ارگ، ۵-قوس، دوشنبه کونی ایکس صحیفه‌سیده بیر بیانیه ترقه‌تیب یازیشیچه، شویگو بو موضوع‌نی اسلام امیرلیگی باش وزیری‌نینگ سیاسی اورین باسری محمدعبدالکبیر بیلن اوچره‌شووده بیان قیلیب و روسیه افغانستان سرپرست حکومتی بیلن سودا و اقتصادی مناسبتینی کېنگه‌یتیریش گه علاقه‌مندلیگینی بیلدیرگن.
ملی مدافعه وزیرلیگی سرپرستی محمدیعقوب مجاهد، روسیه یوقاری مرتبه‌لی هیئتی بیلن اوچره‌شگن. اسلام امیرلیگی ملی مدافعه وزیرلیگی، ۵-قوس، دوشنبه کونی ایکس صحیفه‌سیده بیر بیانیه ترقه‌تیب، بو وزیرلیک سرپرستی محمدیعقوب مجاهد، روسیه خوفسیزلیک کینگشی کاتبی سرگی شویگو باشچیلیگیده هیئتی بیلن اوچره‌شگن.
اسلام امیرلیگی سرپرست حکومت تشقی ایشلر وزیرلیگی، روسیه جمهور باشلیغی‌نینگ افغانستان ایشلری بوییچه مخصوص وکیلی ضمیرکابلوف‌نینگ بو وزیرلیک سرپرستی بیلن اوچره‌شووی حقیده ترقه‌تگن بیانیه‌سیده، اوشبو اوچره‌شووده تورلی مسئله‌لر اینیقسه ایکّی تامانلمه مناسبت‌لرنی مستحکم‌لش مسئله‌سی بحث گه آلینگنینی اېتگن.
افغانستان برق یېتکزیش شرکتی، میلادی ۲۰۲۵-ییل اوچون تاجیکستان‌دن برق ساتیب آلیش شرطنامه‌سی امضالنگنیدن خبر بیرگن. اوشبو اداره، بوگون (۵-قوس، دوشنبه) ایکس صحیفه‌سیده بیر بیانیه ترقه‌تیب، میلادی ۲۰۲۵-ییل اوچون تاجیکستان‌دن برق ساتیب آلیش شرطنامه‌سی امضالنگنینی معلوم قیلگن.
اسلام امیرلیگی ساغلیق‌نی سقلش وزیرلیگی، مملکت‌نینگ ۱۱ ولایتیده باله‌لر فلجی (پولیو) گه قرشی اېملش کمپاینی باشلنگنیدن خبر بیرگن. اوشبو وزیرلیک بوگون (۵-قوس، دوشنبه) ایکس صحیفه‌سیده بیر بیانیه ترقه‌تیب، مملکت‌نینگ ۱۱ ولایتیده پولیو گه قرشی اېملش کمپاینی باشلنگنینی معلوم قیلگن.
خلق‌ارا یېتکرمه‌لرنینگ معلوماتی اساسیده، حزب‌الله لبنان ۴-قوس، یک‌شنبه کونی ۳۰۰ دن آرتیق راکته بیلن اسرائیل گه هجوم اویوشتیرگن و بو راکته‌لردن بیرقطاری اسرائیل پایتختی بیروت‌ده توشگن. بو هجوملر عاقبتیده تل‌آویو یقینیده‌گی حدودلرده چمه‌سی ییتّی کیشی یره‌لنگن.
میکروب گه قرشی کوره‌ش خلق‌ارا هفته‌سی کونی یکونیده، سرپرست حکومت ساغلیق‌نی سقلش وزیرلیگی مسئوللری، مملکت‌ده دارولرنی اۉز باشیمچه‌لیک و ترتیب‌سیز استعمال قیلیش کوپه‌یشی، دارولرنینگ تأثیرسیز بولیشی و میکروب‌لرنینگ دارولر برابریده چیده‌ملیگی بولیشی گه سبب بولگنینی اېته‌دیلر.
سلام‌وطندارنینگ، ۱۷ قیز و ۱۳ اوغیل شامل ۳۰ اوقووچی و طلبه بیلن اۉتکزگن صحبتی اساسیده، یاشلر آنلاین اوقیش اوچون کوپ قیینچیلیک‌لر بیلن دوچ بولگنلر.
