اوشبو وزیرلیک، ۳۰-میزان، چهارشنبه کونی بیر بیانیه ترقهتیب، اوشبو قویاش ییلده مملکت مقیاسیده ۶۸۱ متریک تُن ییر توت یېتیشتیریلگن و اوتگن ییل گه قرهگنده ۹ فایز کوپهیگنیدن خبر بیرگن. ایکینیچلیک، سوغاریش و چاروهچیلیک وزیرلیگینینگ بیانیهسیگه کوره، قویاش ۱۴۰۴-ییلده مملکت آلتی ولایتیده جمعی بیر مینگ ۸۱ هکتار ییرده ییر توت ایکیلگن و اېنگ کوپ بلخ، هرات و ننگرهار ولایتلریدن ییر توت ییغیلگن.
اسلام امیرلیگی ایکینیچلیک، سوغاریش و چاروهچیلیک وزیرلیگی، اوشبو قویاش ییلده بغلان ولایتیده شالی ایکیلهدیگن ییرلر و حاصلی، اوتگن ییل گه قرهگنده کوپهیگنینی معلوم قیلگن. اوشبو وزیرلیک، ۳۰-میزان، چهارشنبه کونی بیر بیانیه ترقهتیب بو حقده خبر بیرگن. بیانیه گه کوره، اوشبو قویاش ییلده بغلان ولایتیده ۲۸ مینگ ۷۲۰ هکتار ییرده شالی ایکیلگن و بو ییرلردن ۱۲۰ مینگ ۶۲۴ متریک تُن گوریچ (برنج) حاصل آلینگن.
اسلام امیرلیگی باش وزیرینینگ اقتصادی اورین باسرلیگی گه کوره، افغانستان توپراغیده تاپی لایحهسی عملی ایشی حاضرگه قدر ۱۴ کیلومتر آلغه بارگن و باشقه ۷۰ کیلومتری لوله قوندیریش اوچون تیارلنگن. اوشبو اداره، ۲۸-میزان، دوشنبه کونی بیر بیانیه ترقهتیب، اسلام امیرلیگی باش وزیرینینگ اقتصادی اورین باسری عبدالغنی برادر و تورکمنستان ملی رهبری قربانقلی بیردی محمدوف، افغانستان توپراغیده تاپی لایحهسی عملی ایشینی یقیندن کوزهتگنلرینی بیلدیرگن.
افغانستان و پاکستان اورتهسیده حربی توقنشوولردن سۉنگ، اوتگن هفته جمعه کوندن بیری تورخم، اسپینبولدک، دندپتان، غلامخان و انگور اده چېگره بندرلری سودا توارلری و ترانزیت یوزیگه یاپیلگن.
اسلام امیرلیگی ایکینچیلیک، سوغاریش و چاروهچیلیک وزیرلیگی، اوشبو قویاش ییلده بیر میلیون ۳۲۲ مینگ متریک تُن تروز (تربوز) یېتیشتیریلگنیدن خبر بیرگن.
هرات ده «آرمین فارما» کارخانه مسئوللرینینگ ایتیشلریچه، اوشبو شرکت ۹ آی آلدین سکیز میلیون دالر سرمایه بیلن اوز فعالیتینی باشلهگن.
ایکینچیلیک، سوغاریش و چاروهچیلیک وزیرلیگینینگ احصائیه و معلومات ریاستی معلوماتی اساسیده، مملکت مقیاسیده انجنیر حاصلی ۳۵ فایز آشگن. اوشبو وزیرلیک، ۲۶-میزان، بیر بیانیه ترقهتیب بو حقده خبر بیردی. ایکینچیلیک، سوغاریش و چاروهچیلیک وزیرلیگینینگ بیانیهسیگه کوره، اوشبو قویاش ییلده مملکت مقیاسیده ۱۵۱ مینگ ۷۵۴ متریک تُن انجیر حاصل آلینگن.
