مملکت طبیعی آفت‌لرنی باشقریش ایشلری بوییچه دولت وزیرلیگی مسئوللری، بوگون (شنبه، ۱۵ میزان)، هرات، فراه و بادغیس ولایت‌لریده کیتمه_کیت کمیده تورت زلزله یوز بیرگنیدن خبر بیرگن.
طبیعی آفت‌لرنی باشقریش ایشلری بوییچه دولت وزیرلیگی سوزلاوچیسی محمد عبدالله جان گه کوره، هرات ولایتی زنده‌جان تومنیده زلزله باعث ۱۵ کیشی قربان بولیب و باشقه ۴۰ کیشی یره‌لنگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه، بادغیس و فراه ده یوز بیرگن بوگونگی زلزله ده، بیر قطار یشش اوی‌لر بوتونلی و نسبی روشده بوزیلگن؛ بیراق جانی تلفات حقیده معلومات بیریلمه‌گن.
اونگه کوره، هرات زنده‌جان تومنی نینگ اوچ قیشلاغیده یشش اوی‌لر بوتونلی بوزیلگن.
او نینگ کوپه‌یتیریشیچه: «قوتقروو تیم‌لرنی یوباردیک، معلومات‌لر گه کوره، هرات ده اسدالله، وردکی و سنجاب قیشلاق‌لری یشاوچیلری نینگ یشش اوی‌لری بوتونلی بوزیلگن، اوشبو زلزله طفیلی ۱۵ کیشی قربان بولیب و باشقه ۴۰ کیشی یره‌لنگن.»
طبیعی آفت‌لرنی باشقریش ایشلری بوییچه دولت وزیرلیگی مسئوللری نینگ ایتیشلریچه، مذکور وزیرلیک نینگ برچه رئیس‌لری گه، زیان کورگن ولایت‌لر نینگ یشاوچیلری گه امکانیت‌لری گه قره‌ب یاردم بیریش بویروغینی بیرگن.
بیزلرنینگ «ایکس» ترماغی ده هم تعقیب قیلینگ!
اوشبو وزیرلیک یاردم بیرووچی برچه نهادلردن، افغانستان غربی ده زلزله باعث زیان کورگن عایله‌لر گه یاردم کورسه‌تیش‌لرینی طلب قیلگن.
برچه‌سی بیلن، امریکا نینگ زلزله نی انیقلش اداره‌سی گه کوره، بیرینچی زلزله هرات نینگ زنده‌جان تومنیده ۶.۲ درجه ریشتر ده یوز بیرگن.
شونینگدیک، بوگون ایران ییتکیرمه‌لری اوشبو مملکت نینگ مشهد ولایتیده زلزله یوز بیرگنیدن خبر بیرگنلر.
معلومات‌لر گه بناً، مذکور زلزله تورکمنستان و اوزبیکستان نینگ ایریم قسم‌لریده حس ایتیلگن.
