بیرلشگن ملت‌لر تشکیلاتی نینگ انسان پرورلیک یاردم‌لرینی هماهنگ قیلووچی دفتری (اوچا)، سه‌شنبه کونی، ۱۶-عقرب، ترقه‌تگن بیانیه‌سیده، سونگی کون‌لرده پاکستان دن جبردن چیقریلگن افغانستان‌لیک قاچقینلر نینگ ۶۰ فایزینی باله‌لر تشکیل بیریشینی ایتگن.
مذکور تشکیلات گه کوره، سونگی نیچه کون ده یالغیز تورخم و اسپین‌بولدک بندرلری دن افغانستان‌لیک ۲۰ مینگ دن آرتیق مهاجر مملکت گه قیتگن.
اوچا، پاکستان دن جبر دن چیقریلگن قاچقینلر وضعیتی نی خواطرلی عنوان قیلگن.
بیزلرنینگ فیسبوک صحیفه‌میزگه باش اورینگ!
اوشبو تشکیلات، پاکستان دن جبر دن چیقریلگن افغانستان‌لیک قاچقینلر اقتصادی قیینچیلیک بیلن روپه‌ره بولیب و تیز یاردم گه محتاج لیگینی معلوم قیلگن.
اوچا نینگ بیانیه‌سیده کیلیشیچه: «اوشبو مملکت گه قیته‌دیگن قاچقینلر نینگ ۶۰ فایزی باله‌لر دیر. اولر نینگ وضعیتی خواطرلی دیر، اولر نینگ اکثریتی کون‌لر یول یوریگن، قییر گه باریش‌لری بیللی ایمس.»
پاکستان ییل‌لردن بیری افغانستان‌لیک میلیون‌لر چه قاچقین میزبانی دیر.
پاکستان دولتی، بیرینچی اکتوبر آیی ده اوشبو مملکت دن افغانستان‌لیک ۱.۷ میلیون قاچقین شامل ناقانونی مهاجرلر نینگ چیقریش بویروغینی اعلام قیلدی.
بیزلرنینگ «ایکس» ترماغی ده هم تعقیب قیلینگ!
پاکستان دن افغانستان‌لیک قاچقینلر نینگ جبر دن چیقریش جریانی توخته‌تیلیشی گه دایر خلق‌ارا تشکیلات‌لر و انسان حقلری نهادلری نینگ طلب‌لری بیلن، پاکستان دولتی بو طلب‌لر گه اعتبار بیرمس دن سونگی کون‌لر ده ناقانونی قاچقینلر نینگ قولگه آلیب و چیقریش جریانینی تیزلشتیرگن.
سونگی معلومات‌لر گه بناً، پاکستان دن افغانستان‌لیک قریب ۲۰۰ مینگ مدرک‌سیز قاچقین حاضرگچه چیقریلگن.
