بریکس گروهی یېتکچیلری، بوگون (۱۵-سرطان، یکشنبه) برازیلنینگ یودوژانیروی شهریده ییغیلیشلری کوتیلهدی.
بریکس ینگی رواجلنهیاتگن گروه رهبرلری، اۉزینینگ کوپ تامانلمه همکارلیک طرفداری دیب اعلان قیلگن و غرب حکمرانلیگیدهگی خلقارا مالیهوی توزیلمهنی اۉزگرتیریش گه حرکت قیلماقده.
بیزلرنینگ فیسبوک صحیفهمیزگه باش اورینگ!
برازیل جمهور باشلیغی لوییز ایناسیو لولا دا سیلوا، اوتگن کون بریکس تجاری ییغیلیشیده، حمایهچیلیکنینگ کوچهیشیگه قرشی کورهش، ینگی رواجلنهیاتگن مملکتلرنینگ وظیفهسی دیر – نیچه تامانلمه تجارت رژیمینی قۉللب-قوتلب و خلقارا مالیهوی تیزیمنی اصلاح قیلیشلری کېرهک دیگن.
خلقارا یېتکرمهلرنینگ گزارشی اساسیده، لولا بریکس گه اعضا اولکهلر، اېندی دنیا نفوسینینگ یریمیدن کوپراغی و ۴۰ فایز اقتصادی ایشلب چیقریشلرنی تشکیل بیریشینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
بریکس گروهی بیرینچی ییغیلیشی، میلادی ۲۰۰۹-ییلده روسیه، برازیل، هندوستان و چین یېتکچیلرینینگ حضوری بیلن اۉتکزیلدی. کېین اېسه جنوبی افریقا بریکس گه قوشیلدی و اوتگن ییلی هم مصر، اتیوپی، اندونیزیا، ایران، سعودی عربستان و بیرلشگن عرب امیرلیگی بریکسنینگ کامل اعضالری اولهراق بو گروه گه قوشیلدی.
خلقارا تجاری کېسکینلیکلر، امریکانینگ بیقرار سیاستلری و منطقهده ینگی قدرتلر ظهور قیلیشی، خلقارا معاملهلرده تأثیرچن قدرت اولهراق پیدا بولیشی اوچون، بریکس گروهی گه امکانیت یرهتگن.
