جی ۲۰ لیدرلری‌نینگ ایکی کون‌لیک ییغیلیشی، دنیا ده آچلیککه قرشی کوره‌ش مقصد برازیل ده اوتکزیلگن. اوشبو ییغیلیش‌ده جی ۲۰ لیدرلری‌نینگ ایتیشلریچه، دنیاده حکومتی نهادلر‌نینگ اصلاح بولیشی و شونینگدیک دنیاده‌گی میلیاردرلر گه چیکلاولر یره‌تیلیشی کیره‌ک. اوشبو ییغیلیش یکونی‌ده آچلیککه قرشی کوره‌ش اوچون خلق‌ارا بیرلیک تشکیل ایتیلگن.
شونده‌ی بیرحالده، اسلام امیرلیگی اقتصاد وزیرلیگی مسئوللری نینگ ایتیشلریچه، جی ۲۰ لیدرلری افغانستان ده سرمایه یاتقیزیش و کیچیک تجارت‌لرنی قوللب-قوتلش بیلن، بو مملکت‌ده قشاق‌لیک میزانی نی کمه‌یتیره آله‌دیلر.
اقتصاد وزیرلیگی سوزلاوچیسی عبدالرحمان حبیب نینگ ایتیشیچه: «۲۰ لیدرلری مالی و اقتصادی یاردم‌لرینی بیریش بیلن مملکتی‌میزده آست‌قورمه‌لر نینگ قیته قوریلیشی گه یاردم بیره آله‌دیلر و جی ۲۰ لیدرلری کنفرانسلر و برنامه‌لر آرقه‌لی سرمایه یاتقیزووچیلرنی افغانستان گه حضور تاپیشلری اوچون تشویق قیلیب و اقتصادی قیین‌چیلیک و قشاق‌لیک کمه‌یشی گه سبب بوله آله‌دیلر.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، حادثه‌لرنی باشقریش ایشلری بوییچه دولت وزیرلیگی مسئوللری نینگ ایتیشلریچه، اسلام امیرلیگی افغانستان ده آچلیک کمه‌یشی اوچون ییچیم یوللر نی قولگه آلگن که اولردن بیری نیازمند کیشیلر قیین‌چیلیگی حل قیلینیشی دیر.
اوشبو وزیرلیک سرپرستی نورالدین ترابی نینگ ایتیشیچه، بوگون (۲۹-عقرب، سه‌شنبه)، طبیعی حادثه‌لردن زیان کورگن ۵۰۰ عایله گه یاردم ترقه‌تگنلر که بو، آچلیککه قرشی کوره‌ش اوچون اسلام امیرلیگی نینگ ییچیم یوللریدن بیر بولیمی دیر.
جناب ترابی نینگ کوپه‌یتیریشیچه: «هر هفته‌ده بیر مرته اهالی گه یاردم بیره‌میز و بوگون هم ۵۰۰ عایله گه یاردم بیردیک که، اون، برنج و باشقه قیش اوچون اوچ قلم کییم-کیچک‌دن عبارت دیر.»
شونده‌ی بیرحالده، طبیعی حادثه‌لردن زیان کورگن عایله‌لردن قطاری نینگ ایتیشلریچه، مذکور یاردم‌لر نینگ دوام قیلیشی کیره‌ک.
بیزلرنینگ فیسبوک صحیفه‌میزگه باش اورینگ!
حادثه‌لرنی باشقریش ایشلری بوییچه دولت وزیرلیگی آرقه‌لی بوگون کابل شهری‌ده یاردم قولگه کیلتیرگن نیازمند کیشیلردن عبدالصمد نینگ ایتیشیچه: «بو یاردم‌لر بیزلر گه ییترلی ایمس و اسلام امیرلیگی‌دن برچه گه ایش زمینه‌سی یره‌تیلیشی نی ایسته‌یمیز.»
شونینگدیک بو یاردم‌لردن فایده‌لنگنلردن باشقه بیری تورپیکی نینگ ایتیشیچه: «بو یاردم‌لر بلکیم بیر آی‌گچه ییتیشسه، انه شوو سبب دولت‌دن عیاللر گه ایش زمینه‌سی یره‌تیلیشی نی ایسته‌یمیز که بو یاردم‌لر دواملی بولسه و عایله اعضامیز گه ییترلی بولسه.»
ایتیش کیره‌ک که، بوندن آلدین بیرلشگن ملتلر تشکیلاتی نینگ انسان‌پرورلیک یاردم‌لرنی هماهنگ قیلووچی دفتری یا-ده اوچا، بو ییل بودجه کم‌لیگی سبب ۲ میلیون کمبغل کیشی نینگ یاردم‌لری رویخطی‌دن چیقرگنینی ایتگن.
