تخار ده آلتی میلیون افغانیلیک یولاوچی بیر ترمینل آچیلدی
تخار ولایتی ترانسپورت مسئوللری، اوشبو ولایت مرکزی تالقان شهری شرقی ده آلتی میلیون افغانیلیک یولاوچی بیر ترمینل آچیلگنیدن خبر بیرهدیلر.
تخار ولایتی ترانسپورت مسئوللری، اوشبو ولایت مرکزی تالقان شهری شرقی ده آلتی میلیون افغانیلیک یولاوچی بیر ترمینل آچیلگنیدن خبر بیرهدیلر.
افغان قیزیل آی جمعیتی مسئوللری، سۉنگی بیر ییلده مملکت نینگ تورلی ولایتلریده طبیعی آفتلر طفیلی زیان کورگن بیر میلیون ۴۳۰ مینگ ۳۶ کیشی گه یاردم بیرگنلرینی معلوم قیلهدیلر. مذکور نهاد سۉزلاوچیسی مدثر همراز گه کوره، اوشبو کیشیلر گه آزیق-آوقت و نقدی یاردم کورسهتیلگن.
جوزجان ولایتی قاچقینلر ریاستی مسئوللری، اوشبو ولایتده ۱۶ میلیون افغانیلیک قالین توقیش و پروسس قیلیش بیر مرکز نینگ تمل تاشی قوییلگنینی معلوم قیلهدیلر. جوزجان ولایتی محلی مسئوللری، بو اداره همکار موسسهلر نینگ مالی یاردمی بیلن اوشبو ولایت نینگ آقچه تومنی «نوآباد» قیشلاغیده ۱۶ میلیون دن آرتیق افغانی عوضی گه، قالین توقیش و پروسس قیلیش بیر مرکز نینگ تمل تاشی قوییلگنینی اېتهدیلر.
بیرلشگن ملتلر تشکیلاتی باش کاتبی سۉزلاوچیسی استفان دوجاریک، آنتونیوگوترش دایکندی ولایتی سنگتختوبندر تومنیده ۱۴ تینچ اهالی نینگ هلاک بولیشینی قارهلهگنینی اېتگن.
سرپرست حکومت معلومات و مدنیت وزیرلیگی ۲۳-سنبله، جمعه کونی ایکس صحیفهسیده بیر بیانیه ترقهتیب، بو وزیرلیک سرپرستی خیرالله خیرخواه، روسیه نینگ سنتپترزبورگ شهریده «فرهنگلر اتحادی» ییغیلیشی یانیده، قۉشنی اۉزبېکستان مدنیت وزیری آزاد بیک نظر بیکاوف بیلن اوچرهشیب، ایکّی مملکت نینگ مذهبی، تاریخی و فرهنگی مناسبتی حقیده بحث اېتگنینی یازگن.
۲۰۲۴-ییل خلقارا فوتسال کپی ۱۰-دور مسابقهلری بوگون (۲۴-سنبله، شنبه) اۉزبېکستانده تورت مسابقه اۉتکزیلیشی بیلن باشلنهدی. اۉرته آسیا ده اۉزبېکستان میزبانلیگی بیلن اۉتکزیلیشی ریجهلشتیریلگن اوشبو مسابقهلرده دنیا بویلب ۲۴ جماعه یول تاپگن. بو مسابقهلرده فوتسال جماعهلری، تورت جماعهلیک آلتی گروه ده بیر-بیری بیلن بیللهشهدیلر.
طبیعی آفتلرنی باشقریش ایشلری بوییچه دولت وزیرلیگی نینگ اعلام قیلیشیچه، تورکمنستان افغانستان گه ۹۳۰ تُندن آرتیق انسانپرورلیک یاردم یوبارگن. اوشبو وزیرلیک نینگ ایتیشیچه، مذکور یاردملر ۱۹۸ تُن بوغدای، ۱۵ تُن الکولسیز ایچیملیک، ایکی مینگ پاکت بالهلر آزیق-آوقت محصولاتی، ۱۹۵ تُن کیمیاوی کود…
دایکندی ده محلی منبعلر، اوشبو ولایت سنگتختوبندر تومنیده ناتانیش قوراللی کیشیلر آرقهلی، قوراللی هجوم اویوشتیریلگنیدن خبر بیرگنلر. منبعلر گه کوره، اوشبو هجوم اوتگن کونی سنگتختوبندر تومنی و غور ولایتی آرهسیدهگی چیگره حدودلریده یوز بیریب و نتیجهده، کمیده ۱۲ کیشی اولیب و تورت کیشی ایسه یرهلنگن.
