جاری قویاش ییلنینگ باش ایکی آییده، غزنی ولایتی تورلی بولیملری جملهدن شهر اطرافیده، قوریلیش و قیته قوریلیش لایحهلر ایشی باشلنگن که، مذکور لایحهلر ایشی کوپراق سرک قوریلیش بولیمیده دوام قیلیب و نارنجی کییملی ایشلاوچیلرینینگ فعالیتی، غزنی یشاوچیلریگه آبادانچیلیک و ترقیات وعدهسینی بیرهدی.
افغانستاننینگ بیر قطار منطقهلریده، عیاللر اقتصادی ترقیات و جمعیتنینگ رواجلنیشیده اونملی رول اوینهیدی. پنجشیر ده عیاللر لبنیات پروسس قیلیش توغریسیده عایلهلریدهگی ایرککلر بیلن همکارلیک قیلیب، عایلهلر اقتصادیده کوپینچه حصه قوشگنلر. اولر تورلیخیل محصوللرنی ایشلب چیقریش بیلن نه فقط عایلهلرینینگ کوندهلیک نیازلرینی تامینلش گه یاردم بیرهدیلر، بلکیم درآمد قولگه کیلتیریش بیلن یشش شرایطیده ایجابی اوزگریشلرنی یرهتگنلر.
اروپا اتفاقی انسان سیورلیک یاردملرینینگ ایککینچی پاکتی، کابل خلقارا هوا قونالغهسیده یېتیب کېلگن. اروپا اتفاقینینگ یقین شرق، جنوب و غرب همده مرکزی آسیا بولیمی مسئولی آندرس پاپا کنستانتینو، ایکس صحیفهسیده بیر بیانیه ترقهتیب، بو یاردملر ۲۷-جوزا، سهشنبه کونی کابل گه یېتیب کېلگنینی معلوم قیلگن.
سلاموطندارنینگ تېکشیرولری اساسیده، حیات اوچون خوف و کم امتیازلر گه قرهمهی؛ یاشلر ایش امکانیتلری یوقلیگی سببلی، مسلک متخصصلیک طلب قیلمهیدگن کان ایشلری گه کیریش گه مجبور بولیشماقده؛ بو اېسه اولرنینگ حیاتی اوچون خوفلی بولیشی ممکن.
اسلام امیرلیگی کانلر و پترولیم وزیرلیگی، «آفچین» چین شرکتی بیلن آمو دریا نفت کانینی قیدیریش و قازیب چیریش بوییچه شرطنامهسی بیکار قیلینگنیدن خبر بیردی.
حج، بو اعتقاد و بندهلیکنینگ اولوغوار بیرهمی همده اسلامنینگ بیشینچی رکنی دیر هر ییلی و دنیا بویلب میلیونلب مسلمانلرنی اللهنینگ اویی گه چارلهیدی، بو مقدس مراسم مسلمانلر اوچون بوتون دنیانینگ تورلی بورچکلریدن وحی یورتینینگ چوللریده توپلنیب، اۉز اعتقاد و بندهلیک عهدینی ینگیلش امکانیت دیر.
قۉشنی مملکتلر جملهدن پاکستان و ایراندن جبری یاکه اۉز اېستهگی بیلن قیتگن یشاوچیلردن بیرقطاری، ایشسیزلیکدن نالیب و اسلام امیرلیگی ایش زمینهسی یرهتیلیشینی سورهگنلر.
صناعت وسودا وزیرلیگی سرپرستی نورالدین عزیزی اوتگن کون تاشکینت خلقارا تورتینچی ییغیلیشی یانیده، اۉزبیکستان سرمایه یاتقیزیش، صناعت و سودا وزیری لذیذ قدیروف بیلن اوچرهشیب، افغان – اۉزبېک امتیازلی سودا شرطنامه امضالهگن.
سرپل ولایتی محلی مسئوللری، هییت اوچ کونیده ۳۰ مینگدن آرتیق کیشی اوشبو ولایتنینگ جاذبهلی جایلرینی یقیندن کېلیب کورگنلرینی معلوم قیلهدیلر. سرپل ولایتی معلومات و مدنیت ریاستینینگ فرهنگ و سیاحت ایشلری بوییچه آمری عبدالمالک بلوچ گه کوره، بو ولایتنینگ کورکم طبیعتی، مناسب آب و هواسی ایچکی سیاحلرنینگ دقتینی اۉزیگه تارتگن.
هرات مخابرات و تکنالوژی معلوماتی مسئوللری، اوشبو ولایتنینگ کرخ اولسواللیگیده ۴۵ کیلومتر اوزونلیگیده «نوری فایبر» لایحه ایشی باشلنگنینی معلوم قیلهدیلر.
اسلام امیرلیگی باش وزیرینینگ اداری اورین باسری عبدالسلام حنفی، کابل ده چین ایلچیسی جاو شینگ تامانیدن توقیزینچی چین-جنوبی آسیا کورگزمهسیگه شرکت قیلیشگه چقیریلگن.
اوشبو وزیرلیک، بوگون (۱۴-جوزا، چهارشنبه) ایکس صحیفهسیده بیر بیانیه ترقهتیب، مالیه وزیرلیگینینگ پالیسی معینی سلطانمحمد زبیر، یوناما باشلیغی روزا اوتونبایوا بیلن اوچرهشگنیدن خبر بیرگن. بیانیه اساسیده، ایکّی تامان انسان سیورلیک یاردملر، ترقیاتی و مالی کیچک لایحهلر حمایت اېتیلیشی و خلقارا نهادلر بیلن علاقه قوریش مسئلهلری حقیده بحث اېتگنلر.
قندهار ده دهقانلر حاضر کوکنار اورنیده قولوپنای (ییر توتی) ایکیش گه یوز کیلتیریب و اوشبو ولایت مرکزی و تومنلریده قولوپناینینگ ایکیلیشی کوپهیگن. قندهار دهگی دهقانلر مذکور محصولنینگ ایکیلیشیدن خورسندلیک بیلدیریب و اونی باشقه ایکینچیلیک محصوللرگه قرهگنده فایدهلی بیلهدیلر.
پنجشیر ولایتی محلی مسئوللری، اوشبو ییلده ۱۰۰ تُندن آرتیق گیلاس اۉزبېکستان، قرغیزستان و روسیه گه صادر قیلینیشینی اېتهدیلر.
اسلام امیرلیگی فواید عامه وزیرلیگی، سالنگ یونهلیشینینگ یریم قالگن ایشلرینی اساسی شکلده قیته قورهدی و بو یونهلیش قربان هییت بیرهمیدن سۉنگ بوتون یوک تاشووچی موترلر یوزیگه یاپیلیشینی معلوم قیلهدی.
فواید عامه وزیرلیگی، قویاش ۱۴۰۴-ییل ثور آییده مملکت تیمیر یوللری آرقهلی ۳۳۲ مینگ ۸۳۷ متریک تُن توار، آلیش-بیریش بولگنینی معلوم قیلگن.
