کابل حیوان‌لر باغی مسئوللری نینگ سلام‌وطندار گه ایتیشلریچه، جاری ییل ایچیده ۵۰۰ مینگ کیشی کابل حیوان‌لر باغیدن کوریب چیققن و بو ییل حیوان‌لر باغی نینگ درآمدی ۱۵ میلیون افغانی گه ییتیشگن.
کابل حیوان‌لر باغی رئیسی عزیز‌گل ثاقب، حیوان‌لر، قوشلر و خزنده‌لر نینگ یوق بولیب کیتیش خوفی خصوصیده خواطر بیلدیریب ایتیشیچه، حاضر ایسه مارکوپولو کییک و قارلی یولبرس کبی ۱۴۹ تور حیوان، قوش و خزنده یوق بولیب کیتیش خوفی بیلن روپه‌ره دیر.
بیزلرنینگ فیسبوک صحیفه‌میزگه باش اورینگ!
کابل حیوان‌لر باغی رئیسی نینگ کوپه‌یتیریشیچه: «مارکوپولو کییک، چیتا، آسیایی و قارلی یولبرس کبی ۱۴۹ تور حیوان، قوش و خزنده یوق بولیب کیتیش خوفی بیلن روپه‌ره‌لر.»
شونده‌ی بیرحالده، اطراف-محیط نی سقلش ملی اداره‌سیده مسئوللر نینگ ایتیشلریچه، محافظه قیلینگن ساحه‌لر نی اعلام قیلیش بیلن، افغانستان ده حیوان‌لر نینگ یوق بولیب کیتیش خوفی نینگ آلدی نی آله‌دیلر.
بیزلرنینگ «ایکس» ترماغی ده هم تعقیب قیلینگ!
اطراف-محیط نی سقلش ملی اداره‌سی نینگ طبیعی میراث‌لر نی سقلش باشلیغی حامد صافی نینگ ایتیشیچه: «۱۴۹ توری حفاظت بولینه‌دیگن دییلیب و رهبرلیک کمیته‌ی نینگ آرقه‌لی تانیلگن و حیوان‌لر، قوشلر شامل ۱۴۹ توری دیر و بیر قطار محافظه قیلینگن ساحه‌لر اعلام بولگن دیر. یوق بولیب کیتیش خوفی آستیده قرار تاپگن حیوان‌لر بار که مستقیم شکلده محافظه بولمه‌یدی؛ بیراق مستقیم بولمه‌گن شکلده رواجلنیش برنامه‌لر آرقه‌لی و محافظه بولگن ساحه‌لر نینگ اعلام قیلیش بیلن، اولر نینگ یوق بولیب کیتیشی آلدینی آلیشیمیز ممکن.»
اطراف-محیط نی سقلش ملی اداره‌سی مسئوللری گه کوره، اوشبو اداره اطراف-محیط نی سقلش اوچون ۲۰۳۰ گه قدر استراتژیک بیر حجت خصوصیده ایشله‌یدی.
