چیگره بیلمس گزارشگرلر تشکیلاتی، اسلام امیرلیگی تامانیدن اصلی افغان بولگن فرانسهلیک خبرچی مرتضا بهبودی حبس گه آلینگنیدن خواطر بیلدیریب، اونینگ قوییب یوباریلیشی اوچون بیرلشگن ملتلر تشکیلاتی دن یاردم سورهگن. عینحالده، خبرچیلردن قطاری نینگ ایتیشلریچه، زوروانلیکلردن قورقیش اوچون، خودسانسورلیککه یوز کیلتیرگنلر.
پروان امنیه قوماندانلیگی مسئوللری نینگ سلاموطندار گه ایتیشلریچه، اوشبو ولایت مرکزی چاریکار شهری حدودلریده، بیر کیشی نامعلوم قوراللی کیشیلر تامانیدن پیچاقلهنیب اولدیریلگن.
لوگر امنیه قوماندانلیگی سوزلاوچیسی احمدالله انس نینگ سلاموطندار گه ایتیشیچه، اوشبو ولایت ده بیر یاش ییگیت قوراللی نامعلوم کیشیلر تامانیدن پیچاقلهنیب اولدیریلگن.
کابل شهری ده دوکاندارلر و رستورانت ایگهلریدن بیرقطاری، سالیق نرخی یوقاریلیگی و انیق معیارسیزلیک دن نالیب ایتیشلریچه، اولر اوستیگه کونسهیین سالیق کوپهیماقده دیر.
فاریاب دهگی منبعلر نینگ سلاموطندار گه ایتیشلریچه، اوشبو ولایت ده اوتگن اوروشلردن قالگن اوق پارتلشی عاقبتیده «عتیقالله» اسملی ۱۳ یاشر بیر باله هلاک بولگن.
فاریاب دهگی عسل اریچیلری دن قطاری نینگ ایتیشلریچه، اوشبو ولایت ده زنبوردارلیک فارمی کوپهیگن بولسه ده، بیراق فاریاب ایکینچیلیک، سوغاریش و چاروهچیلیک ریاستی، زنبوردارلرنی مسلکیلشتیریش و ظرفیتلرینی کوچلنتیریش خصوصیده حاضرگچه همکارلیک قیلمهگن.
فاریاب دهگی منبعلر نینگ ایتیشلریچه، اوشبو ولایت نینگ پشتونکوت تومنیده بیر چوپان اوغریلر تامانیدن اولدیریلگن. مذکور واقعه جمعه کونی، ۵ حوت، پشتونکوت تومنی «بلوچ شاه نادر» قیشلاغیده یوز بیرگن.
سمنگان دهگی محلی منبعلر نینگ سلاموطندار گه ایتیشلریچه، اوشبو ولایت نینگ درهی صوف بالا تومنیده قوراللی نامعلوم کیشیلر بیر شفاکارنی اولدیرگنلر. نجمالدین سهرابی اسملی مذکور شفاکار جمعه کیچه، ۵ حوت، اولدیریلگن.
اسلام امیرلیگی تامانیدن عیاللر گه یرهتیلگن چیکلاولر نینگ سلبی عاقبتی گه دایر خلقارا نهادلر نینگ هشدارلریدن کیین، بیرلشگن ملتلر تشکیلاتی نینگ انسان پرورلیک یاردملرینی هماهنگ قیلووچی دفتری (اوچا) نینگ ایتیشیچه، افغانستان میلادی اوشبو ییل ده ۴ میلیارد ۶۰۰ میلیون دالر انسانپرورلیک یاردم گه نیازمند دیر.
فاریاب ولایتی المار تومنی یشاوچیلری و سپورتچیلریدن قطاری، اوشبو تومن ده برق بیریلمسلیگی و سوو توغانی قوریلمسلیگی گه دایر ناراضیلیک بیلدیرگنلر.
بدخشان محلی مسئوللری، اوشبو ولایت ده بیر خودکش هجوم آلدی آلینگنیدن خبر بیرهدیلر. بدخشان معلومات و مدنیت باشلیغی معزالدین احمدی نینگ ایتیشیچه، بوگون (شنبه، ۶ حوت) ایرتهلب ساعت ۸:۳۰ اطرافی ده، بدخشان مرکزی فیضآباد شهری ده کابل بانک ایشیگی یقینیده بیر خودکش هجومچی، مقصدی گه ایریشمسدن آلدین اسلام امیرلیگی کوچلری تامانیدن یوق ایتیلگن.
تشقی ایشلر وزیرلیگی سوزلاوچیسی عبدالقهار بلخی گه کوره، بلغارستان ده حاضرگچه افغانستانلیک ۱۷ مهاجر نینگ کیملیگی انیقلنگن و باشقه کیشیلر نینگ کیملیگینی انیقلش اوچون تیکشیریشلر دوام ایتماقده. جناب بلخی جمعه کونی، ۵ حوت، اوز تویتری ده یازیشیچه، بلغارستان دهگی واقعه طفیلی هلاک بولگن افغانستانلیک ۱۸ مهاجر نینگ…
پروان امنیه قوماندانلیگی مسئوللری نینگ خبر بیریشلریچه، بیر ایرکک ناتانیش بیر کیشی تامانیدن بالته بیلن اولدیریلگن. پروان امنیه قوماندانلیگی سوزلاوچیسی محمدکامران حبیبی نینگ سلاوطندار نینگ ایتیشیچه، شیرینآغا اسملی اولدیریلگن مذکور کیشی اوشبو ولایت چاریکار شهری نینگ ۷-خوفسیزلیک حوزه اطرافیده جایلشگن «خلازایی» قیشلاغی یشاوچیسی ایکن.
بدخشان ده قار کوچیشی عاقبتیده، تورت کیشی هلاک بولگن. بدخشان معلومات و مدنیت ریاست رئیسی معزالدین احمدی نینگ سلاموطندار گه ایتیشیچه، مذکور واقعه پنجشنبه کونی ۴-حوت، اوشبو ولایت ارغنجخواه تومنی نینگ «تاق ارچه شیوه» قیشلاغیده یوز بیرگن.
ملی مدافعه وزیرلیگی پنجشنبه کیچه ۴-حوت، بیر تویت آرقهلی، اوتگن کون ملکی و حربی بولیملریده ۱۴-تعلیمی دوریدن ملی مدافعه/حربی بیلیم یورتی یاش افیتسیر اکهدیمیک طلبهلریدن ۳۸۴ تهسی نینگ خاص بیر احتفال یولگه قوییلیش بیلن فارغ بولگنلری نی اعلام قیلگن.
افغانستان مرکزی بانکی گه کوره، افغانی پول نرخینی ثابت سقلش مقصدیده، شنبه ۶-حوت، ۱۵ میلیون امریکالیک دالرنی داوطلبلیک آرقهلی لیلام شکلده ساتهدی.
