اسلام امیرلیگی مالیه وزیرلیگی تامانیدن کیلهسی ۱۷ کون ایچیده پاکستان دن دارو وارد بولیشی توختهتیلیشی معلوم قیلینگنیدن سونگ، ولایتلردهگی دارو ساتووچیلردن قطارینینگ ایتیشیچه، بازارلرده دارولر قیمتی آشگن.
هرات شهرینینگ بیر چیکهسیده جایلشگن کیچیک بیر ایشخانه، اونلب خاتین-قیزگه امید و درآمد منبعسیگه اوزگرگن. مذکور ایشخانه بیر ییل آلدین تدبیکار بیر عیال آرقهلی آچیلیب و حاضر ایسه بو ییرده ۳۰ کیشی تورلیخیل چراغلرنی توزهتیش بیلن شغللنگن. اوشبو ایشخانهده، LED، آزمصرفلی و تزیینی چراغلر ایشلب چیقریلهدی.
کنر ولایتیده، خودکفالیک سری عیاللرنینگ عملی آدیملری آلینیشی بیلن بیرگه، اولرنینگ اقتصادی جهتدن کوچلش و امکانیتلرنی کینگهیتیریش اوچون ینگی امید ایشیکلری آچیلماقده. مذکور عیاللردن بیری اوشبو ولایت نرنگ تومنی یشاوچیسی بولمیش ۳۵ یاشر زرغونه، اوچ باله آنهسی بولیب و کیچیک بیر سبزهوات ییتیشتیریلهدیگن باغچهنی آچگن.
قیش موسومی ییتیب کیلیشی و یاغینگرچیلیکلر باشلنگنی بیلن بیرگه، کابل ده ایشچیلردن قطاری، ایش فرصتلری کمهیگنیدن خواطر بیلدیرگنلر. اولرنینگ ایتیشلریچه، هوا ساووق بولیشی همده قوریلیش ایشلری و خذمت کورسهتیش فعالیتلری توختهتیلیشی یا-ده کمهیشی، کونلیک ایش زمینهسینی چیکلهب و اولرگه حیاتنینگ دستلبکی نیازلری تامینلنیشینی قیینلشتیرگن.
وقت اوتیشی بیلن، آدملر حیاتینینگ اکثر بولیملری رواجلنیب و کینگهیب بارهیاتگن بولسه-ده، ایریم قدریتلر ایسه کونسهیین اوز اهمیتینی یوقاتیب، اولرنینگ اورنینی باشقه قدریتلر ایگللهماقده. بو قدریتلردن بیری، آدملرنینگ کتاب و کتاب اوقیش بیلن قزیقیشی دیر – سونگی ییللرده اورنینی اجتماعی ترماقلر، اقتصادی فعالیتلر و اهمیتی کم بولگن کولگو-اویینلر گه بیرماقده.
تخنیکی و مسلکی تعلیمات ادارهسی، بوگون (۳۰-جدی، سهشنبه)، فنی و مسلکی تعلیملرنی کینگهیتیریش مقصد، ایچکی و تشقی موسسهلردن قطاری بیلن تورتته کیلیشوونامه امضالهگن.
بدخشان یشاوچیلریدن قطاری بو ولایتده سیزیلرلی درجهده اورمانلر کیسیلیشیدن خواطر بیلدیریب و بو جریاننینگ یشش محیط اوچون جدی تهدید بیلهدیلر. اولرنینگ ایتیشلریچه، سونگی آیلر ناقانونی شکلده اورمانلرنینگ کیسیلیشی کوپهیب و بو وضعیت، یشش محیط و طبیعی منبعلر بوییچه کینگ کولملی عاقبتلرگه سبب بولیشی ممکن.
