قیرغزستان‌لیک سوداگرلر و سرمایه یاتقیزووچیلر، افغانستانده تورلی ساحه‌لر اینیقسه برق بولیمیده سرمایه یاتقیزیش گه علاقه کورستگن.
بیزلرنینگ فیسبوک صحیفه‌میزگه باش اورینگ!
افغانستان برق یېتکیزیش شرکتی (برشنا) بوگون (۲۵-سرطان، دوشنبه) ایکس صحیفه‌سیده بیر بیانیه ترقه‌تیب، اوشبو اداره عمومی باشلیغی محمدحنیف حمزه، قیرغزستان‌لیک بیرقطار سوداگرلر و سرمایه یاتقیزووچیلر بیلن کابل ده اوچره‌شگنیدن خبر بیرگن.
برشنا شرکتی، قیرغزستان‌لیک سوداگرلر و سرمایه یاتقیزوچیلردن نقل قیلیب، اولر افغانستانده سوو قوریلمه‌لری، برق سب ستیشن‌لری و برق نی کوچلنتیریش ساحه‌لریده همکارلیک قیلیب و بوتوغریده سرمایه یاتقیزیش گه علاقه‌مندلر دیب یازگن.
بیزلرنینگ «ایکس» ترماغی ده هم تعقیب قیلینگ!
شونینگدیک اولر، افغانستان برشنا شرکتی نینگ تخنیکی تیم‌لری اوچون شخصی پوللری بیلن تعلیم زمینه‌سینی یره‌تیش گه تیارگرلیک‌لرینی بیلدیرگن.
بو اوچره‌شووده مذکور اداره باشلیغی حمزه جنابلری، افغانستانده تورلی ساحه‌لرده سرمایه یاتقیزیش اوچون امنیت بوتونلی تأمینلگنیدن ایشانچ بیلدیریب و اولر بیلن همکارلیک قیلیش وعده‌سینی بیرگن.