اسلام امیرلیگی یوقاری مرتبهلی هیئتی، تاشکینت خلقارا ییغیلیشیده اشتراک اېتیش مقصدیده اوشبو مملکت گه جونب کېتدی. صناعت و سودا وزیرلیگی، بوگون (۱۹-جوزا، دوشنبه) ایکس صحیفهسیده بیر بیانیه ترقهتیب، بو وزیرلیک سرپرستی نورالدین عزیزی باشچیلیگیده اسلام امیرلیگی یوقاری مرتبهلی هیئتی اۉزبېکستان گه جونب کېتگنینی معلوم قیلگن.
پنجشیر ولایتی محلی مسئوللری، کابللیک اوچ کیشی، اوشبو ولایتنینگ دریاسیده سوو ده سوزیش پیتیده چوکیب کېتگنلرینی معلوم قیلهدیلر. پنجشیر امنیه قوماندانلیگی سۉزلاوچیسی حقمل سعد گه کوره، بو اوچ کیشی ۱۸-جوزا، یکشنبه کونی مذکور ولایتنینگ بیرینچی امنیتی حوزه حدودلری «جنگلک» منطقهسیده دریاده چوکیب کېتگنلر.
تورکیه پولیسینینگ اعلام قیلیشیچه، «چاناققلعه» شهری ساحللری یقینیده ۱۸ افغانستانلیک قاچقین قولگه آلینگن. تورکیه ییتکرمهلرینینگ گزارش بیریشیچه، قولگه آلینگنلر آرهسیده آلتی باله هم شامل دیر.
ایران مجلسی ایچکی کمیسیون اعضاسی علیاصغر نخعیرادنینگ ایتیشیچه، اوتگن سکیز آیده قریب بیر میلیون ناقانونی افغانستانلیک قاچقین ایران دن چیقریلگن.
«مرسی کورپس» نادولتی تشکیلاتی، کابل ده ییر آستی سوو منبعلریدن فایدهلنیش مقداری، طبیعی روشده تامینلنیش مقداریدن کوپ بولگنی و مذکور شهریدهگی سوو قودوقلرینینگ قریب یریمی قوریب قالگنیدن خبر بیرگن.
اسلام امیرلیگی رهبری شیخ هبتالله آخوندازده، قندهار شهری عیدگاه مسجدیده قربان هییتی نمازیدن کیینگی نطقیده ایتیشیچه، تجربهلر اساسیده دموکراتیک توزومینینگ مملکتده فایدهلی بولمهگنی بیرحالده، بعضیلر ینه افغانستان ده بو توزومنینگ قیتیشی اوچون یولنی آچیشگه سعیوحرکت قیلماقده.
اسلام امیرلیگی باش وزیری محمدحسن آخوند، قربان هییتی نمازیدن کیین ارگ ده قیلگن نطقیده افغانستان بویلب عمومی کیچیریم رعایت بولگنینی بیان قیلیب و تشقی مملکت گه کیتگن برچه افغانستانلیکلردن، مملکت گه قیتیشلرینی ایستهگن.
افغانستان فوتبال فدراسیونینینگ اعلام قیلیشیچه، ۲۰ یاشنی تولدیرمهگن تیرمه جماعهسی، آسیا مرکزی فوتبال رقابتلری (کافا)، گه شرکت قیلیش اوچون تاجیکستان پایتختی دوشنبه شهریگه بارگنلر.
افغانستان ده بیرلشگن ملتلر تشکیلاتینینگ اورینباسرلیک ادارهسی (یوناما)، قربان هییتی توغریسیدهگی بیر پیامیده، بو مناسبتنی «چقور یرهشوو و بیردملیک لحظهسی» دیب، اوشبو هییت افغانستان اهالیسینی کوپینچه شفقت، برقرار تینچلیک و یخشیراق کیلهجکنی قوریش اوچون ینگی تعهد تامان آلیب باریشیگه امیدوارلیک قیلگن.
اسلام امیرلیگی سوزلاوچیسی ذبیحالله مجاهدنینگ ایتیشیچه، قربان هییت نمازی اسلام امیرلیگی رهبری شیخ هبتالله آخوندزادهنینگ امامتی بیلن قندهار شهری عیدگاه مسجدیده اوقیلگن.
صناعت و فرهنگ یورتی بولمیش هرات ده، بیر قطار قیزلر قلم و رنگ بیلن حیاتلری یولیگه ینگی رنگ و معنا نی بیریشگه قرار آلگنلر. اولرنینگ ایتیشلریچه، مالی و عایلهوی حمایتلری بولمهگنی بیلن، صناعتی بیر گالری آچگنلر که بو ییرده، هم نقاشلیکنی اورگنهدیلر و همده دیوارلرگه رنگ-برنگ چیرایلی دیزاینلرنی چیزهدیلر.
اسپانیانینگ مانزانارس فوتسال کلوبیگه کوره، افغانستاننینگ فوتسال ملی تیرمه جماعهسی اویینچیسی مهران غلامی، رسمی شکلده مذکور جماعه گه قوشیلگن. مذکور کلوب ۱۵-جوزا، پنجشنبه کونی بیر بیانیه ترقهتیب یازیشیچه، غلامی شرطنامه اساسیده ۲۰۲۶-۲۰۲۷ ییلی یکونلنیشیگه قدر مانزانارسگه قوشیلگن.
اسلام امیرلیگی تشقی ایشلر وزیرلیگی سرپرستی امیرخان متقی، کابل ده اندونیزیا ایلچیخانهسینینگ ینگی شارژدافیری نندا ایوالیست بیلن اوچرهشگنیده، افغانستان سرپرست حکومتینینگ اندونیزیا بیلن ایجابی مناسبتلرنی کینگهیتیریشگه بولگن قیزیقیشیگه تاکید قیلگن.
ایچکی ایشلر وزیرلیگینینگ عامه خوفسیزلیگی بوییچه پولیس ریاستیگه کوره، هییت کونلریده اهالی امنیتینی تامینلش اوچون افغانستان بویلب مخصوص امنیتی تدبیرلر قولگه آلینگن.
هرات ده نسایی-ولادی شفاکارلریدن قطارینینگ سلاموطندار گه ایتیشیچه، اوشبو ولایتده عیاللردن قطاری بچهدان میکروبی بولیشی، تخمدان کیستی و حیض کوریش جریانیدهگی آغریقلر کبی تورلی کسللیکلرنی دوالش اوچون اوسیملیک دارولردن فایدهلنهیلر.
کچالو، بوغدای، تورلی خیل غله، سبزهوات و بومی اوزوملر ییتیشتیریلیشی اوچون تانیلگن پروانده بیر باغدار، نادر و غیرمعمول اوسیملیک تورلرینی هم ییتیشتیریش گه اولگورگن؛ جملهدن درخت قاوونی، پروان ساووق هواسی بیلن عادی شرایطده ماس بولمهگن میوه دیر، بیراق اوشبو باغدار جاینی عقللی تنلش، محافظتیده پوششلردن فایدهلنیش و اونینگ ییتیشتیریش اوچون ییرنی ماسلشتیریش گه موفق بولگن.
