بلخ ساغلیق‌نی سقلش ریاستی مسئوللری نینگ ایتیشلریچه، اوتگن بیر ییل‌ده اوشبو ولایت نینگ اوزاق قیشلاقلریده قریب ۴۰ ساغلیک مرکز توزه‌تیلگن.
اولر، اوشبو معلومات‌لر نی اوتگن کون (شنبه، ۸-میزان)، بلخ ساغلیق‌نی سقلش ریاستی نینگ بیر ییل‌لیک یوتوق‌لریدن گزارش ارائه بولیش مقصدیده یولگه قوییلگن خبری بیر ییغین‌ده، بیان قیلگنلر.
بلخ ساغلیق‌نی سقلش ریاستی رئیسی نجیب‌الله توانا نینگ ایتیشیچه، مذکور ولایت‌ده اوچ میلیون دالر خره‌جت بیلن قریب ۴۰ ساغلیک مرکز توزه‌تیلگن. اونگه کوره، اوشبو ساغلیک مرکزلر نینگ توزه‌تیلیش خره‌جتی، درمانی خذمت‌لر زمینه‌سیده همکار نهاد‌لر تامانیدن تامین‌لنگن.
بیزلرنینگ «ایکس» ترماغی ده هم تعقیب قیلینگ!
بلخ ساغلیق‌نی سقلش رئیسی نینگ کوپه‌یتیریشیچه: «بلخ یشاوچیلری گه دستلبکی طبی خذمت‌لر نینگ عرضه قیلینیشی اوچون، اوشبو ولایت نینگ اوزاق قیشلاقلریده، تورلی‌خیل نهاد‌لر نینگ مالی یاردمی بیلن ۴۰ته ساغلیک مرکز نی ایجاد قیلگن‌میز.»
بلخ ده ساغلیق‌نی سقلش مسئوللری نینگ ایتیشلریچه، اوشبو مرکزلر نینگ فعالیتی باشلنیشی بیلن، کمیده ۳۸۰ مینگ کیشی نینگ طبی خذمت‌لر گه قول تاپیشی ممکن.
بلخ ساغلیق‌نی سقلش رئیسی نینگ کوپه‌یتیریشیچه، اوتگن بیر ییل جریانیده، ساغلیق‌نی سقلش بولیمی ایشلاوچیلری نینگ ظرفیتی نی آشیریش، شفاکارلر بیلیم سطحی نینگ آشیریش اوچون آنلاین صنف‌لر ایجاد بولیشی و اوشبو ولایت‌ده ابو علی سینای بلخی حوزه‌ای کسل‌خانه‌سی نینگ ۴۰۰ اورین‌دن ۸۵۰ اورین گه کوچه‌یتیریش زمینه‌سیده، ایشله‌گنلر.
بیزلرنینگ فیسبوک صحیفه‌میزگه باش اورینگ!
ساغلیک مرکزلرده کسل‌دارلر و مراجعت قیلووچیلردن قطاری نینگ ایتیشلریچه، حاضرگچه ییترلی درمانی خذمت‌لر گه قول تاپه آلمه‌گنلر.
ابو علی سینای بلخی حوزه‌ای کسل‌خانه‌سیده‌گی کسل‌دارلردن بیری احمدالله نینگ سلام‌وطندار گه ایتیشیچه: «خذمت‌لر یخشی دیر، بیراق معاینه‌لر نی تشقری‌ده قیله‌میز.»
اسلام امیر‌لیگی نینگ قدرت گه ایریشگنیدن کیین، ساغلیق‌نی سقلش وزیرلیگی تورلی ولایت‌لر نینگ اوزاق بولیم‌لریده، ساغلیک مرکزلر ایجاد قیلگن دیر.
