مملکت یشاوچیلری، بازارلرده آزیق-آوقت و باشقه نرسهلر نرخی آشیشی و اقتصاد ضعیفلیگی اوچون ساتیب آلالمسلیکدن شکایت قیلماقدهلر. تورلی ولایتلردن بیرقطار یشاوچیلر، سونگی ایکی آی ایچیده اینیقسه یاغ و برنج قیمتی سیزیلرلی درجهده آشیب و ساتیب آلیش گه قورب ییتمسلیگینی ایتهدیلر.
اسلام امیرلیگی معلومات و مدنیت وزیرلیگینینگ ایتیشیچه، قندوز ولایتیدهگی محلی خبرچی ناظره رشیدی، ییتکرمه فعالیتلری سبب قولگه آلینمهگن.
قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، بیر کونده ایران و پاکستان دن بیر مینگ ۸۱۶ افغانستانلیک چیقریلگن.
اسلام امیرلیگی عالی اوقوو وزیرلیگینینگ ایتیشیچه، اوشبو وزیرلیک وزیری ندامحمد ندیم یوقاری مرتبهلی بیر هیئت باشچیلیگیده، عمان کیتگن.
ایکینچیلیک، سووغاریش و چاروهچیلیک وزیرلیگی، قویاش ۱۴۰۴-ییل دوامیده ۲.۵ تُن عسل، قندهاردن چیت ایل اولکهلر گه صادر قیلینگنینی بیلدیردی.
اسلام امیرلیگی سودا و صناعت وزیرلیگینینگ اعلام قیلیشیچه، پاکستان بیلن افغانستاننینگ سودا المشووی ۴۰ فایز کمهیگن.
اسلام امیرلیگی ایکینچیلیک، سووغاریش و چاروهچیلیک وزیری عطاءالله عمری، کابل ده ایران ایلچیسی علیرضا بیکدلی بیلن اوچرهشیب و صحبت قیلگن.
قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن جبری شکلده ۳ مینگ ۳۷۱ افغانستانلیکنینگ مملکت گه قیتریلگنینی معلوم قیلگن.
افغانستان برق یېتکزیش شرکت (برشنا)نینگ اجرائیه باشلیغی عبدالباری عمر، بوگون (۱۸-جدی/۸-جنوری، پنجشنبه)، کابلده اوچ برق ایشلب چیقریش و انتقال بیریش لایحه آچیلگنینی بیلدیردی.
هرات محلی مسئوللری، قویاش ۱۴۰۴-ییلنینگ بیرینچی توقیز آییده هراتنینگ ۲۲ مینگ تُن طبی اوسیملیکلری دنیا بازالریگه صادر قیلینگنیدن خبر بیردیلر. هرات حاکمی سوزلاوچیسی محمدیوسف سعیدی، بو ولایتدن ۲۴ میلیون ۲۶۸ مینگ دالرلیک طبی اوسیملیکلر چیت ایل مملکتلر جملهدن امریکا، بیرلشگن عرب امیرلیگی، روسیه و ایران اولکهلریگه صادر قیلینگنینی بیلدیردی.
اسلام امیرلیگی تشقی ایشلر وزیری امیرخان متقی، عمان تشقی ایشلر وزیری بدر بن حمد البوسعیدی بیلن تلیفونی صحبت قیلگن.
حقوقدانلردن بیرقطارینینگ ایتیشیچه، ناگران عیاللردن بعضیلرینینگ حقوق و اوزلریگه عاید قاعدهلردن خبرسیزلیگی، اولرنی اوشبو حقوق امتیازلریدن محروم بولیشیگه آلیب کیلگنینی ایتهدیلر. اولر گه کوره، قانونده ناگران شخصلرنینگ تینگلیگی و هر قندهی کمسیتیش تقیقلنیشی تأکیدلگنیگه قرهمی، اوشبو قتلم اینیقسه عیاللر، جدی معمالر گه دوچ کیلماقده.
۳۵۰ کیشی آلتی آیلیک کسب-هنر بوییچه تعلیم کورسلرینی تماملهگنیدن سونگ، بوگون کابل دهگی کسب-هنر مرکزی تامانیدن اویوشتیریلگن تدبیرده بیتتیرو گواهینامهسینی آلیشدی.
اسلام امیرلیگی فواید عامه وزیرلیگی، بیر هفته دوامیده ۱۷۰ مینگ ۶۲۶ متریک تُن یوک، افغانستاننینگ تیمیر یوللری آرقهلی تشیلگنینی بیلدیردی.
افغانستان سودا و سرمایه یاتقیزیش اتاقینینگ ایتیشیچه، پاکستان سودا و صناعت اتاقی بیلن آنلاین ییغین اوتکزگنلر. بو نهاد، اوتگن کون (۱۴-جدی، یکشنبه)، فیسبوک صحیفهسیده بیر بیانیه آرقهلی یازیشیچه، مذکور ییغین پاکستان بیلن سودا یوللری آچیلیشی، تخصصی کمیته آچیلیشی و افغانستان بیلن پاکستان آرهسیدهگی سودا قیینچیلیکلری حلی اوچون اوتکزیلگن.
تخار ولایتی درقد تومنیده آمو دریا اوستیده کانکریتی کوپریک قوریلیشی، تخمیناً ۲۳۷ میلیوندن آرتیق افغانی عوضیگه باشلندی.