افغانستان برق یېتکزیش شرکتی (برشنا)، افغانستان گه اۉزبېکستاننینگ وارداتی برقی یریمدن کوپ کمهیگنینی بیلدیردی.
تخار ولایتی سوو و برق ریاستی مسئوللری، اوشبو ولایتده «کوکچه برق توغانی»نینگ قوریلیش تخنیکی ایشلری باشلنگنیدن خبر بیردیلر.
چین ییر شناسلری دنیا علم-فن جماعتچیلیگینی حیرت گه سالگن کشفیات حقیده معلوم قیلدی. یېتکرمهلرنینگ معلوماتی گه کوره، چیننینگ هونان ولایتیده دنیادهگی اېنگ کتته «آلتین» کانی تاپیلگن. دستلبکی حساب-کتابلر گه کوره، ییر آستیده بیر مینگ ۱۰۰ تنگچه آلتین موجود بولیشی ممکن. بو مقدار حاضرگی بازار نرخلریگه کوره، تخمیناً ۸۳ میلیارد امریکا دالری قیمتیگه تینگ. چین دولت یېتکرمهلری گه کوره، کشفیات پینگجیانگ شهری وانگو کانی حدودیده عملگه آشیریلگن.
اسلام امیرلیگی ایکینچلیک، سوغاریش و چاروهچیلیک وزیرلیگی، اوشبو قویاش ییلده ۷۴ مینگ ۴۷۶ هکتار ییرده قاوون ایکیلگنینی بیلدیردی.
اسلام امیرلیگی فواید عامه وزیرلیگی مسئوللری، آقینه-اندخوی اورتهسیده ۱۰ کیلومتر اوزونلیکده «تیمیر یول» قوریلیش ایشی باشلنگنینی معلوم قیلدیلر. فواید عامه وزیرلیگینینگ تیمیر یول ایشلری بوییچه اورین باسری محمداسحاق صاحبزاده گه کوره، آقینه-اندخوی تیمیر یولی مهم و حیاتی لایحهلردن بولیب و ایشی اندخوی تیمیر یول اسیتیشنیدن باشلنیب و اندخوی گچه دوام اېتهدی.
ایران و پاکستاندن حجتسیز مهاجرلرنی مجبوری شکلده چیقریش جریانی کوچهیگنیدن سۉنگ، اسلام امیرلیگی اقتصادی اورین باسرلیگی قویایش ۱۴۰۴-ییل، ۱-ثور کونی، سپینبولدک تومنیده چیقریب یوباریلگن مهاجرلر بیلن اوچرهشووده، اولر اوچون ایش امکانیتلری و ضرور چارهلر یرهتیلیشینی معلوم قیلگن.
ساغلیقنی سقلش وزیرلیگی دوشنبه کونی کابلده «انقراض و فوقالعاده وضعیتلرده روحی سلامتلیک خذمتلریگه کیریش – عمومی استوارلیک» شعاری آستیده خبردارلیک دستورینی اوتکزدی.
بدخشان ایکینچیلیک، سووغاریش و چاروهچیلیک ریاستینینگ اعلام قیلیشیچه، «حیات اوچون خلقارا ریشه» موسسهسی همکارلیگی بیلن، اوشبو ولایت شهدا، جرم و بهارک تومنلریده ۲۰۰ ایکینچیگه تعلیمی ۱۹ ته ایسیقخانه قورگن. مذکور ایسیقخانهلر «اوی باغچهلری» لایحهسی دایرهسیده قوریلیب و فایدهلنووچیلرگه سبزهوات اوروغلری ترقهتیلیشیگه علاوه، کیمیاوی کود، ایش اوسکونهلری، نظری و عملی تعلیملر هم کورسهتیلهدی.
اسلام امیرلیگی احصائیه و معلومات ملی ادارهسی، افغانستاننینگ صادراتی قویاش ۱۴۰۴-ییلنینگ سنبله آییده، ۸۴.۹ میلیون دالر گه آشکنینی بیلدیردی.
