کابل ده ابن سینا کورهک کسللیکلری کسلخانهسیده سرطانننی کنترول قیلیش ملی برنامهسیده شفاکارلرنینگ ایتیشلریچه، عیاللر آگاهیسیزلیگی، دوالنیش مرکزلریگه وقتیده مراجعت قیلمسلیکلری و دوالنیش خذمتلر کملیگی سبب، مملکتدهگی عیاللر یاشیرین شکلده کوکرهک بیزی سرطانی قربانیسی بولهدی. اولرگه کوره، ناساغلام یشش اسلوبی، نامنظم شکلده سوت بیریش، سیمیزلیک، هورمونی دارولردن فایدهلنیش، ژنتیک و حددن تشقری استرس، عیاللرنی کوکرهک بیزی سرطانیگه چلینتیرهدی.
شفاکارلرنینگ کوپهیتیریشلریچه، عیاللر آگاهیسیزلیگی، اوشبو کسللیکنینگ دوالنیش پروسهسینی قیینلشتیریب و شفاکارلر کسل کیشینینگ حیاتینی قوتقریش مقصد، کسلنینگ تنه اعضاسی (کوکرهگینی) کیسیب تشلشگه مجبور بولیشهدی. ابن سینا کورهک کسللیکلری کسلخانهسیده سرطاننی کنترول قیلیش ملی برنامهسیده، کوکرهک بیزی سرطانی بوییچه جراح، سمیرا شهیر رحیمینینگ سلاموطندار گه ایتیشیچه، کسل عیاللردن قطاری سرطان رواجلنگنی پیتده بیزگه مراجعت قیلگنیده، یا تنهسینینگ بیر قسمی کیسیب تشلنهدی یا-ده حیاتینی قولدن بیرهدی.
بیزلرنینگ «ایکس» ترماغی ده هم تعقیب قیلینگ!
اونینگ کوپهیتیریشیچه: «قیغو بیلن قیزلرنینگ بو کسللیککه چلینگنی واقعهلریمیز هم بار ایدی؛ لیکن اولرنینگ چلینگنی سببی، قشاقلیک، طبی خذمتلریدن فایدهلنه آلمسلیک یا-ده وقتیده دوالنیش مرکزلرگه مراجعت قیلمسلیک دیر. بیش ییلدن بیری بو کسللیککه چلینیب و مراجعت قیلمهگن کسلیمیز هم بار ایدی؛ حاضر کوکرهگی بوتونلی آققنیده مراجعت قیلگن.»
نسایی-ولادی شفاکارلر انجمن باشلیغی نجمالسما شفاجونینگ سلاموطندار گه ایتیشیچه، ناساغلام یشش اسلوبی، شفاکار مصلحتی بولمسدن هورمونی دارولردن فایدهلنیش، تیزلیک بیلن حیض کوریشنینگ باشلنیشی و اونینگ کیسیلیشیده کیچیکیش، عیاللرده کوکرهک بیزی سرطانیگه چلینیش احتمالینی کوپهیتیرهدی. «کمراق سوت بیریش، تیزلیک بیلن حیض کوریشنینگ باشلنیشی و اونینگ کیسیلیشیده کیچیکیش، فیزیکی فعالیت کملیگی، اولاد کیلتیریش اورتهسیده فاصله یرهتیش اینیقسه استروژنی بولگن دارولردن فایدهلنیش، کوکرهک بیزیگه چلینیلیشینی کوپهیتیرهدی. عیاللردن یالغیز ۵ فایزینینگ ارثی شکلده کوکرهک بیزی سرطانیگه چلینیشی ممکن؛ یوقاری فشاری بولگن، شکر، حددن تشقری استرس و توییب آوقتلنمهیدیگن عیاللرده، کوکرهک بیزی سرطانیگه چلینیش احتمالی کوپراق دیر.»