بیرقطار ایش قیلهیاتگن بالهلر، اقتصادی باسیملر یانیده، سرپرستسیزلیک اولرنی مکتب گه باریش و تعلیمدن محروم قیلگنینی ایتهدی. اوشبو بالهلر، اساسی احتیاجلرینی تأمینلش اوچون قیین ایشلرنی قیلیش گه مجبور، بیراق برچه سعی-حرکتلری بیلن، حیات دستلبکی احتیاجنلرینی تأمینلهی آلمسلیکنی معلوم قیلیشهدی.
بلخ ده خبرچیلردن قطاری، اوشبو ولایت اورمانلرینی تیکلش، اوسیملیک ساحهلرینی مستحکملش و یشیل حدود یرهتیش مقصدیده، اوروغ سیپیش کمپاینینی اوتکزگنلر.
سونگی دههلر دوامیده، افغانستانده اوروشلر و قوراللی توقنشوولرنینگ کوچهیشی نتیجهسیده بیوه عیاللر سانی سیزیلرلی درجهده آشگن. اولرنینگ کوپچیلیگی عایله باشلیغی همده یاش بالهلرنینگ آنهسی بولیب، کوپراق اجتماعی باسیملر گه دوچ کیلماقده و تورموش اورتاغلرینینگ قرینداشلری بیلن قیته تورموش قوریشگه مجبور قیلینیشی، عکسحالده، فرزندلریدن اجرهتیب قوییش تهدیدی آستیده قالماقده.
«انتیک» دییلگنده، اکثریت آدملر قدیمی، قیمتبها و نایاب همده توزهلیش صفتی و تاریخی اهمیت گه ایگه بولگن بویوملرنی توشونهدی. تنگه، ساعت، ایدیش، تابلو، کتاب یا کی تقینچاق کبی۱۰۰ ییلدن آرتیق یا کی اوندن کم قدامتی بولگن، اصلی بولگن، تاریخی یا کی مدنی اهمیت ایگه بولگن بویوملرنی «انتیک» دییش ممکن.
اسلام امیرلیگی فواید عامه وزیرلیگینینگ ایتیشیچه، ۲۰۲۵-ییلده ۱۷ فایز آشیش بیلن تیمیر یوللری آرقهلی ۵.۱ میلیون متریک تُندن آرتیق توار تاشیلگن.
ایرانده مردمی ناراضیلیکلر دوام ایتماقده ایکن، اوشبو وضعیت برابریده جهانی مناسبتلر ینگی باسقیچ گه کیرگن. منطقهدهگی کوچلی مملکتلر جملهدن روسیه و چین امریکانینگ ایران گه احتمالی حربی هجوم قیلیشیگه قرشیلیک کورستگن.
ایکینچیلیکنینگ ستندردلشتیریش و حاصلات میزانینی کوپهیتیریش مقصد، خوست ولایتیده بیرینچی مرته زراعتی اوروغلر بوییچه تدقیقاتی فارملر آچیلگن. مذکور فارملر آرقهلی ولایتنینگ اقلیم شرایطی و سوو منبعلری بیلن بوتونلی ماس کیلهدیگن اوروغ و کوچتلر ییتیشتیریلیشی کوزگه آلینگن.
بدخشان ولایتی ارگو و درایم تومنی یشاوچیلری، «ریزکان» سرکی خرابلیگیدن شکایت قیلماقدهلر. مذکور سرک اوشبو ایکی تومننی بدخشان مرکزیگه باغلهب و توارلرنی انتقال بیریش همده اوتیب-قیتیش یوللریدن بیری حسابلنهدی.
غزنی ولایتی خواجهعمری تومنینینگ «قبلدال» قیشلاغیدهگی باغدارلردن محرابعلینینگ سلاموطندار گه ایتیشیچه، قیش موسومیده بیر دهقان و باغدارنینگ ایش حجمی کمهیشی بیرحالده، لیکن ینه هم بجریلیشی ضرور بولگن اَیریم ایشلر بار. محرابعلی درختلر اطرافینی بیل اوریش، توپراق بیلن حیوانی کودنی قوشیش همده کوز موسومی آخری و قیش موسومی باشیده…
