امریکا-اسرائیل-ایران اوروشی تیز آرهده توگهشی ممکن. ترامپ اوروشنی توختهتیشنی ایستهیپتی، ایران ایسه اوروشنی امریکانی خواهشیگه کوره ایمس، بلکی ایران دولتینینگ اختیاریگه کوره توگهتیلیشینی معلوم قیلدی. شونینگدیک، اوچله دولتنینگ اوروشدن کورگن تلفاتلری، امریکا جمهور باشلیغینینگ نیمهدن قورقوگه توشگنی حقیده یقین دقیقهلر ایچیده بهتفصیل تنیشیب چیقیشینگیز ممکن.
اسلام امیرلیگی عملدارلری، پاکستان حربی کوچلرینینگ توپخانه و هاوان آتیشلری عاقبتیده خوست ولایتیده ۴ تینچ اهالی اولیب و اوچ باله یرهلنگنیدن خبر بیردیلر.
اسلام امیرلیگی عملدارلری، افغانستانده اونگ قال (بیر کلید)ی موترلرنینگ باجخانه امتیازی ینه بیر ییلگچه اوزهیتیریلیشینی معلوم قیلدیلر. اسلام امیرلیگی سوزلاوچیسینینگ اورین باسری حمدالله فطرت، بوگون (۲۱ حوت/۱۲ مارچ، چهارشنبه) ایکس صحیفهسیده بیر بیانیه ترقهتیب یازیشیچه، اسلام امیرلیگی باش وزیری ملا محمدحسن آخوند باشچیلیگیده کابینهنینگ ۱۶ ییغیلیشیده، افغانستانده اونگ قال موترلر و مملکت گه کیلتیریلهیاتگن بعضی توارلرنینگ باجخانه امتیازی حقیده بحث ایتیلگن.
الجزیره، بوگون (۲۱حوت/ ۱۱ مارچ، چهارشنبه) حزبالله لبنان ایران اویغونلیگی بیلن، اسرائیلنینگ شمالی حدودلریگه ۱۰۰ راکته آتگنیدن خبر بیردی.
ناروی مهاجرلر کینگشی، پاکستان و اسلام امیرلیگی اورتهسیدهگی توقنشوولر، مینگلب عایلهنی اوز اوی-جایلرینی ترک ایتیش گه مجبور قیلگنینی بیلدیردی. اوشبو اداره، ۲۰ حوت/۱۱ مارچ، چهارشنبه کونی ایکس صحیفهسیده بیر بیانیه ترقهتیب، توقنشوولر طفیلی آواره بولگنلر گه نقدی یاردم کورسهتماقدهلیگینی یازگن.
حقوقشناسلر و دین عالملریگه کوره، قانون، حنفی فقه و شریعت اساسیده، عیاللر تعلیم آلیش، ایشلش و تورموش اورتاقلرینی تنلش حقوقیگه ایگه دیر. اولرنینگ ایتیشیچه، بو حقوقدن عیاللرنینگ محروم قیلیش جمعیتدهگی عرف-عادت و عنعنه گه باغلیق بولیب و شریعت قاعدهلریگه ضد دیر.
بحرین ایچکی ایشلر وزیرلیگی، اوشبو مملکت ۴ فقراسینی «سپاه پاسداران گه جاسوسلیک قیلیش» عیبی بیلن حبس گه آلگنینی بیلدیردی.
ننگرهار ایکینچیلیک، سووغاریش و چاروهچیلیک ریاستی مسئوللرینینگ ایتیشلریچه، اوشبو ولایت ۲۲ تومنیده، سوو منبعلری تامینلنیشی و زراعتی ییرلرگه سوو ییتیشتیریلیشی اوچون بیر قطار سوو توغانلری قوریلیب و باشقه بیر قطاری توغریسیده ایشنینگ دوامی بار. مسئوللرگه کوره، اوشبو سوو توغانلری سوونینگ یخشیراق باشقریلیشی، توپراق بوزیلیشی آلدی آلینیشی و سوو تاشقینلر طفیلی زیانلر کمهیشی مقصد قوریلگن.
