ناتو تشکیلاتی نینگ باش کاتبی ینس استولتنبرگ، اوتگن کونی اوشبو تشکیلات مدافعه وزیرلیک‌لری نینگ ایککی کون‌لیک ییغینی اداغیده افغانستان خوفسیزلیک وضعیتی خصوصیده خواطر بیلدیریب، آتش‌کیسین برقرار بولیش طالبان گروهی‌دن زوروانلیکلر رقمی‌نی کمه‌یتیریشینی سوره‌گن.
لیکن بیرقطار سیاسی و حربی ایش بیلرمانلرنینگ سلام‌وطندارگه ایتیش‌لریچه، بونده‌ی سوزلرنی آلده‌توچی دیر، دنیا جماعه‌چیلیگی و ناتو تشکیلاتیدن زوروانلیکلر آزیشی اوچون ایستک‌لردن قول تارتیب، فشار گزینه‌سیدن استفاده قیلیش کیره‌ک.
سیاسی ایش بیلرمانلردن بیری خالد سادات گه کوره، پاکستان نینگ طالبان گروهی‌گه ایتگن سوزی بو گروه تامانیدن قبوللنه‌دی و افغانستانده‌گی زوراانلیک‌لر رقمی آزه‌یشی اوچون اونملی نقش اوینه‌یدی انه شوباعث پاکستان اوستیگه فشار آلیب کیلیش لازم.
حربی ایش بیلرمان محمود حیدری، ناتو تشکیلاتی نینگ باش کاتبی زوروانلیکلر آزه‌یشی خصوصیده‌گی ایستگیدن جدی صورتده تنقید ایتیب، بونده‌ی سوزلر خلق نی آلده‌ش دن باشقه نرسه ایمس دیگن.
عین‌حالده، ناتو تشکیلاتی نینگ باش کاتبی، اروپا و امریکا اولکه‌لری تهدید بیلن دوچ کیلمس‌لیگی اوچون طالبان گروهی‌دن القاعده شبکه‌سی بیلن رابطه‌سینی توخته‌تیشی نی سوره‌گن.
بو توغریده طالبان گروهی نینگ قطرده‌گی سیاسی دفتر سوزلاوچیسی محمد نعیم وردک نینگ فکرینی آلیش نی ایسته دیک، لیکن جناب وردک سوزلشیش اوچون تیارلیک کورستمه‌دی.
دوحه شهریده سوزلشوولر باشلنگنیدن بویان، ناتو، امریکا، فرانسه ایلچی‌لیگی و قطار اولکه‌لر زوروانلیکلر کمه‌یتیریلیشی نی ایسته‌گن، لیکن سونگی کونلرده کندز، تخار، فاریاب و غور ولایت‌لری جدی آتیشمه‌لرگه کواه بولیب نتیجه ده اونلرچه حربی و تینچ اهالی هلاک بولگن.