تایمز معلوماتیگه کوره، بریتانیا یقین وقت ایچیده فلسطیننی مستقل دولت صفتیده اعتراف ایتیشگه تیارلنماقده. بیراق بو قرار دونالد ترامپنینگ سعودی عربستان گه تشریفی یکونلنگنیدن کېین اعلان قیلینیشی کوتیلماقده.
منبعلرنینگ تأکیدلشیچه، باش وزیر مسئلهنی امریکا جمهور باشلیغی مملکتنی ترک ایتگنگه قدر کیچیکتیریش گه قرار قیلگن. بو قدم ستارمر ۱۸-سپتامبر کونیگه بیلگیلنگن قوشمه مطبوعات انجمنیده موضوعنینگ اساسی بحث گه ایلنیب کیتیشیدن خواطرلنگنی بیلن ایضاحلنماقده.
رویترز خبری گه کوره، واشنگتن فلسطیننی رسمی تن آلیشگه کېسکین قرشی. لندننینگ بوندهی قدمی ایکی دولت اورتهسیدهگی مناسبتلرنی ساویتیشی ممکنلیگی قید ایتیلماقده.
معلوماتلر گه قرهگنده، بریتانیا اۉز قرارینی بیرلشگن ملتلر تشکیلاتی عمومی ییغیلیشی باشلنیشیدن آلدین اعلان قیلیشی کوتیلهدی. شو ییغیلیشده فرانسه، کانادا و آسترالیا هم فلسطیننی دولت صفتیده اعتراف ایتیشی ممکنلیگی ایتیلماقده.