کاپیسا معارف ریاستی مسئوللری نینگ ایتیشلریچه، مذکور ولایت نجراب تومنی نینگ «آهنگران» قیشلاغیده، «خالد ابن ولید» آتیده بیر مکتب قوریلگن.
کابل بلدیهسی مسئوللری بوگون (پنجشنبه، ۲۲-سنبله)، امارتی ادارهلر نینگ بیر ییللیک یوتوقلرینی بیان قیلیش برنامهسیده ایتیشلریچه، اوشبو اداره اوتگن بیر ییلده کابل ده ۱۲۵ کیلومتردن آرتیق ینگی فرعی و عمومی سرک قورگن.
سلاموطندار نینگ مملکتده ۲۲ ایشچی عیال بیلن اۉتکزگن صحبتی اساسیده، بو عیاللر باشقهلر نینگ اویی ده قیین و آغیر ایشلرنی تحمل قیلماقده اېکن، بیراق حقوقلری آزلیگی و ایش بویروچیلر نینگ اولر بیلن یخشی یاندهشمسلیگیدن نالیدیلر. اولردن بیرقطاری اقتصادی قیینچیلیک طفیلی شاقه ایشلرنی قیلیش گه مجبور؛ لېکن عایله اعضالری نینگ حتا دستلبکی احتیاجلرینی تأمینلش اوچون یېترلی بولمهگنینی اېتهدیلر.
بلخ قاچقینلر ریاستی مسئوللری نینگ ایتیشلریچه، ایران و پاکستان دن قیتگن قاچقینلر گه ۱۲۵ یشش اوی نینگ قوریلیش ایشی باشلنگن. بلخ قاچقینلر ایشلری بوییچه باشلیغی اسدالله وفا نینگ ایتیشیچه، اوشبو یشش اویلر مذکور ولایت زارع، کلدار، چهاربولک و نهرشاهی تومنلریده قوریلهدی.
ایش یوقلیگی و اقتصادی قیینچیلیک بیلن دوچ بولگن اولکه یشاوچیلری اینیقسه یاشلر، تاپی لایحهسی ایشی آلتی ییلدن سۉنگ افغانستان توپراغیده باشلنیشینی خوش قرشیلب، اقتصاد تیکلنیشی و ایش فرصتلری یرهتیلیشی گه امید بیلدیرهدیلر.
افغانستان ده بیرلشگن ملتلر تشکیلاتی نینگ انسانپرورلیک یاردملرنی هماهنگ قیلووچی دفتری یا-ده اوچا نینگ اعلام قیلیشیچه، بریتانیا افغانستان نینگ انسانپرورلیک صندیغی گه آلتی میلیون پوند یاردم بیرگن.
خلقارا ساغلیقنی سقلش تشکیلاتی نینگ افغانستان بولیمی، افغانستان ده آزیق-آوقت خوفسیزلیگی سبب بیش یاشنی تولدیرمهگن ایکی میلیون ۹۰۰ مینگ باله نینگ توییب آوقتلنمسلیک بیلن روپهره بولگنی نی اعلام قیلگن.
تخار ولایتی ساغلیقنی سقلش ریاستی سرپرستی محمدآصف محمدی نینگ ایتیشیچه، اوتگن چهارشنبه کونی اوشبو ولایت رستاق تومنی نینگ «هزار سموچ» قیشلاغیده «کنسرن» موسسهسی نینگ مالی همکارلیگی بیلن ساغلیق بیر مرکز نینگ تمل تاشی قوییلگن.