سوراو نتیجهسیگه کوره، بادغیس ۹۷ فایز تاثیرلنیش بیلن جبرلنگن ولایت‌لر رویخطی‌نینگ بیرینچی اورنیده بولیب و انقراضلی وضعیت‌گه دیر. لوگر ۹۴.۱۲ فایز و قندوز ۹۲ فایز بیلن کیینگی اورین‌لرده جایلشیب، یوقاری درجه‌ده‌گی قورغاقچیلیک بیلن روپه‌ره دیر.
سلاموطندارنینگ تورلی ولایت‌لرده اونلب ییگیت بیلن اوتکزگن صحبتی اساسیده، یاشلرنینگ اوقیشگه قیزیقیشی فقط نیچه انیق بولیمده چېکلنیب قالگن. اولر اوشبو بولیملرنی تنلش سببینی ایش امکانیتی، یخشی کېله‌جگی بارلیگی دیب اته‌گنلر. اوشبو گزارش‌ده صحبت قیلگنلرنینگ اکثریتی کمپیوتر ساینس، طبیات و اقتصاد بولیملریده اوقیشگه قیزیقیش‌لرینی ایتگنلر.
مملکت ۳۰ ولایتیده بیر مینگ ۲۰ دهقان آره‌سیده سلام‌وطندار آرقه‌لی اوتکزیلگن سوراو نتیجهسیگه کوره، قورغاقچیلیک قیشلاق اهالی‌سی‌نینگ یشش درجه‌سی، آزیق-آوقت خوفسیزلیگی و اجتماعی برقرار‌لیگی‌گه کینگ کولملی تاثیر کورستگن. دهقانلردن ۸۰ فایز‌دن آرتیغی بو واقعه‌دن تاثیرله‌نیب و اولرنینگ ۹۰ فایز‌دن آرتیغی اونینگ کوچه‌یب باره یاتگنی‌دن خواطر بیلدیرگنلر.
افغانستان سرپرست حکومتی تامانیدن قبول قیلینگن ایش قانونی ۱۶ باب و ۱۴۷ ماده‌دن عبارت بولیب، اونده ایش وقت‌لری، ایش حقی، ایش گه قبول قیلیش شرط‌لری، ایش شرطنامه‌لری، ایشچیلرنینگ دم‌آلیش و تعطیل حقوق‌لری کبی موضوع‌لر یاریتیلگن. بیراق سلام‌وطندار ۱۴ ولایتده ۴۲ یاش ایشچی بیلن صحبت اوتکزگن، اوشبو یاشلرنینگ کوپچیلیگی رسمی شرطنامه‌‌سیز، ساغلیق بیمه و جوده کم ایش حقی عوضی گه آغیر محنت شرایط‌لریده ایشله‌ماقده‌لر.
سلام‌وطندار، ۱۲ ولایتده ۳۸ اجره‌شگن عیال بیلن صحبت قیلگن، اوشبو سوراو اساسیده، کوپینچه اجره‌لیش طلبی عیاللر تامانیدن بیریلگن. اوشبو گزارش‌ده صحبت قیلینگن ۳۸ عیال‌دن، ۳۲ نفری، اجره‌لیش قرارینی اۉزلری آلیب و طلاق جریانینی باشله‌گنلرینی ایتگنلر. بیرقطاری هم ایری تامانیدن یا که کېلیشوو اساسیده اجره‌لیشگن.
افغانستان‌ده‌گی یاشلر ایش‌سیزلیک‌دن اذیت چیکیب و بیرقطاری هم ایش اوچون مهاجرت یولینی تنله‌ماقده اېکن، بومی و سنتی صنعت مملکت‌ده یخشی ایش فرصت‌لرینی یره‌تیشی ممکن، تنزل و یوق بولیش عرفه‌سیده قرار تاپگن. اوشبو صنعت‌لردن بیری کلالچیلیک دیر سابقه‌لی بولیشی و ملی اوزلیک همده مدنیت بیلن چقور چمبرچس باغلیق بولیشی بیلن، حاضر اچینرلی احوالده؛ حکومت یانیده خلق هم بوتوغریده بی‌فرق یانده‌شماقده.
رواجلنگن مملکتلرده حامله‌دارلیک دوریده التراتاووش تېکشیرووی فقط تورت مرته و انیق طبی مقصدلر اوچون اوتکزیش توصیه اېتیله‌دی، سلاموطندارنینگ معلومات‌لری اساسیده، افغانستانده حامله‌دار عیاللر اورتچه اولتراتاووش (تلویزینی تېکشیروو)دن اوته‌دیلر. بو حالت اساسن اقتصادی معمالر، آگاهی‌سیزلیک، منتظم طبی مراقبت‌لرنینگ موجود اېمس‌لیگی و مملکت‌ده‌گی طبی تیزیم ضعیف‌لیگی بیلن باغلیق.
محنتچیلیک، افغانستانده مهم درآمد منبعلردن بیری حسابلنه‌دی، اکثریت یشاوچیلری مسلکی بولسین یا که غیر مسلکی بو بیلن مصروف. شو بیلن بیرگه، افغانستانده کوپینچه دهقانلر مسلکی تعلیم‌لردن فایده‌لنه آلمه‌یدی و بو حاصللریدن فایده قیلیش اورنیده، اولرنینگ ضرر کوریشیگه آلیب کېله‌دی؛ بیراق تعلیم‌دن فایده‌لنه‌یاتگن دهقانلر، درآمدلری سیزیلرلی درجه‌ده آشکنیدن خبر بیره‌دیلر.