نسایی-ولادی متخصص شفاکارلریدن باشقه بیری سونیتا بهرامنینگ ایتیشیچه: «کوکرهک بیزی سرطانی باشده عیاللرده تیزلیک بیلن کوریلمسه؛ بیراق عموم شکلده کیچیک و ثابت کتلهلر بوله آلهدی؛ بویوک و یورهدیگن کتلهلر بوله آلهدی؛ آز آز آغریغی بوله آلهدی؛ کوکرهک اندارهسیده تغییرلر کیله آلهدی. عیاللرنینگ فکری بولگنیده، باشده عیاللر آرقهلی تشخیص بولهدی که علایملرینی جدی آلیشی کیرهک و کیین فیزیکی و التراسوند معاینهلرینی قیلیشی کیرهک و قطعی شکلده تشخیص قیلماقچین بولسهک، امآرای گه نیاز بار.»
ایکی ییلدن بیری کوکرهک بیزی سرطانیدن اذیت چیکهدیگن هلمند یشاوچیسی ۳۵ یاشر یاقوتنینگ ایتیشیچه، بو کسللیک حقیده هیچ بیر نرسه بیلمس ایکن و حاضر دوالنیش مقصد اقدام قیلگنیده، شفاکارلر جراحی بولیشی کیرهک دیگن. «ایکی ییلدن بیری کسلمین. کابل گه دوالنیش مقصد کیلدیم، بو ییرده تلویزیونی معاینه قیلیب و عکس آلدیلر و راست کوکرهگیمده سرطان بارلیگی بیللی بولدی. آلتی آیده بیری واکسین آلهمن و حاضر شفاکارلر جراحی عملیات بولیشیمنی ایتگنلر.»
کوکرهک بیزی سرطانیگه چلینگن کسللردن باشقه بیری ۲۸ یاشر حفیظه، کسللیگینینگ دوالنیشی مقصد مراجعت قیلگنیدن ۱۵ کون بولگن. اونینگ ایتیشیچه: «قریب ایکی ییلدن بیری کسلمین و دوالنیش مقصد مراجعت قیلگنیمدن فقط ۱۵ کون بولگن و نیچه کسلخانه گه باردیم. معاینهلریم خرهجتی ۲۵ مینگ افغانی بولدی و ینگیلیکده سرطانیم بارلیگی بیللی بولدی و حاضر بستر بولگنمین. وضعیتیمنینگ نیمه بولیشینی بیلمهیمن.»
بیزلرنینگ فیسبوک صحیفهمیزگه باش اورینگ!
اسلام امیرلیگی ساغلیقنی سقلش وزیرلیگی سوزلاوچیسی شرافت زمان امرخیلنینگ ایتیشیچه، اوتگن ییللرگه قرهگنده سرطان تورلریگه چلینیش واقعهلر کوپهیگن. «سرطان کسللریگه یخشیراق خذمت کورسهتیش اوچون اوتگن ییل بیر کسلخانهنینگ قیته قوریلیش ایشینی باشلهدیک، اوشبو دوالنیش مرکزی اوچون بیر بنانینگ اختصاص بیردیک، مذکور کسلخانهنینگ خادملری توغریسیده ایشلهدیک و شونینگدیک بو کسلخانه جهازلری بولیمیده ایشنینگ دوامی بار. جهازلر بولیمیده یالغیز رادیوتراپی آز دیر که فرصت بیلن اونینگ جهازلنیشی اوچون هم ایشلهیمیز.»
خلقارا ساغلیقنی سقلش تشکیلاتی، ییلده دنیا بویلب ۲.۳ میلیون عیالنینگ کوکرهک بیزی سرطانیگه چلینیب و بو کسللیک نتیجهسیده اولردن ۶۰۰ مینگدن آرتیغی حیاتلرینینگ قولدن بیریشلرینی گزارش بیریگنی بیرحالده، مملکتده کوکرهک بیزی سرطانیگه چلینگن عیاللر، مذکور کسللیک توغریسیده آگاهیسیزلیکدن خواطرلنگنلر.
