کابل شهری یشاوچیلری و کسبه‌کارلریدن بیرقطاری، سونگی هفته‌لرده برق پرچوی‌سی کوپه‌یگنیدن شکایت قیلیب ایتیشلریچه، کونده‌لیک ایشلری و آوقت‌لرینی پیشیریش اوچون جنراتور و گاز دن فایده‌لنیشگه مجبورلر.
اولر گه کوره، گاز و جنراتور دن قوللنگن حالده مصرف‌لری کوپیه‌دی.
کابل شهری قلعه‌ی فتح‌الله ده بیر شخصی مطبعه مسئولی احمدشاه نینگ ایتیشیچه، هر کونی ایکی یا که تورت ساعت برق‌لری بار، شونی اوچون ایشلری قیینچیلیک بیلن دوچ بولگن.
بیزلرنینگ فیسبوک صحیفه‌میزگه باش اورینگ!
اونگه کوره: «برق‌سیزلیک کتته قیینیچلیک دیر، ایشیمیز اوچون ۲۴ ساعت برققه نیازمند میز، بیر افغانی درآمد قیلیش اوچون برق کیره‌ک؛ برق یوق‌لیگی باعث جنراتور یاقه‌میز لیکن مصرفیمیز کوپیه‌دی.»
کابل شهری دشت‌برچی ده بیر تیکووچیلیک مسئولی سمیع‌الله گه کوره، برق یوق‌لیگی ایشلری اوستیگه سلبی تاثیر قیلگن: «بیر کونده بیر یا که ایکی ساعت برقیمیز بار، دکاندارلر جمله تیکووچیلیگی بولگن‌لر نینگ برققه نیازی بار، برق بولمسه ایشله‌ی آلمه‌یمیز، چمه‌سی ۱۲ ساعت برقیمیز بولیشی درکار، بعضی کونلر حتا بیر ساعت برق کیلمه‌یدی.»
شونینگدیک، اقتصادی قیینچیلیک بیلن دوچ بولگن کابل یشاوچیلریدن باشقه بیرقطاری نینگ ایتیشلریچه، ایرتنگ چاغ‌لری برق یوق‌لیگی باعث حتا ایرتنگ چای‌لرینی دمله‌ی آلمه‌یدیلر.
کابل قلعه‌ی زمان خان یشاوچیسی حکم‌الدین خالقی نینگ سلام‌وطندار گه ایتیشیچه: «برقیمیز یوق‌لیگی اوچون حاضرگچه چای ایچکنیمیز یوق، کیچه ساعت ۱۲:۳۰ ده برق کیله‌دی حاضر قرانغو گه اولتیریب‌میز، تیلیفون چراغینی یاقیب آوقت‌لنه‌میز، اوینی یاختی قیلیش اوچون باشقه هیچ نرسه‌میز یوق.»
بیزلرنینگ «ایکس» ترماغی ده هم تعقیب قیلینگ!
افغانستان برق ییتکیزیش شرکتی (برشنا) گه کوره، ایچکی منبع‌لر برق‌نی تامینله‌ی آلمسلیگی کابل شهری ده برق پرچوی‌سی کوپه‌یشیگه سبب بولگن. برشنا سوزلاوچیسی حکمت‌الله میوندی نینگ ایتیشیچه، کابل شهری ده برق پرچوی‌سی قیینچیلیگی حلی اوچون سعی‌وحرکت قیلماقده‌لر.
او نینگ کوپه‌یتیریشیچه: «قیش ییتیب کیلماقده و طلب حددن تشقری دیر، قورغاقچیلیک باعث ایچکی منبع‌لر نینگ تولیدی کمه‌یگن، بو قیینچیلیک حلی اوچون حرارتی ماشین ساتیب آلدیک، انشاءالله قیین احواللر ده بو ماشین دن قوللنه‌میز، کونلر دولت صناعتچیلری گه ایشلرینی آلغه آلیب باریش اوچون برق بیره‌میز.»
افغانستان ده برق ییتیشمسلیگی باعث هر ییلی قیش موسمی ییتیب کیلیشی و هوا ساووق بولیشی همده برققه طلب آشیشی بیلن، کابل شهری ده برق پرچوی‌سی حددن تشقری آشه‌دی.
