تورکمن-افغان اوچ کونلیک کورگزمه‌سی بوگون (دوشنبه، ۱۴-حوت)، تورکمنستان پایتختی عشق‌آباد شهری ده، ۳۰۰ دن آرتیق افغان تدبیرکارلری شامل افغانستان صناعت و سوداگرلیک وزیرلیگی نینگ سرپرستی، منطقه و دنیا مملکت‌لری نینگ ایلچی‌لری حضوری بیلن آچیلدی.
مملکت صناعت و سوداگرلیک وزیرلیگی سرپرستی نورالدین عزیزی اوشبو کورگزمه‌نی آچیش مراسمی‌ده ایتیشیچه، افغانستان نینگ تجارت سکتوری بو گَل تجاری ییغیلیش‌لر و خلق‌ارا کورگزمه‌لرده اشتراک قیلیشی بیلن، افغانستان نینگ خلق‌ارا سوداگرلیک مرکزی و منطقه تورت یولی گه اېلنتیریش اوچون سعی‌وحرکت قیلماقده.
اونینگ کوپه‌یتیریشیچه: «بوگون افغان-تورکمن کورگزمه‌سی آچیلیشی‌دن خورسند میز، بو گَل برنامه‌لر کیله‌جک ده هم دوام تاپیب ایکّی مملکت نینگ یقینلیگی، ایکّی ملت نینگ تجاری مناسبتی مستحکم‌لنیشی و ایکّی مملکت خصوصی سکتوری نینگ تجارتی رواجلنیشی و یقینلنیشی گه سبب بوله‌دی.»
بیزلرنینگ فیسبوک صحیفه‌میزگه باش اورینگ!
عین‌حالده، صناعت و سوداگرلیک وزیرلیگی سۉزلاوچیسی آخوندزاده عبدالسلام نینگ سلام‌وطندار گه ایتیشیچه، مذکور کورگزمه ده افغانستان اوچون ۷۵ غرفه اختصاص بیریلگن و بو غرفه‌لرده ۱۸ سکتور نینگ تولید و محصولات‌لری کورگزمه گه قوییله‌دی.
اونگه کوره: «تورکمن-افغان کورگزمه‌سی سوداگرلیک وزیرلیگی رهبریتی و ایچکری و تشقری دن ۳۰۰ دن آرتیق افغان تدبیرکارلری نینگ حضوری بیلن بوگون عشق‌آباد ده باشلندی، بو سفر B2b و G2b بېتیم‌لری امضالنه‌دی. افغان تدبیرکارلری نینگ تولید و محصولاتی ۷۵ غرفه ده کورگزمه گه قوییله‌دی، بو کورگزمه گه تدبیرکار ۱۵ عیال هم قتنشگن، اوشبو کورگزمه ده ۱۸ سکتور نینگ محصولات‌لری کورگزمه گه قوییله‌دی.»
آخوندزاده گه کوره، قالین، زعفران، قیمت‌بها و یریم قیمت‌بها تاش‌لر، قوروق و تازه میوه‌لر، ایکینچیلیک محصولات و عیاللر نینگ قول توقیمه‌لری اوشبو کورگزمه ده نمایش گه قوییلگن افغانستان نینگ اېنگ مهم محصولاتی سنله‌دی.
بیزلرنینگ «ایکس» ترماغی ده هم تعقیب قیلینگ!
افغانستان گه عاید ۷۵ غرفه دن ۱۵ ته‌سی افغان تدبیر کار عیاللری گه اختصاص بیریلگن؛ بیراق کابل ده تدبیرکار عیاللردن بیرقطاری نینگ ایتیشلریچه، عیاللر گه یره‌تیلگن چېکلاولر محصولات‌لری نینگ بازاری اۉستیگه سلبی تاثیر قویگن.
تدبیر کار عیاللردن حسنا و صالحه نینگ ایتیشلریچه، کابل شهری ده عیاللر نینگ قول توقیمه‌لری ساتیش بازاری جوده‌هم آز دیر.
تدبیر کار عیال حسنا نینگ ایتیشیچه: «شهرنو، کوته‌سنگی و لیسه مریم کبی جای‌لرده عیاللر اوچون تجارتی مرکز یوق و او ییرلرده عیاللر گه چېکلاو یره‌تیلگن، جواز آلیش قیین سودامیز کم‌لیگی اوچون اونینگ ییل‌لیک سالیغینی توله‌ی آلمهیمیز، عیاللر یالغیز ایچکی کورگزمه‌لرده اشتراک قیله‌دی و عیاللر مستقل اېمس‌لیگی اوچون اشتراک قیله آلمه‌یدیلر.»
شو بیلن بیرگه، افغانستان سوداگرلیک و سرمایه یاتقیزیش اتاق سۉزلاوچیسی نوید جنابلری، افغانستان محصولاتی گه جهانی بازار قیدیریش اوچون افغان-تورکمن کورگزمه‌سینی اهمیتلی بیله‌دی.
اونینگ کوپه‌یتیریشیچه: «افغانستان محصولاتی گه جهانی بازار قیدیریش اوچون کورگزمه‌لر و کنفرانس‌لر یولگه قوییلیشی مهم دیر، مملکت تدبیرکالری نینگ محصولاتی گه جهانی بازار تاپیش اوچون بو کبی کورگزمه‌لر اۉتکزیلیشی مهم دیر.»
تورکمن-افغان کورگزمه‌سی اوشبو هفته چهارشنبه کون‌گچه دوام تاپیشی کوتیله‌دی.
ایتیش کېره‌ک، اسلام امیرلیگی صناعت و سوداگرلیک وزیرلیگی نینگ سرپرست وزیری نورالدین عزیزی اۉتگن جمعه بیر هیئت ییتکچیلیگی‌ده اوشبو کورگزمه نی آچیش مقصدیده تورکمنستان گه سفر قیلگن.