فاریاب ولایتی «لولاش» تومنی یشاوچیلرینینگ ایتیشلریچه، ستندرد سرکلر یوقلیگی، اولرنینگ ساغیلقنی سقلش، تعلیم و اداری خذمتلردن فایدهلنیشینی جدی قیینچیلیکلر بیلن روپهره قیلگن. لولاش تومنی، فاریاب مرکزی میمنه شهریدن قریب ۱۱۰ کیلومتر اوزاقده جایلشگن؛ لیکن ستندرد سرکلری یوقلیگی، بو تومننی فاریابنینگ محروم بولیملریدن بیریگه اَیلنتیرگن.
کابل شهری یشاوچیلریدن قطارینینگ ایتیشلریچه، سونگی کونلر کچالو و پمیدار کبی کوپ فایدهلنیلهدیگن سبزهواتلر قیمتی کوپهیب و بو وضعیت اولرنی قیینچیلیک بیلن روپهره قیلگن.
بیرلشگن ملتلر تشکیلاتینینگ مهاجرلر ایشلری بوییچه عالی کمیسیاری، جاپان مهاجرلرنی قوللب-قوتلش اوچون افغانستان گه ایکی میلیون دالر یاردم کورستگنیدن خبر بیردی. اوشبو اداره، بوگون (۲۰ حوت/۱۱ مارچ، چهارشنبه) بیر بیانیه ترقهتیب، بو مقدار پول ایران و پاکستاندن قیتگن مهاجرلرنینگ احتیاجلرینی تأمینلش بولیمیده صرفلنیشینی معلوم قیلگن.
یاشلردن بیر قطاری «بلبل» دستورینی توزهتیش بیلن، دینی، معلوماتلی، هنری و رمان کتابلرینی سیسلی شکلده تینگلاوچیلر اینیقسه یاشلر و بالهلر اختیاریگه قویگنلر. مذکور دستورنی توزهتگنلرنینگ سلاموطندارگه ایتیشلریچه، فایدهلنووچیلر اوشبو دستورنی دانلود قیلیش بیلن حتا ایش، هیداوچیلیک یا-ده کوندهلیک فعالیتلرینی بجریش وقتیده هم کتابگه قولاق سالیب و اوندن بیلیم همده مهارتلرینی آشیریش اوچون فایدهلنه آلهدیلر.
هرات شهریده بیر عیال، تورلیخیل ترشی تیارلش و اونی بازار گه چیقریش بیلن، عایلهسینینگ نیازلرینی تامین قیلهدی. ۱۰ ییل آلدین اوییده ترشی تیالش بولیمیده ایشگه باشلهگن ثریا قربانینینگ ایتیشیچه، هر هفته قریب ۲۰۰ کیلوگرام ترشی تیارلب و بازار گه چیقرهدی.
اسلام امیرلیگی و عمان تشقی ایشلر وزیری بدر بن حمدالبوسعیدی، تلفونی سوزلشدی. تشقی ایشلر وزیرلیگی، بوگون (۲۰ حوت/۱۱ مارچ، چهارشنبه) ایکس صحیفهسیده بیر بیانیه ترقهتیب، تامان اوشبو تلفونی علاقهده افغانستان و عمان مناسبتلری مستحکملنیشی، منطقه اینیقسه امریکا و اسرائیل بیلن ایران اوروشی حقیده بحث ایتگنلرینی بیلدیرگن.
بیرلشگن ملتلر تشکیلاتینینگ افغانستان بولیمی بالهلرنی قوللب-قوتلاوچی صندیغی (Save the Children)، اسلام امیرلیگی و پاکستان اورتهسیدهگی توقنشوولرده مینگلب باله آواره بولیب و بو صندیقنینگ ایشلری گه سلبی تأثیر قویگنینی بیلدیرگن.
فراه امنیه قوماندانلیگی سوزلاوچیسینینگ ایتیشیچه، اوشبو ولایت گلستان تومنیده خوفسیزلیک کوچلری آرقهلی بیر ایرکک تورموش اورتاغینی اولدیریش عیبی بیلن قولگه آلینگن.
