بوگون (۱۵-قوس، پنج‌شنبه)، کابل شهریده جایلشگن «یکه‌توت» اوغلاق میدانی‌ده، مملکت اوغلاق لیگه‌سی‌نینگ آلتینچی دوری باشلنگن.
بو ییل اوغلاق ملی لیگه‌سی‌نینگ آلتینچی دوری‌ده تورلی ولایت‌لردن ۱۱ جماعه قهرمان‌لیک‌نی قولگه کیلتیریش اوچون رقابت قیله‌دی.
بیزلرنینگ فیسبوک صحیفه‌میزگه باش اورینگ!
افغانستان سپورت و جسمانی تربیه‌لش اداره‌سی باشلیغی احمدالله وثیق، مذکور لیگه‌نینگ باشلنگنی‌دن مقصد، اوغلاق اویینی رواجلنیشی و اوشبو عنعنه‌وی اویین‌نینگ دنیا مملکت‌لری گه تانیشتیریلیشی دیگن.
جناب وثیق‌نینگ ایتیشیچه: «سپورت بولیمی‌میز‌نینگ رواجلنیشی‌نی ایسته‌یمیز. شونینگدیک سپورت‌نی مرکزدن تومن‌لر و اوزاق منطقه‌لرده رواجلنیشی‌نی ایسته‌یمیز.»
شونینگدیک اوغلاق ملی فدراسیونی ییریک مصلحتچی‌سی سهراب عثمانی، عنعنه‌وی اویین‌لر‌نینگ کیله‌سی نسل‌لرگه انتقال تاپیشی اوچون، بو کبی اویین‌لر‌نینگ قدر‌لنیشی‌گه تاکید قیلگن. «مذکور لیگه ملی سپورت گه قدر بیریش و اونینگ یاش نسل‌لر گه تانیتیش مقصد اوتکزیله‌دی که بو رقم اوتمیش‌ده‌گی ارزشلر کیله‌سی نسل‌لرگه انتقال تاپسه.»
اوتگن ییل سرپل پهلوان‌لری افغانستان اوغلاق ملی لیگه‌سی‌نینگ بیشینچی دوری‌ده، قیین و هیجان‌لی اویین‌لرنی اوتکزیش‌دن کیین سمنگان گه قرشی غلبه قازانیب، قهرمان بولگن ایدی.
شونده‌ی بیرحالده، سرپل تیمی سپورتچیلری‌نینگ ایتیشلریچه، شونینگدیک بو ییل هم قهرمان بولیش اوچون مکمل شکلده تیارگرلیکلری بار.
سرپل تیمی پهلوان‌لریدن احمد‌جاوید‌نینگ سلام‌وطندار گه ایتیشیچه: «ان‌شاءالله مکمل تیاگرلیگی‌میز بار که بو ییل هم قهرمان بولسک و اوزیمیز‌نینگ قهرمان‌لیگی‌میزدن دفاع قیلسک.»
بیزلرنینگ «ایکس» ترماغی ده هم تعقیب قیلینگ!
بو ییل مملکت اوغلاق ملی لیگه‌سی‌نینگ آلتینچی دوریگه، مملکت اوغلاقچی‌لری یانیده شونینگدیک قرغیزستان، تاجیکستان و اوزبیکستان مملکتلریدن اوغلاقچی‌لر اشتراک قیلیب و جماعه‌لر ترکیبی‌ده حضوری بار.
قرغیزستان مملکتی‌دن بولمیش و یما پترولیم جماعه‌سی اعضاسی سلطان اویغانیچ‌نینگ سلام‌وطندار گه ایتیشیچه: «بو ییل افغانستان اوغلاق لیگه‌سی‌گه شرکت قیلدیم و بوندن آلدین افغانستان اوغلاق بیلله‌شوولرینی یوتیوب‌دن ایزله‌ر ایدیم و کوپ قیزیقیدیم. کیله‌جک‌ده تیمی‌میز نی بیلله‌شوو اوچون قرغیزستان گه چقیره‌میز و او ییرده هم مسابقه اوتکزیشیمیز ممکن.»
ایتیش کیره‌ک که، مملکت اوغلاق لیگه‌سی سونگی بیش ییل‌ده کوپینچه یوتوق‌لرگه ایگه بولیب و مملکت اینیقسه شمال و شمال‌شرقی ولایت‌لرده کوپینچه مخلصلرنی اوزیگه قیزیقتیرگن.