امتحان‌لر ملی اداره‌سی نینگ معلوماتی اساسیده، ۱۴۰۰ییل کانکور سیناوی بوگون (شنبه، ۱۴عقرب) کابل ده مطبوعاتی ییغینده میدیالر بیلن شریک قیلیندی، ۸۴ مینگ ۸۶۳ کیشی بیلیم یورت‌لر و ۳۶ مینگ اوقووچی ایسه انستیتوت‌لر گه جذب بولگن‌لر.
هرات ولایتی سلطان غیاث‌‌الدین لیسه‌سی اوقووچیسی و غلام جیلانی نینگ اوغلی سلیمان، ۳۵۵.۴ نمره آلیش بیلن کانکور سیناوی عمومی اول نمره‌سی اعلام بولگن.
بیزلرنینگ فیسبوک صحیفه‌میزگه باش اورینگ!
امتحان‌لر ملی اداره سرپرستی عبدالقدیر خموش، بوگون (شنبه، ۱۴عقرب) کابل ده اوتکزیلگن مطبوعاتی ییغینده ایتیشیچه، اوشبو ییل دلخواه فاکولته‌لری گه یول تاپه آلمه‌گن اوقووچیلر، پذیرش‌لری تولمه‌گن بیلیم یورت‌لر گه درخواست بیره آله‌دیلر.
اونگه کوره، بو جریان قنده‌ی‌لیگی کیین ایسه بیللی بوله‌دی.
باشقه تاماندن خموش، کانکور سیناوی نتیجه‌سیدن راضی بولمه‌گنلر، کیین شریک قیلینه‌دیگن فورم ده، اوز شکایت‌لرینی یازیب و یوللش‌لرینی طلب قیلدی.
بیزلرنینگ توییترده هم تعقیب قیلینگ!
امتحان‌لر ملی اداره‌سی نینگ معلوماتی اساسیده، اوشبو ییل کانکور سیناوی ده ۱۶۰مینگ ۳ اوقووچی اشتراک قیلگن ایدی.
مذکور اداره گه کوره، نتیجه‌لری قالگن اوقووچیلر، بوگون توش ده ساعت ۱۲ دن کیین، اوز نتیجه‌لرینی آنلاین روشده کوره آله‌دیلر.
