قاچقینلر وزیرلیگی مسئوللری بوگون (یکشنبه، ۲۱-اسد)، امارت اداره‌لری نینگ ییل‌لیک یوتوق‌لرینی بیان قیلیش برنامه‌سیده ایتیشلریچه، سونگی بیر ییل‌ده قریب بیر میلیون ۸۰۰ مینگ افغانستان‌لیک قاچقین ایران، پاکستان، تورکیه و باشقه بیر قطار مملکتلردن افغانستان گه قیتگنلر.
قاچقینلر وزیرلیگی پلان و پالیسی باشلیغی محمودالحق احدی نینگ ایتیشیچه، اولر بیر قطار همکار موسسه‌لر یاردمی بیلن، سونگی بیر ییل‌ده مملکت گه قیتگن ۹۶ مینگ‌دن آرتیق عایله گه نقدی پول بیلن آزیق-آوقت محصولاتی نی یاردم بیرگنلر.
بیزلرنینگ «ایکس» ترماغی ده هم تعقیب قیلینگ!
محمودالحق احدی نینگ کوپه‌یتیریشیچه: «سونگی بیر ییل‌ده قاچقینلر وزیرلیگی ایچکی آواره و مملکت گه قیتگن ۷۸۹ مینگ عایله گه نقدی پول بیلن آزیق-آوقت محصولاتی نی یاردم بیرگنلر. قوشنی یا-ده باشقه مملکتلرده حیات کیچیره‌دیگن افغانستان‌لیکلر قیین‌چیلیکلری حلی اوچون مملکتلر رسمی‌لری بیلن صحبت قیلیب و قیین‌چیلیک نی تیگیشلی نهادلر گه ییتیشتیرگن‌میز.»
شونینگدیک مذکور برنامه‌ده قاچقینلر وزیرلیگی مسئوللری نینگ ایتیشلریچه، قاچقینلر قیین‌چیلیگی حلی اوچون ۹۳ همکار موسسه، ۷ اداره و ۱۴ تعلیمی نهاد بیلن همکارلیک شرطنامه‌لرنی امضا قیلگنلر.
اولر نینگ کوپه‌یتیریشلریچه، قاچقینلر گه دایمی باش‌پنه یره‌تیلیشی اوچون ۱۳ شهرچه تصفیه و نیاز بوله‌دیگن آسایشته‌لیکلر نظر گه آلینگن.
مملکت گه قاچقینلر نینگ قیتیش میزانی یوقاری‌لیگی بیلن، قاچقینلر وزیرلیگی نینگ مسلکی معینی عبدالرحمن راشد نینگ ایتیشیچه، حاضر ایسه تشقی مملکتلرده ۷ میلیون قاچقین و افغانستان ده اوچ میلیون ایچکی آواره بار.
بوندن آلدین احصائیه و معلومات اداره‌سی، افغانستان جمعیتی نی ۳۵ میلیون‌دن آرتیق دیب اعلام قیلگن که حاضر ایسه قاچقینلر وزیرلیگی نینگ آمارلریگه قره‌گنده، افغانستان‌لیکلردن کمیده اوچ‌دن بیر قسمی مملکت‌دن تشقی ده مهاجر یا-ده مملکت ایچیده آواره دیر.
شونده‌ی برحالده، قاچقینلر وزیرلیگی سوزلاوچیسی عبدالمطلب حقانی نینگ ایتیشیچه، حاضر هم ۱۱ مینگ‌دن آرتیق افغانستان‌لیک قاچقین تورلی سبب‌لرگه پاکستان و ایران ده حیات کیچیرماقده‌لر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «حاضر هم پاکستان ده قریب ۷۵۰۰ محبوسی‌میز بار و شونینگدیک ایران ده هم ۴۰۰۰ محبوسی‌میز بار؛ شونده‌ی بیرحالده بیر ییل‌ده ایران ده‌گی ۴۰۰۰ افغانستان‌لیک محبوس دوسیه‌سی مملکت گه یوباریلگن و اولردن قطاری هم قوییب یوباریلگن.»
قاچقینلر وزیرلیگی مسئوللری، کیله‌سی ییل‌ده افغانستان‌لیک قاچقینلر قیتیشی پروسه‌سی کوچلنیشی، قانونی مهاجرتلر رواجلنیشی و بیر قطار مملکتلرده اتشه‌لر فعال بولیشی اوچون جدی اقداملرنینگ قولگه آلیش خصوصیده سوز بیرگنلر.
