بیرلشگن ملتلر تشکیلاتی بیلرمانلری، پاکستان دن افغانستان‌لیک قاچقینلرنینگ چیقریلیش دستوری بیکار قیلینیشی‌نی سوره‌ب و بو مملکت‌دن افغانستان‌لیک قاچقینلرنینگ جبری شکلده چیقریلیشی توخته‌تیلیشی‌نی ایسته‌گن.
مذکور بیلرمان‌لر، ۱۵-حمل، جمعه کونی قوشمه بیر بیانیه‌ده پاکستان دولتی‌دن، افغانستان‌لیک قاچقینلرگه اوزاق ییل‌لردن بیری میزبان‌لیک قیلیب کیله‌یاتگن قوشنی بیر مملکت صفتیده، بو میزبان‌لیگی‌گه دوام بیریشی‌نی ایسته‌گن.
بیزلرنینگ «ایکس» ترماغی ده هم تعقیب قیلینگ!
پاکستان دولتی افغانستان‌لیک قاچقینلرنینگ داوطلب‌لیک شکلده چیقریلیشی اوچون ۳۱-مارچ‌گچه وقت بیرگن ایدی و بو وقت‌نینگ یکون‌لنیشی بیلن، جبری شکلده چیقرییش پروسه‌سینی باشله‌گن. بیرلشگن ملتلر تشکیلاتی بیلرمان‌لری‌گه کوره، پاکستان ده میلیون‌لب قاچقین بو مملکت‌دن چیقریلیب و افغانستان گه قیته یوباریلیش خوفی آستیده قرار تاپگن.
اولرنینگ ایتیشلریچه: «پاکستان دن افغانستان‌لیک قاچقینلرگه ایچکی ییرلشتیریلیش، چیقریلیش، قولگه آلینیش و باشقه هر قنده‌ی باسیم‌‌نینگ توخته‌تیلیشی‌نی ایسته‌یمیز.»
بیرلشگن ملتلر تشکیلاتی بیلرمان‌لری‌‌نینگ کوپه‌یتیریشلریچه، باله‌لر قاچاق و کیچیک یاش‌ده تورموش گه چیقریلیش خوفی آستیده دیر و شونده‌ی بیرحالده، ناگران و کیکسه‌لر هم جبرلنه‌دیگن کیشی‌لر دیر. مذکور بیلرمان‌لر‌نینگ اورغولشیچه، «اولردن برچه‌سی‌نینگ اَیری اَیری بهالنیشی کیره‌ک.»
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی، باشقه مملکت‌لردن هم افغانستان اهالی‌سی‌نینگ چیقریشی‌دن خواطر بیلدیریب و اونی خلق‌ارا بشری حقوق و قاچین‌لیک قانونلری‌نینگ نقضی دیگن. ایتیش کیره‌ک که، پاکستان گه علاوه، ایران هم افغانستان‌لیک قاچقینلرنینگ چیقریلیش پروسه‌سینی باشله‌گن.
بیرلشگن ملتلر تشکیلاتی بیلرمانلری، افغانستان‌لیک قاچقینلرگه پایدار ییچیم یوللر کورسه‌تیلیشی و خلق‌ارا جمعیت آرقه‌لی کوپینچه حمایت گه تاکید قیلگن.
