تورکیه دن افغانستانلیک مهاجرلرنی چیقریش جریانی دوام ایتر ایکن، مذکور مملکت میدیالری اوشبو هفته نینگ دستلبکی ایکینچی کونیده، تورکیه گه ناقانونی روشده بارگن افغانستانلیک ۳۶۵ مهاجر چیقریلگنیدن خبر بیرگنلر. باشقه تاماندن، تورکیه دن چیقریلگن قطار مهاجرلر نینگ ایتیشلریچه، تورکیه کوچلری اولرنی حبس گه آلیش چاغیده کلتکلب و کیین ایسه زوردن افغانستان گه قیترگنلر.
زابل ده «پیغام» اسمی ده بیر رادیو فعالیت گه باشلهگن. مذکور رادیو مسئولی روحالله حکیمی نینگ ایتیشیچه، اوشبو رادیو فرهنگی و اجتماعی موضوعلرنی نشر گه تاپشیرهدی.
ننگرهار ولایتی سپینغر تومنیده محلی منبعلر نینگ سلاموطندار گه ایتیشلریچه، بوگون (دوشنبه، ۲۱ حمل)، اوشبو تومن نینگ «شدل» منطقهسی یشاوچیلری، اسلام امیرلیگی کوچلری بیلن توقنشگنلر. منبعلر گه کوره، مذکور واقعه اسلام امیرلیگی کوچلری «شدل» منطقهسیده تریاک ایکینلرینی یوق قیلیش چاغیده یوز بیرگن.
عالی اوقوو وزیرلیگی بیر بیانیه ترقهتیب، مملکت بویلب تحصیلی نهادلر علمی کدرلری اعضالری نینگ معاشلری کوپهیتیریلگنیدن خبر بیرگن. بیزلرنینگ فیسبوک صحیفهمیزگه باش اورینگ! اوشبو بیانیه
پکتیا خوفسیزلیک مسئوللری، اوشبو ولایت ده یوز بیرگن ترافیکی حادثه عاقبتیده، ایکی کیشی هلاک بولیب و باشقه اوچ کیشی یرهلنگنیدن خبر بیرهدیلر. پکتیا امنیه قوماندانلیگی سوزلاوچیسی منیب زدران نینگ ایتیشیچه، مذکور واقعه یکشنبه کونی، ۲۰ حمل، پکتیا ولایتی شواک تومنی حدودلریده «کرولا» رسوملی موتر نینگ چپه بولیشی باعث یوز بیرگن.
تخار رسمیلری، اوشبو ولایت ده حرام گوشت ساتیش گه عیبلنگن اوچ قصاب قولگه آلینگنیدن خبر بیرهدیلر.
کاپیسا ولایتی رسمیلری، اوشبو ولایت ده قرآنکریم ختمی قندهی اوتکزیلیشی اوستیده ایکی گروه ارا یوز بیرگن لفظی تارتیشوو ده، آلتی کیشی اولیب و یرهلنگنیدن خبر بیرهدیلر.
افغانستان بیلن قوشنی دولتلر نینگ تشقی ایشلر وزیرلری، اوشبو هفته پنجشنبه، ۲۴ حمل، اوزبیکستان نینگ سمرقند شهری ده ییغین اوتکزیشلری کوتیلهدی. روسیه، چین، ایران، پاکستان، تاجیکستان، تورکمنستان و اوزبیکستان تشقی ایشلر وزیرلری حضوری بیلن بولیب اوتهدیگن اوشبو ییغیلیش ده، افغانستان دهگی سیاسی و امنیتی وضعیت بحث گه آلینیشی کوتیلهدی.
مالیه وزیرلیگی مسئوللری، بوگون حکومت نینگ اطلاعات و میدیالر مرکزیده خبری بیر ییغین یولگه قوییش بیلن ایتیشلریچه، اوشبو وزیرلیک قویاش ۱۴۰۱-ییل جریانیده ۱۹۳ میلیارد و ۹۱۲ میلیون درآمد قولگه کیلتیرگن که، مذکور رقم ۱۴۰۰-ییل گه قرهگنده ۳۷ فایز کوپهیگنی نی کورستهدی.
کاپیسا معارف ریاست مسئوللری، یونیسف مالی همکارلیگی بیلن بیرینچی صنفدن اون ایکینچی صنفگچه ۶۶۰۰۷۶ جلد کتاب ترقهتیلگنیدن خبر بیرگنلر.
ینگیلیکده، «شهرک وحدت» آتیدهگی ییرده جایلشگن قریب ۳۰۰ عایله دن عبارت مهاجر قیشلاق آوارهلری، ایچیملیک سوولری، ساغلیک و تعلیمی مرکزلری یوقلیگیدن شکایت قیلهدیلر.
جوزجان ولایتی فیضآباد تومنی امنیه قوماندانی کفایتالله صداقت نینگ ایتیشیچه، شنبه، ۱۹ حمل، اوشبو تومن نینگ «چهار سای» منطقهسی جوزجان_بلخ قتناو یولی حدودلری ده، «۲۰۰۰» رسوملی بیر موتر یول دن چیقیب چپه بولیشی عاقبتیده ایکی باله، بیر ایرکک و بیر عیال شامل تورت کیشی یرهلنگن.
دایکندی ساغلیقنی سقلش مسئوللری نینگ ایتیشلریچه، قورغاقچیلیک و کمبغللیک سبب، ۱۴۰۰_ییل گه نسبتن ۱۴۰۱_ییل ده اوشبو ولایت ده بالهلر نینگ توییب آوقاتلنمسلیگی، ۵۳ فایز کوپهیگن.
بامیان و دایکندی ده سپورت مسئوللری، اوشبو ولایتلرده رمضان آیی مناسبتی بیلن «رمضان کپی» عنوانیده، علیحده فوتسال بیلشوولری باشلنگنیدن خبر بیرگنلر.
سلاموطندار بیلن صحبت اوتکزگن محلی منبعلر، اوشبو ولایت نینگ قرغان تومنی «چهارباغ کمانگر» قیشلاغیده بیر کیشی خودکشلیک قیلگنیدن خبر بیرهدیلر. منبعلر نینگ کوپهیتیریشیچه، جمعه، ۱۸ حمل، فاریاب ولایتی قرغان تومنیده، سیداحمد اسملی ۳۵ یاشلی بیر کیشی خودکشلیک قیلیب حیاتی گه نقطه قویگن.
پروان امنیه قوماندانلیگی مسئوللری، اوشبو ولایت نینگ شینواری تومنی دریاسیدن بیر عیال نینگ جسدی تاپیلگنیدن خبر بیرهدیلر.
