنینگ قیته قوریلیش ایشی یکونلنگن.
قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن ایکی مینگ ۵۵۳ افغانستانلیک مملکت گه قیتریلگنینی معلوم قیلگن.
ایکینچیلیک، چاروهچیلیک و سووغاریش وزیرلیگی، بیرنیچی مرته قندهاردن ۲۰ تُن انار قطر گه صادر قیلینگنیدن خبر بیردی.
