ینگی مالی ییل باشله‌نیشیدن ایکی هفته اوتماقده؛ بیراق اسلام امیرلیگی تامانیدن ۱۴۰۲_مالی ییل بودجه‌سی حاضرگچه تصدیق‌لنمه‌گن. بیراق ینگی‌لیک ده مالیه وزیرلیگی، مالی ییل بودجه‌سی تصویب بولمسلیگیگه قره‌مسدن، دولت اداره‌لری ایشلاوچیلری نینگ بیر آی‌لیک معاش‌لری، توللـه‌نیشیدن خبر بیرگن.
عین‌حالده، ایش بیلرمان‌لر نینگ ایتیشلریچه، مالی ییل بودجه‌سی تصدیق‌لنمسلیگی، حکومت‌دارلیک ایشلری و مملکت اقتصادی اوستیگه سلبی تأثیر قیلیشی ممکن.
بیزلرنینگ فیسبوک صحیفه‌میزگه باش اورینگ!
اقتصادی ایش بیلرمان ظاهر بهزاد نینگ ایتیشیچه: «بودجه تصدیق‌لنمسلیگی یا ده مالیه وزیرلیگی تامانیدن بودجه طرحی عملی بولیشی، پروژه‌لر درآمدی اجراآتی و مملکت اقتصادی اوستیگه سلبی تأثیر قیلیشی ممکن.»
باشقه تاماندن، اسلام امیرلیگی حاکمیتی و مملکت سیاسی توزولمه‌سیدن پارلمان حذف ایتیلیشیدن کیین، بودجه تصویب ایتیلیش جریانی قنده‌ی‌لیگی و بودجه سندی شفاف ایمس‌لیگیگه دایر خواطرلر کوچه‌یگن.
عین‌حالده، ینگی‌ییل باشله‌نیشی بیلن، بودجه مصرفی اوستیده کیلیشماوچیلیکلر بارلیگی حقیده ترقه‌لگن گزارش‌لردن کیین، مالیه وزیرلیگی نینگ سرپرستی هدایت‌الله بدری، مرکزی بانک نینگ سرپرستی اوله‌راق ایتیب تعینلندی و حاضر مالیه وزیرلیگی سرپرست‌سیز دیر.
بیزلرنینگ توییترده هم تعقیب قیلینگ!
اوشبو کیلیشماوچیلیکلر، بودجه تصدیقلنمسلیگیگه دایر خواطرلرنی آشیرگن.
سیاسی ایش بیلرمان طارق فرهادی گه کوره: «نیچه هفته آلدین مالیه وزیرلیگی سرپرستی استعفا گه چیقیشی، بودجه تصدیقلنمه‌ی و قطار باجخانه درآمدلری کابل گه یوباریلمسلیگیگه سبب بولگن، نهایت بودجه تصویب بوله‌دی.»
اسلام امیرلیگی اداره‌لری، مالی ییل ده درآمدلری کوپه‌یشیدن خبر بیرگن بیرحالده، ۱۴۰۲_مالی ییل بودجه‌سی تصویب بولیشی کوتیله‌دی.
