بلخ‌ده کمال‌نبی‌زاده اولاق تورنمنتی فاینلی‌ده یماپترول اولاق تیرمه جماعه‌سی قهرمان بولگن. مملکت اولاق ملی فدراسیون مسئوللری، یماپترول اولاق جماعه‌سی کېتمه-کیت آلتی غلبه بیلن، کمال‌نبی‌زده اولاق تورنمنتی اوچینچی دور باسقیچی قهرمانی بولگنینی معلوم قیلگنلر.
اوشبو اداره باشلیغی غلام سرور جلال گه کوره، یماپترول اولاق تیرمه جماعه‌سی بوگون (۵-حوت، یکشنبه) اوشبو مسابقه‌لرنینگ فاینلی‌ده بدخشان اولاق تیرمه جماعه‌سیگه غلبه قازانیب و قهرمان بولگن.
بیزلرنینگ فیسبوک صحیفه‌میزگه باش اورینگ!
بلخ ولایتی اولاق تورنمنتی اوچینچی دوری، کمال‌نبی‌زاده و فیصل خراسانی شرکتلری‌نینگ مالی حمایتی و ۱۲ جماعه حضوری بیلن اوشبو ولایت مرکزی مزاشریف شهری‌ده اوتکزیلگن.
اوشبو اولاق بیللشوولری، قویاش ۱۴۰۳-ییل، ۲۵-دلوده بلخ ولایتیدن اوچ جماعه، سمنگان ولایتیدن ایکی جماعه، یما پطرول شرکتی نماینده‌لیگی‌‌دن خصوصی بیر جماعه و جوزجان، بغلان، تخار، بدخشان و فاریاب ولایت‌لریدن بیر-بیر جماعه اشتراکی بیلن اوتکزیلگن.
بیزلرنینگ «ایکس» ترماغی ده هم تعقیب قیلینگ!
بو ۱۰ کونلیک بیللشوولرده، مملکت ۱۰ ولایتیدن چاپندازلر رقابت قیلیب و نهایت یماپترول اولاق تیرمه جماعه‌سی بوتون رقیب‌لری گه غلبه قازانیش بیلن بو رقابت‌لر قهرمانی بولگن.
بلخ‌ده کمال‌نبی‌زده اولاق تورنمنتی یشاوچیلر تامانیدن قیزغین کوتیب آلنیب و مملکت‌نینگ تورلی ولایت‌لریدن مینگلب کیشی بلخ گه تشریف بویرگنلر.