تورکیه جمهور باشلیغی رجب طیب اردوغان، ۳-قوس، شنبه کونی اوشبو مملکت‌نینگ استانبول شهریده «آتاتورک» قونالغه‌سیده نادولتی نهادلرنینگ تورتینچی ییغیلیشیده حضور تاپیب، خلق‌ارا جنایی محکمه‌نینگ اسرائیل رسمی‌لریدن بیرقطاری اینیقسه بو مملکت باش وزیری بنیامین نتانیاهو و مدافعه وزیری یوآو گالانت گه نسبتن چیقرگن حکمینی قۉللب-قوتلشینی اېتگن.
سلام‌وطندارنینگ فابریکه‌لرده‌گی ۴۰ ایشچی عیال بیلن اۉتکزگن صحبتی اساسیده، آغیر و مشقتلی ایش، آز معاش و ایش مصوونیتی یوق‌لیگی، اوشبو عیاللرنینگ اساسی قیینچیلیک‌لری بولگنیدن درک بیره‌دی. بو عیاللر رسمی شرطنامه امضاله‌گن بولمسه‌ده، بیراق کابل‌ده ایشخانه‌لر، فیرمه‌لر و شرکت‌لرده کونده‌لیک ایشله‌یدی و برچه‌سی ایشلریدن ناراض دیر.
شفاکارلردن قطاری‌نینگ سلام‌وطندار گه ایتیشلریچه، جوانی‌دانه تشویش، موسومی اوزگریشلر، حیض کوریش، هورمونی اوزگریشلر و توغری آوقتلنمسلیک کبی سبب‌لر طفیلی قیزلرگه چیقه‌دی. اولرنینگ کوپه‌یتیریشلریچه، جوانی‌دانه کوپراق ۹-۲۵ یاش آره‌سیده بولگن قیزلرگه چیقه‌دی.
مملکت صناعت وسودا وزیرلیگی مسئوللری، افغانستان‌لیک سوداگرلرنینگ چین‌دن یوکلنگن سودا توارلری اقتصادی قۉشمه دهلیز آرقه‌لی بلخ ولایتی گه یېتیب کېلگنینی اېته‌دیلر. برق، موتر جهازلری، کییم پارچه‌لریدن عبارت اوشبو سودا توارلری، بوگون (۳-قوس، شنبه) ۵۵ کانتینرده قرغیزستان و اۉزبېکستان یوللری بیلن بلخ گه یېتیب کېلگن.
قندوز ولایتیده کوچلی سوو تاشقینی، اوشبو ولایت بیرقطار یشاوچیلری گه کوپنیچه نقصان یېتکیزگن. قندوز ولایتی دشت‌ارچی تومنی یشاوچیسی ارباب هاشم گه کوره، ۲-قوس، جمعه کونی بامداد پیتی یوز بیرگن دهشتلی سوو تاشقینی، اۉزی شامل اوشبو تومن کوپنیچه یشاوچیلری گه آغیر زیان یېتکیزگن.
تورکمنستان تشقی ایشلر وزیرلیگی بیر بیانیه ترقه‌تیب، بو مملکت تشقی ایشلر وزیری‌نینگ اورین باسری سردار محمد دوردیوف و چین‌نینگ افغانستان اوچون وکیلی یوشیائو یونگ، ایکّی تامانلمه اوچره‌شووده افغانستان اقتصادی یخشی‌لنیشی اوچون بو دولتلر افغانستان‌دن حمایت‌لری گه دوام بیریش‌لریدن ایشانچ بیرگنلر.
بغلان ولایتی نهرین تومنیده «سیدپادشاه آغا» زیارتگاهیده ۱۰ کیشی اوققه توتیلیب اولدیریلیشیدن سۉنگ، اسلام امیرلیگی سۉزلاوچیسی، مذکور واقعه جنایتچیلری قولگه آلینیش وعده‌سینی بیرگن. مجاهد جنابلری، سلام‌وطندار بیلن اۉتکزگن صحبتیده، اسلام امیرلیگی کوچلری بونده‌ی «جنایت‌لر» گه توسیق بولیشیدن ایشانچ بیرگن.
فاریاب‌ده افغان قیزیل آی جمعیتی ریاستی، اوشبو ولایتده محتاج و سرپرست‌سیز، ناگران همده قۉشنی مملکتلردن اولکه گه قیتگن ۷۰۰ عایله گه نقد پول یاردم بیرگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
