بیرلشگن ملتلر تشکیلاتینینگ ایتیشیچه، بریل کوریش امکانیتی بولمهگن کیشیلرگه بشری حقلریدن بوتونلی فایدهلنیش امکانیتینی بیرهدی.
اوشبو نهادنینگ بوگون (۱۴-جدی/ ۴-جنوری، یکشنبه)، خلقارا بریل کونی مناسبتی بیلن اکس صحیفهسیده یازیشیچه، مذکور خط کوریش امکانیتی بولمهگن کیشیلر حیاتینی اوزگرتیریش قابلیتیگه ایگه دیر.
بیرلشگن ملتلر تشکیلاتینینگ کوپهیتیریشیچه، ناگران کیشیلر تعلیمی، ایش و طبی خذمتلردن آز فایدهلنیب و اجتماعگه آزراق اشتراک قیلیشهدی.
بو نهادگه کوره، ناگران کیشیلر کوپراق قشاقلیک خوفی، یوقاری درجهده زورهوانلیک، و توجهسیزلیککه دوچ بولیشهدی.
بیرلشگن ملتلر تشکیلاتینینگ اورغولشیچه، ضرور معلوماتلر بریل و ایشیتیلهدیگن شکللر کبی قولهی فارمتلرده ایشلب چیقریلمهگنی صورتده، ناگران کیشیلر کورستمهلر و آلدینی آلیش اقداملریگه ییترلیچه ایریشه آلمسلیک سبب، یوقاری خوف بیلن روپهره بولیشی ممکن.
۲۰۱۹-ییل تورتینچی جنوری، بیرلشگن ملتلر تشکیلاتی عمومی مجمعسی آرقهلی کوریش امکانیتی بولمهگن کیشیلر اوچون بشر حقوقینینگ بوتونلی تامینلنیشی و علاقه قوریلیشی توغریسیده بیر وسیله صفتیده بریل اهمیتی حقیده آگاهیلیک آشیریلیشی مقصد، خلقارا بریل کونی دیب ناملنگن.
بریل، تیگینیش (لمس بولهدیگن) یازوو تیزیمی بولیب، حرفلر و رقملرنی افادهلش اوچون آلتی نقطهدن فایدهلنهدی و حتا موسیقه، ریاضی و علمی بیلگیلرنی هم اوز ایچگه آلهدی.
