بیرلشگن ملتلر تشکیلاتی جمعیت صندیغی یا-ده (UNFPA)، نینگ رواجلنه‌دیگن مملکتلرده کونده ۲۰ مینگ عیال نینگ یاش‌لیکده فرزند کوریشی و ییل‌ده ۷۰ مینگ یاش عیال نینگ توغیش و حامله‌دارلیک دوریده‌گی قیین‌چیلیکلر طفیلی وفات ایتیشی نی کورسته‌دیگن گزارشی بیلن بیرگه، یاش‌لیکده فرزند کورگن عیاللردن قطاری تورلی‌خیل جسمی و روحی کسل‌لیکلر گه چلینگنلریدن خبر بیرگنلر.
اولر نینگ ایتیشلریچه، یاش‌لیکده تورموش‌گه چیقریلیش و فرزند کوریش، آنه‌لر و اولر نینگ چقه‌لاقلری حیاتینی تهدید قیله‌دی. ۱۶ یاشرلیکده فرزند کورگن ذکیه نینگ سلام‌وطندار گه ایتیشیچه، یاش‌لیکده فرزند کوریش اونینگ کوپینچه قیین‌چیلیکلر بیلن روپه‌ره قیلگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «۱۴ یاشرلیکده تورموش گه چیقریلدیم و ۱۶ یاشرلیکده باله‌م نی دنیا گه کیلتیردیم، بیرینچی باله‌م‌ده حامله‌دارلیک چاغیده کوپینچه قیین‌چیلیکلرنی کوردیم. باله‌م توغیلگنی‌ده ینه کوپ قیین‌چیلیکلرنی اوتکزدیم، چونکه یاشیم کیچیک ایدی و باله‌م کوپ قیین دنیا گه کیلدی. حتا نیچه مرته ضعف قیلدیم که یا باله‌م یا-ده اوزیم نینگ اولیشیمیز ممکن ایدی. شفاکارلر کوپ تلاش قیلدیلر و خداوند هم یاردم بیردی و حیات کیچیریش اوچون ینه بیر یاش نصیب قیلدی. آته‌لر و آنه‌لر بیر قیز نی کته قیلگنلریده قیزلری نینگ قانونی یاشیده تورموش گه چیقرسینلر، عکسینچه حالده، کوپ قیین‌چیلیک نی کوره‌دی.»
باشقه بیر تاماندن، کیچیک یاش‌ده فرزند کوریش تجربه‌سی گه ایگه بولگن عیاللردن باشقه بیری مریم نینگ ایتیشیچه، جدی بیر شکلده اعصاب و قان کم‌لیگی قیین‌چیلیگی گه چلینگن. اونینگ کوپه‌یتیریشیچه: «کیچیک یاش‌ده تورموش گه چیقریلیش اعصاب گه تاثیری بار. کوپ افسرده‌لیک تاپیله‌دی. کسل بوله‌سین. حاضر کم‌خون مین و افسرده‌لیک بیلن اعصاب قیین‌چیلیگیم بار. هر بیر شفاکار گه بارسم، کیچیک یاش‌ده تورموش گه چیقریلگنی نینگ اوچون دیه‌دیلر. کیچیک یاش‌ده تورموش گه چیقریلیش کوپینچه قیین‌چیلیککه سبب بولهدی.»
کیچیک یاش‌ده تورموش گه چیقریلیش و فرزند کیلتیریش، عیاللر گه نه فقط جسمی قیین‌چیلیک نی اورته گه کیلتیره‌دی؛ بلکیم آنه‌لرنی تورلی‌خیل روحی کسل‌لیکلر گه چلینتیره‌دی. روان‌شناسلردن سویتا حبیبی نینگ ایتیشیچه، بیللی بیر وقتی ییتیشمس‌دن آلدین فرزند کیلتیره‌دیگن عیاللر نینگ افسرده‌لیک کسللیگی و باشقه روحی قیین‌چیلیکلر گه چلینیشلری ممکن.
بانو حبیبی نینگ کوپه‌یتیریشیچه: «بیللی بیر یاش یا-ده ۱۸دن قویی یاش‌ده حامله‌دار بولیش نینگ اوزی عیاللر نی تشویشی گه سبب بولهدی که اولر، باله باقیش مسئولیتی نی بجره آله‌میلر یا-ده قیسی قیین‌چیلیکلر گه چلینیشلری ممکن؟ بو اوزی مذکور کیشی نینگ تشویش قیلیشی گه سبب بولهدی.»
بیزلرنینگ فیسبوک صحیفه‌میزگه باش اورینگ!
عین حالده، نسایی-ولادی شفاکارلریدن عابده رها نینگ ایتیشیچه، عیاللرنی یاش‌لیکده حامله‌دار بولگنی چاغیده، آنه و باله نینگ حیاتی جدی خوف بیلن روپه‌ره بولهدی. اونینگ کوپه‌یتیریشیچه: «بو یاش‌ده قیزلر نینگ رشد قیلیشی یکونلنمه‌گن و اوزی کته بولماقده. بو پیتده قیز نینگ حامله بولگنی‌ده یعنی اوزی نینگ نیازلری یکونلنمه‌گن و اوزی نینگ قوی ماده‌لر گه نیازی بار و حامله بولگنی‌ده، هم آنه و هم چقه‌لاققه درست قوی ماده‌لر ییتیشمه‌یدی و آنه بیلن چقه‌لاق نینگ توییب آوقتلنمسلیککه چلینیشی گه سبب بولهدی. خطرلردن بیری کم‌خون‌لیک که اونینگ بیلن روپه‌ره بولهدی. کم‌خون‌لیک اوزی آنه‌لر نینگ اولیمی گه سبب بوله‌دیگن اصلی عامللردن بیری دیر.»
ایتیش کیره‌ک که، ۲۰-۳۵ یاشرلیک حامله‌دارلیک اوچون اینگ یخشی وقت دیر که بو یاشلرده عیاللر جسمی و روحی نقطه‌ی نظری‌دن فرزند کیلتیریش اوچون تیار بولیب و عیاللر برابریده جدی خطر بولمه‌یدی.
