عیاللردن قطاری‌نینگ سلام‌وطندار گه ایتیشلریچه، اوی‌ده کوپ ایشلش و یخشی آوقتلنه آلمسلیک اوچون ایاغ آغریق تاپگن‌لر. مذکور عیاللر‌نینگ کوپه‌یتیریشلریچه، جدی شکلده ایاغ‌لری آغریگنی بیلن، بیراق اقتصادی قیین‌چیلیک سبب مذکور کسل‌لیک‌نی اونچه‌لیک جدی توتمه‌گنلر.
اوی‌نینگ برچه مسئولیتی بوینیگه بولگن و ایاغ آغریق تاپگن عیاللردن بیری زحل‌نینگ ایتیشیچه: «درست شکلده دوالنمه‌گن‌مین؛ عایله اعضامیز کوپ دیر و ییترلیچه اوسکونه‌میز یوق که فایده‌لنسک؛ کییم-کیچگ‌نی قولیم‌ده یووه‌من، اوی ایشی کوپ و کوپینچه وقت ایاغ‌ده توخته‌ب ایشله‌یمن. ۲۰ یا-ده بیر آی سوو بیلن ایشیم بولمسه یا-ده ایاغلریم‌نی ایسیق سقله‌سم، بو تغییرلر ایاغیم‌نینگ آغریشی کمه‌یشیگه سبب بوله‌دی.»
شونینگدیک اوی‌نینگ برچه مسئولیتی بوینیگه بولگن و ایاغ آغریق تاپگن عیاللردن باشقه بیری ساره‌نینگ ایتیشیچه: «وزنم کوپ دیر؛ حاضر کوپ ایشله‌گنیم و پیاده یوریگنیم‌ده، بو قیین‌چیلیککه روپه‌ره بوله‌من. شفاکار گه بارمه‌ی و دارو قوللنمه‌سم، قیته بو قیین‌چیلیککه چلینه‌من.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، اوشبو گزارش‌ده صحبت قیلگن عیاللردن قطاری‌نینگ ایتیشلریچه، اقتصادی قیین‌چیلیکلر و درست آوقت‌لنمسلیک و وجودلریده ویتامین‌لر‌نینگ کم‌لیگی سبب، ایاغ آغریققه چلینگنلر.
یخشی آوقت‌لنمسلیک سبب ایاغ آغریق تاپگن کابل یشاوچیلریدن زهره‌نینگ ایتیشیچه: «ایاغ آغریققه چلینگن‌مین و تیزه‌لریم جدی شکلده آغریدی. ایاغ آغریغیم سببی کلسیم کم‌لیگی و یخشی آوقتلنه آلمسلیک دیر.»
یخشی آوقت‌لنمسلیک سبب ایاغ آغریق تاپگن کابل یشاوچیلریدن باشقه بیری ماه‌جبین‌نینگ ایتیشیچه: «شفاکار گه بارمه‌سلیک و دارو ایمه‌سلیک، دوالنیش توغریسیده تاثیری بار؛ چونکه اقتصادی قیین‌چیلیگی‌میز بار و پولی‌میز یوق.»
شونینگدیک یخشی آوقت‌لنمسلیک سبب ایاغ آغریق تاپگن کابل یشاوچیلریدن باشقه بیری قندی‌گل گه کوره: «بیش ییل ایچیده اوچ مرته شفاکار گه بارگن‌مین؛ پولی‌میز بولمه‌گنی‌ده شفاکار گه باره آلمه‌دیم؛ اقتصادی وضعیتی‌میز اونچه‌لیک یخشی ایمس و مینی کسل‌لیگیم خصوصیده تاثیر قویگن.»
عین حالده، ارتوپدی بولیمی شفارکارلری سوودن کوپ فایده‌لنیش، وجود‌ده کلسیم و ویتامین‌لر‌نینگ کم‌لیگی، آغیر ایشلرنی قیلیش و استخوان‌نینگ پوک بولیشی‌نی عیاللرده ایاغ آغریق تاپیلیشی اینگ اونملی عامللریدن بیلیب و ایتیشلریچه، اولر گه مراجعت قیله‌دیگنلردن ۹۰ فایزینی عیاللر تشکیل بیره‌دی.
بو توغریده ارتوپدی بولیمی متخصصی محمد‌نعیم شینواری‌نینگ ایتیشیچه: «روماتیزم، مفصل‌لر‌گه زیان ییتیشیش و یوقاری بیر جای‌دن ییقیلیش، کوپراق ایاغ آغریق تاپیشی‌گه سبب بوله‌دی. بو کسل‌لیک تاپیلگنی و جدی شکلده آغریشی صورت‌ده، تیز بیر شکلده شفاکار گه مراجعت قیلینیشی کیره‌ک که شفاکار معاینه قیلیب و کسل گه دوالنیش توصیه‌لرینی بیره‌دی.»
شونینگدیک عیال حقوقی فعاللری، اوی‌لر و عایله‌لرده عیاللر حضورینی اونملی دیب و ایتیشلریچه، عیاللر ساغلیگی اوچون عایله‌ده‌گی ایرککلر اولر بیلن اوی ایشلریده همکارلیک قیلیشلری کیره‌ک.
بیزلرنینگ فیسبوک صحیفه‌میزگه باش اورینگ!
عیال حقوقی فعاللریدن یلدا عزیزی‌نینگ ایتیشیچه: «دایم بیر عیال گه قدر بیریشی‌میز کیره‌ک؛ اولر نینگ وضعیتی‌دن خبریمیز بولیشی کیره‌ک. ایرککلردن هم عیاللری بیلن همکارلیک قیلیشلرینی ایسته‌یمیز. کوپ همکارلیک قیله آلمه‌گنلری صورت‌ده هم یالغیز اولر‌نینگ ساغلیق وضعیتی‌دن خبرلری بولیب و اولرنی شفاکار گه آلیب باریشلری کیره‌ک.»
بولر گه علاوه، سرپرست حکومت ساغلیق‌نی سقلش وزیرلیگی سوزلاوچیسی شرافت زمان امرخیل‌نینگ ایتیشیچه، کابل و ولایت‌لرده ایاغ آغریق تاپگن کیشیلر‌نینگ دوالنیش زمینه‌سی یره‌تیلگن. «کابل ده وزیر محمداکبر‌خان کسل‌خانه‌سیده ارتوپدی کسل‌للر اوچون فعال کدرلر بار و خذمتلر کورسته‌دیلر. ولایت‌لرده بولگن کسللر هم داخله و ارتوپدی بولیم‌گه مراجعت قیله آله‌دیلر.»
ایتیش کیره‌ک که، ایاغ آغریققه چلینیش‌نینگ تورلی سببلری بار که بو آره‌ده اوی‌ده ایشلش، یخشی آوقتلنه آلمسلیک و اقتصادی قیین‌چیلیکلر اساسی سببلردن دییله‌دی که عیاللردن کوپ قطاری‌نی بو کسل‌لیککه چلینتیرگن.
