بریتانیا، کانادا و آسترالیا باش وزیرلری، اوشبو مملکتلر ۳۰-سنبله، یکشنبه کوندن باشلب فلسطیننی دولت صفتیده رسمی تن آلگنلرینی اعلان قیلدیلر.
بریتانیا باش وزیری کییر استارمر شوندهی دیېدی: «بوگون، فلسطینلیکلر و اسرائیللیکلر اوچون تینچلیک امیدی قیته جانلنیشی و ایکی مملکتلی ییچیم یولی اوچون، بریتانیا رسمی طرزده فلسطیننی دولت صفتیده تن آلهدی.»
کانادا باش وزیری مارک کارنی هم بوگون، کانادا فلسطیننی دولت صفتیده تن آلهدی و یقین شرقده دایمی صلح برقرار اېتیلیشی اوچون قتنهشیش وعدهسینی بیردی.
شونینگدیک آسترالیا باش وزیری آنتونی آلبانیزی، بو مملکت بوگوندن باشلب فلسطین مستقللیگی و حاکمیت گه ایگه اېکنلیگینی تن آلیشینی اعلان قیلدی.
آسترالیا باش وزیری گه کوره، فلسطیننی دولت صفتیده تن آلیش، آسترالیانینگ ایکی مملکت ییچیمینی قۉللب-قوتلشیدن درهک بیرهدی.
بوندن آلدین فرانسه و باشقه بیرقطار مملکتلر، نیویورکده بیرلشگن ملتلر تشکیلاتی عمومی ییغیلیشیده، فلسطیننی دولت صفتیده تن آلیشلرینی اعلان قیلگن اېدیلر.
اسرائیل غزهده اوروشنی کوچهیتیریب و بو شهرنی باسیب آلیش اوچون ییر عملیاتینی باشلهگن بیرحالده، بو اوچ مملکت فلسطیننی دولت صفتیده تن آلدیلر.