ایران و اسرائیل آره‌سیده سۉنگی کېسکین‌لیکلر آرتیدن، ایران‌دن افغانستان‌لیک مهاجرلرنینگ جبری شکلده چیقریش کوچه‌یگن و اولر آره‌سیده عیاللر و باله‌لر بو جریان قربان‌لریگه ایلنگن. سلام‌وطندار ایران‌دن قیتگن ۲۰ عیال بیلن صحبت قیلگن، اولرنینگ ۱۴ نفری چیقریلیش جریانیده زورهوانلیکنی تجربه قیلگنلر.
افغانستان تاغلی مملکت بولیب، قدیمدن کورکم ییلاولری بیلن حیوان باقیش اوچون مناسب حدود صفتیده تنیلگن و چوپانلر تاغمه-تاغ و چولمه-چول یوریب چاروه‌لرینی باقیشگه آلیب باره‌دیلر. اوشبو گزارش‌ده افغانستان‌نینگ ۱۲ ولایتیده ۲۷ یاش چوپان بیلن صحبت قیلینگن و مینگلب قیینچیلیک‌نی تن آلگن یاشلر اجدادلری‌نینگ میراثینی تیریک اسره‌ب و کیچه-کوندوزلرینی انده-سنده غربت و چاروه‌لری آره‌سیده اۉتکزه‌دیلر.
سلاموطندارنینگ افغانستان تورلی ولایت‌لریده ۴۰ محتاج عیال بیلن اۉتکزگن صحبتی اساسیده، امریکا قۉشمه ایالتلری‌نینگ یاردم بیرووچی تشکیلات‌لر گه یاردملری کېسیلیشی بیلن بیرگه، اوشبو عیاللرنینگ آزیق-آوقت، طبی و تعلیم خذمت‌لریدن فایده‌لنیشی سیزیلرلی درجه‌ده کمه‌یشیگه سبب بولگن.
ایران‌ده سۉنگی سیاسی اۉزگریش‌لر جمله‌دن اسرائیل بیلن اوروش، افغانستان‌لیک مهاجرلر اوچون حیات شراطینی اوتمیش گه نسبتن قیینلشتیرگن. ایران‌ده‌گی بو یاشلر آز درآمد، کوپ ایشلش، انیق کم‌سیتیلیش و سیستماتیک حقارت بولیش بیلن یوزمه-یوز بولگن بو یاشلر، اېندی نه ترقیات اوچون امیدلری بار و نه هم ایش و حیات کیچیریش جای‌لریده امنیت حس قیله‌دیلر.
سلام‌وطندار عیاللرنینگ زوره‌وانلیک برابریده سکوت سقلش سبب‌لرینی انیقلش مقصدیده زورهوانلیکنی باشدن کیچیرگن ۳۶ نفر عیال بیلن صحبت اۉتکزگن. بو عیاللر افغانستان‌نینگ ۱۲ ولایتیدن اوشبو سوراو گه اشتراک اېتگن. اولردن ۲۸ نفری سکوت سقلش‌نینگ سببینی قورقو دیب اېتگن و باشقه ۸ نفری اېسه هېچ قنده‌ی قۉللب-قوتلاوچیلری یوق‌لیگینی اېتگنلر.
سلام‌وطندار عیاللرنینگ روحی احوالینی تېکشیریش اوچون افغانستان ۲۶ ولایتیده ۴۰۱ عیال اورته‌سیده توشکونلیک (افسرده) رقمینی تېکشیرگن. سوراو گه اشتراک اېتگن ۴۰۱ عیال‌دن ۱۹۹ نفری – ۴۹.۶۷ فایزنی تشکیل بیره‌دی اورته توشکونلیک و باشقه ۲۰۲ نفری ۵۰.۳۳ فایزنی تشکیل بیره‌دی، روحی سلامت‌لیکّه ایگه دیر.
سلاموطندارنینگ قیشلاق، شهر و قیشلاق‌لردن شهر گه مهاجر بولیش اوچ گروه‌ده‌گی ۷۶ ییگیت بیلن اۉتکزگن صحبتی اساسیده، اولرنینگ اکثریتی اقتصاد، تعلیم، آسایشته‌لیک و تکنالوژی امکانیت‌لری بارلیگی طفیلی، شهرده تیریکچیلیک قیلیش‌نی اوستون کوره‌دیلر. بو مایللیک قیشلاق‌لردن شهر گه مهاجر بولیش سیزیلرلی درجه‌ده آشماقده‌لیگیدن دره‌ک بیره‌دی.
مملکت‌ده سۉنگی سیاسی اۉزگریش‌لردن کېین، یوزلب عیال خبرچی، افغانستان‌نی تشقی مملکتلرده حیات کیچیریش قصدی بیلن ترک اېتدیلر. سلام‌وطندار سورگونده بولگن افغانستان‌لیک عیال خبرچیلرنینگ ایش شرایطینی تېکشیریش مقصدیده، سۉنگی اوچ ییل ایچیده افغانستان‌نی تشقی مملکتلرده حیات کیچیریش قصدی بیلن ترک اېتگن ۱۷ عیال ژورنالیست بیلن صحبت قیلگن.
