کابل ده سونگی آلتی آیده ۲۰۰۰دن آرتیق جنایی واقعه ثبت بولگن
کابل امنیه قوماندانلیگی مسئوللری، چهارشنبه کونی ۲۴-عقرب، خبری بیر ییغینده اوشبو نهاد نینگ سونگی آلتی آیده ایریشگن یوتوق‌لرینی اهالی گه شریک قیلگن.
کابل امنیه قوماندانلیگی مسئوللری، چهارشنبه کونی ۲۴-عقرب، خبری بیر ییغینده اوشبو نهاد نینگ سونگی آلتی آیده ایریشگن یوتوق‌لرینی اهالی گه شریک قیلگن.
بلخ شهیدلر و ناگران‌لر ریاستی مسئوللری نینگ ایتیشلریچه، چهارشنبه کونی، ۲۴_عقرب، اوشبو ولایت ده ناگران ۹۰ کیشی گه ویلچر یاردم بیرگنلر. بلخ شهیدلر و ناگران‌لر باشلیغی جان‌محمد حکمت گه کوره، اوشبو ویلچرلر «دست کمک» موسسه‌سی نینگ مالی یاردمی بیلن ناگران کیشی‌لر گه توزیع قیلینگن.
غور ده سپورتچیلر دن بیرقطاری نینگ ایتیشلریچه، اوشبو ولایت مرکزی فیروزکوه شهری ده معتادلرنی آگاه‌لنتیریش کمپاین نی، بنگی‌وار ماده‌لر نی ترک قیلیش و معتاد کیشی‌لر نینگ سپورت گه ترغیب قیلیش مقصدیده یولگه قویگنلر.
قندهار ده ایکینچیلردن قطاری نینگ سلام‌وطندار گه ایتیشلریچه، اولر بوغدای‌نی سنتی روش‌ده ایکه‌دیلر و سنتی روش‌ده بوغدای ایکیلیشی، اولر نینگ حاصلاتی کمه‌یشی گه سبب بولگن. مذکور ایکینیچیلر، قیته ایکیش اوچون یخشی حاصل بیره‌دیگن اوروغ نی سقله‌یدیلر.
برشنا یا-ده افغانستان برق ییتکزیش شرکتی نینگ سرمایه یاتقیزیشنی جلب قیلیش ریاستی، شبرغان-دشت الوان نینگ ۵۰۰ کیلوولت برق لینینی انتقال بیریش اوچون قالگن ۲۴ فایز ایشینی بیتتیریش و دشت الوان سب‌استیشنی رواجلنیشی مقصدیده، ایچکی بیر شرکت بیلن همکارلیک بیتیم امضاله‌گن.
سوداگرلیک و صناعت وزیرلیگی مسئوللری نینگ ایتیشلریچه، اوتگن کون اسلام‌آباد ده افغانستان، پاکستان و اوزبیکستان آره‌سیده اوچ تامان‌لمه سوداگرلیک ییغین یولگه قوییلگن. اوشبو وزیرلیک سوزلاوچیسی آخوندزاده عبدالسلام جواد نینگ سلام‌وطندار گه ایتیشیچه، مذکور ییغینده افغان-ترانس تیمیر یولی پروژه‌سی، صادرات و واردات یول‌لری کوچلنیشی، آستقورمه‌لر کوچه‌یشی، سوداگرلیک خصوصیده‌گی توسیق‌لیکلر کمه‌یشی و مملکت‌لر آره‌سیده سوداگرلیک کوچلنیشی حقیده بحث و صحبت قیلگنلر. اونینگ کوپه‌یتیریشیچه، شونینگدیک مذکور ییغینده اوچ تامان سوداگرلیک و ترانزیتی همکارلیک بیتیمی نی امضا قیلگنلر.
فراه ساغلیق نی سقلش مسئوللری، اوشبو ولایت نینگ ییتتی تومنی ده ۱۰ ساغلیک مرکز فایده‌لنیشگه تاپشیریلگنیدن خبر بیره‌دیلر.
اسلام امیرلیگی باش وزیری نینگ اقتصادی اورین باسرلیگی، بوگون (چهارشنبه، ۲۴-عقرب)، اوز ایکس صحیفه‌سیده، بیرلشگن عرب امیرلیگی گه تیگیشلی فلای دوبی هوایی شرکتی، افغانستان گه فعالیت‌لرینی قیته باشله‌گنیدن خبر بیرگن.
پاکستان دن مملکت گه قیتگن قاچقین‌لر دن بیرقطاری، پاکستان دولتی تامانیدن جبر دن چیقریلیش‌لری و اوشبو مملکت پولیسی نینگ یامان یانده‌شوولری دن اچیق حکایت قیله‌دیلر.
سوداگرلیک و صناعت وزیرلیگی مسئوللری نینگ سلام‌وطندار گه ایتیشلریچه، دوشنبه کونی ۲۲-عقرب، اسلام امیرلیگی سرپرست حکومتی‌دن بیر هیئت اوشبو وزیرلیک سرپرستی نورالدین عزیزی ییتکچیلیگی‌ده، پاکستان و اوزبیکستان بیلن اوچ تامان‌لمه ییغین گه شرکت قیلیش اوچون پاکستان پایتختی اسلام‌آباد گه کیتگن.
پنجشیر محلی مسئوللری نینگ ایتیشلریچه، ینگی‌لیکده اوشبو ولایت ده ۴۰ زمرد کانی تاپیلگن.
بامیان ولایتی کسل‌خانه‌سیده، دوداق و تنگله‌ی جیریق کسل‌لری نینگ دوالنیشی رایگان شکلده باشلنگن.
قاچقین‌لر وزیرلیگی مسئوللری نینگ ایتیشلریچه، حاضرگچه ۳۵۱ مینگ‌دن آرتیق افغانستان‌لیک قاچقین ایران، پاکستان و تورکیه مملکت‌لریدن چیقریلگن که، بو آره ۲۳۹ مینگ ۶۱۴ کیشی پاکستان‌دن چیقریلگن دیر.
پاکستان دن مملکت گه قیتگن قاچقین عایله‌لر دن بیرقطاری سلام‌وطندار بیلن اوتکزگن صحبت‌لری ده ایتیشلریچه، اولکه گه قیتیش پیتیده پاکستان پولیسی نینگ یامان یانده‌شووی و اوشبو مملکت دن جبر دن چیقریلیش‌لری باعث، باله‌لری نینگ میه‌سی گه سلبی تاثیر قیلگن.
دایکندی ده محلی مسئوللری نینگ ایتیشلریچه، اسلام امیرلیگی نینگ خوفسیزلیک کوچلری اوشبو ولایت‌ده تورت «بلیقچی» نی، بلیق آولش عیبی بیلن قولگه آلگنلر.
چقه‌لاق‌لر و آنه‌لر دن حمایت قیلیش هفته‌سیدن نشانلش مناسبتی بیلن بوگون (سه‌شنبه، ۲۳-عقرب)، کابل ده تدبیرکار عیاللر نینگ تشبثی و صناعت و سوداگرلیک وزیرلیگی نینگ یاردمی بیلن، خدیجه‌الکبرا عنوانی ده عیاللر اوچون عیاللر نینگ قول توقیمه و تولیدلری ییتتی کون‌لیک کورگزمه‌سی آچیلدی.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش