بیرلشگن ملتلر تشکیلاتی باش کاتبی آنتونیو گوترش، بیر بیانیه آرقهلی اعلام قیلیشیچه، اعتراضچیلرگه قرشی ایران رسمیلری آرقهلی حددن تشقری کوچدن فایدهلنیش و زورهوانلیککه تیگیشلی گزارشلردن «حیرتگه» توشگن. گوترش، بوگون ایرتهلب اکس صحیفهسیده یازیشیچه، ایران ده زورهوانلیکلر طفیلی بیر قطار کیشی اولیب و یرهلنگن.
اسلام امیرلیگی عالی اوقوو وزیرلیگینینگ ایتیشیچه، اوشبو وزیرلیک وزیری ندامحمد ندیم یوقاری مرتبهلی بیر هیئت باشچیلیگیده، عمان کیتگن.
چیچنستان جمهوریتی رهبری رمضان قدیروفنینگ اوغلی، آتهسی یا کی ولادیمیر پوتین بویرسه اوکراین جمهور باشلیغی ولودیمیر زلنسکینی توتیب کیلیشینی بیلدیردی.
ایکینچیلیک، سووغاریش و چاروهچیلیک وزیرلیگی، قویاش ۱۴۰۴-ییل دوامیده ۲.۵ تُن عسل، قندهاردن چیت ایل اولکهلر گه صادر قیلینگنینی بیلدیردی.
افغانستان اوچون بیرلشگن ملتلر تشکیلاتینینگ مخصوص امانی صندیغی، افغانستان یشاوچیلریگه سویدننینگ ۶.۴ میلیون دالر یاردم بیرگنینی معلوم قیلگن.
اسلام امیرلیگی کانلر و پترولیم وزیرلیگی، اوشبو وزیرلیک هیئتی ملَکه آشیریش و کسبی رواجلنیش بوییچه سمینارده اشتراک ایتیش اوچون اوزبیکستان گه کیتگن.
اوکراینگه روسیهنینگ اویوشتیرگن ینگی پهپاد و هوا هجوملری نتیجهسیده، کمیده آلتی کیشی اولیب و باشقه ۱۳ کیشی یرهلنگن. خلقارا ییتکرمهلرنینگ بوگون (۲۱-جدی/ ۱۱-جنوری، یکشنبه)، گزارش بیریشیچه، روسیه آرقهلی اویوشتیریلگن هجوملر، آستقورمهلر و یشش اویلرگه کینگ کولملی زیانلرنی ییتیشتیرگن.
سوریهنینگ حلب شهریده محلی رسمیلرنینگ گزارش بیریشیچه، کُردلر رهبرلیگیده دمکراتیک کوچلری نیچه کونلیک توقنشوولردن کیین آتیش کیسین بوییچه کیلیشوو بیلن، حلب شهرینی ترک قیلیب و بو شهرنینگ بوتونلی نظارتی سوریه دولتی کوچلری قولیگه توشگن.
هندوستان ییتکرمهلری، کابل و ینگی دهلی اورتهسیده مناسبتلرنینگ ینگی فصلی آچیلگنیدن خبر بیرهدیلر. ینگیلیکده، «هندو» کوندهلیگی، اسلام امیرلیگی تشقی ایشلر وزیرلیگینینگ ییریک عملدارلریدن بولمیش نوراحمد نور، هندوستانده افغانستان ایلچیخانهسی سرپرستلیگینی آلیش اوچون ینگی دهلی گه بارگنینی بیلدیرگن.
ایکس اجتماعی ترماغیده ایران بیراغی، «ارسلان و قویاش» گه اوزگرتیریلدی.
اسلام امیرلیگی سودا و صناعت وزیرلیگینینگ اعلام قیلیشیچه، پاکستان بیلن افغانستاننینگ سودا المشووی ۴۰ فایز کمهیگن.
اوکراین پایتختی کییف گه روسیهنینگ اویوشتیرگن کینگ کولملی هجومی عاقبتیده، تورت کیشی اولیب، بیشته یاردم بیرووچی شامل کمیده ۲۵ کیشی یرهلنگن.
بدخشان امنیه قوماندانلیگی سوزلاوچیسی احسانالله کامگار، اوشبو ولایتده ۴ کانچی اولگنیدن خبر بیردی.
حلب شهریده سوریه اردوسی و کُردلر رهبرلیگیده دمکراتیک کوچلری آرهسیده یوز بیرگن شدتلی توقنشوولر عاقبتیده، کمیده ۲۲ کیشی اولیب و ۱۷۳ کیشی یرهلنگن.
قزاقستانلیک مشهور اکتیور مرات بیسمبین، ۵۴ یاشیده وفات ایتدی. ییتکرمهلرنینگ معلوماتیگه کوره، میلادی ۲۰۲۴ ییلنینگ کوزیده بیسمبین آشقازان (معده) سرطانی گه چلیندی. ۲۰۲۵ ییل دسمبر آییده اکتیور میه خستهلیگی بیلن کسلخانه گه یاتقیزیلگن، شوندن سونگ او شفاکارلر نظارتی آستیده بولگن.
اسلام امیرلیگی ایکینچیلیک، سووغاریش و چاروهچیلیک وزیری عطاءالله عمری، کابل ده ایران ایلچیسی علیرضا بیکدلی بیلن اوچرهشیب و صحبت قیلگن.
